2009-05-14 AppleDaily
| ||||||
國泰航空(293)一向有幾位長線小股東擁躉,次次股東會都舉手,問管理層有關生意嘅問題。噚日仲多咗一名熱心股東,佢就係為同事爭取福利嘅空中服務員工會主席關笑華。 質詢無薪假慳幾多 關 笑華以往都曾經出席股東會,但甚少發問,噚日佢問行政總裁湯彥麟,最近提出特別無薪假計劃,究竟可以幫公司慳到幾多錢,同埋唔參與嘅同事會唔會受罰。其實 呢兩條問題,記者一早就問過,湯彥麟噚日畀嘅答案都係一樣:慳幾多唔會講,唔參與嘅同事唔會受罰。關笑華似乎好滿意個答案,無再追問。老實講,華華好想關 小姐再問啲尖銳問題,等大家可以現場觀摩一下,國泰管理層面對工會代表如何見招拆招。 |
2010-12-01 AD
|
||||||
江湖近日盛傳, 國泰航空(293)行政總裁湯彥麟可能離開國泰,過檔國際航空運輸協會(IATA)做其總幹事兼總裁,噚日華華有探子回報,話IATA好大機會喺今個周末 前宣佈新總裁人選,替代現任嘅Giovanni Bisignani。如果真係湯彥麟,最開心嘅人可能係最大機會接掌國泰嘅常務總裁史樂山。 聽講,就算湯彥麟唔係辭職,佢退休之後,史樂山都係國泰行政總裁嘅大熱繼任人選,所以如果湯彥麟真係決定過檔IATA,有機會升職嘅史樂山一定非常高興。 湯彥麟過檔IATA 可做到花甲 航空界人士分析,湯彥麟77年加入太古集團,今年55歲,按國泰內部規定,西人57歲就要退休,即係仲有兩年玩,IATA總幹事兼總裁聽講係5年一個任期,湯彥麟o依家過去就可以做到60歲,如果等到兩年後退休,到時又未必搵到另一份咁有國際地位同聲譽嘅筍工嘞! 而 且,聽聞IATA總幹事兼總裁一職,年薪有成千萬,湯彥麟舊年喺國泰嘅年薪超過1200萬,即係話兩份工嘅年薪差不多。不過,IATA份工喺日內瓦返工, 當地薪俸稅率高過香港好多,啲錢嘅使法好唔同,有咁多考慮因素,可想而知,湯彥麟的確需要「腦交戰」幾百回合先有決定。 國泰過去十年差唔多隔幾年就換一個行政總裁,陳南祿04年底接替唐寶麟做行政總裁,做咗兩、三年就由湯彥麟頂上,如果佢決定走,咁國泰又要換人。好彩大公司講制度,唔會因為一個人走咗而令到公司政策出現重大變動,否則,長線投資者可能無所適從。 李華華 |
http://www.21cbh.com/HTML/2010-12-8/0MMDAwMDIwOTg0MQ.html
在民航业界私下讨论已久的国际航协(IATA)新领导者交接问题,终于尘埃落定。
12月3日夜间,国际航协与国泰航空分 别在日内瓦和香港宣布,国际航协的理事会一致推选国泰航空行政总裁汤彦麟(Tony Tyler)担任国际航协理事长兼首席执行官,其任期将自2011年7月1日正式开始。这是首次出身自亚洲航空公司的企业高管掌舵国际航协。国际航协在世 界各地共拥有230多家航空公司会员,其定期国际航班客运量占全球的93%。
今年6月国际航协确认其现任理事长Giovanni Bisignani卸任在即。
Bisignani表示,汤彦麟是领导国际航协的最佳人选。“他非常了解亚洲市场,将提升国际航协在亚洲的领导地位。”包括Bisignani在内的历任5届国际航协理事长,均出身自西方航空公司管理层的位置,Bisignani本人就曾任意大利航空CEO。
与 之相应的是,亚太区市场正逐步取代美欧市场成为民航业的最重要市场。10月亚太区的民航客运需求量同比增长7.3%,而货运需求则以14.9%增幅领跑全 球。在新的行业格局下,一些亚洲航空公司在试图掌握更大的话语权。“我们厌倦了在包括碳排放等话题上总是唯西方同行的意见马首是瞻。”一位不愿公开姓名的 中国航空公司高管6日说。
这亦意味着国泰的管理层亦将同时交接。6日国泰航空在香港召开发布会,透露国泰现任常务总裁史乐山将接替汤彦麟出任行政总裁。
|
||||||
國泰航空公司真 巴閉,推出空中服務員新制服、商務艙新座椅、機場貴賓室新裝修,都可以請到政務司司長唐英年到場主持,並試坐商務位,謀殺不少菲林(或者現在要講:消耗不 少記憶體)。當然,呢個新產品介紹會並非簡單,左丁山現場估計要用起碼一百萬元,後來碰到一位國泰文膽,問佢用咗幾多錢,佢毫不猶疑咁講:over a million。 介紹會於十二月七日在會展新翼大展覽廳舉行,應邀到場人士有傳媒代表,馬可孛羅會鑽石級級數會員,睇落起碼有二三千人,場 面盛大,新產品面世前就有來自澳洲嘅雷射人(Laserman)作雷射激光舞表演,之後由即將退休嘅行政總裁湯彥麟致詞,指出國泰係香港的航空公司,擁有 飛機超過二百架,未來十年會投資百五億以上嚟擴充機隊及貨運站,係香港經濟一大力量。 國泰已發盈喜,國泰、港龍員工齊齊加人工,早已脫離航空業艱苦時期(例如陳南祿當政時之九一一後遺症與沙士),做乜有國泰李察基爾之稱嘅湯彥麟要辭職走人呢?呢個時候做國泰總裁好容易領功嘅噃,咪益晒繼任人史樂山? 呢, 有事唔識就要問。前輩W老早坐在大堂中座嘅高腳櫈上嘆緊白酒,左丁山幾年前到福岡旅行,住在君悅酒店,早上吃早餐時見到前輩W一家三代齊集,呢次係第二次 遇上。同前輩W講起呢個問題,前輩W話:「唔好睇小IATA總裁呢個職位,呢個組織在國際航空界好有地位,二十幾年前我知道國泰行政總裁M退休之後就想入 IATA做呢個位,但當年亞洲經濟未壯大,國泰唔算係大航空公司,歐美航空界唔想畀國泰退休高層做IATA總裁。現在唔同晒嘞,國泰有二百架飛機起碼,歐 美航空公司未曾破產嘅就要互相合併,或搵政府救亡,邊度有國泰、新航咁威風吖,JAL都要破產保護啦。故此今次湯彥麟把握機會,提早退任去做IATA行政 總裁,雖然人工花紅未必有國泰咁高,但地位超然吖嘛!」前輩W果然識得提點,正是,好位不常有,有位就要立即上,湯彥麟今次夾啱天時,得到退休後嘅 Dream Job,恭喜晒。 |
|
||||||
臨別依依,趣事 往事一大籮!卸任在即嘅國泰(293)CEO湯彥麟,噚日同大家分享佢喺太古集團30年(其中25年喺香港)嚟嘅點滴。先講未來,被視為下任IATA(國 際航空運輸協會)CEO大熱門嘅佢,話如果做唔到呢個位,就會憑自己喺航空界嘅多年經驗,轉行做航空股分析員。Well,到時仲可以想講乜就講乜! 被視IATA下任CEO大熱門 咁做唔到分析員又點呢?咪發展自己嘅音樂事業囉!不過佢都好謙,話自己知自己事,音樂呢樣嘢,佢做到都搵唔到食,賺吓零用錢就得,所以會盡量留番嚟做終生興趣算喇。佢又話雖然香港樓價好貴,但係佢已經視香港為自己嘅家,諗住喺香港置業,過幾年之後會再返嚟。 講完未來,又回到過去。奉獻咗人生3個十年畀國泰同太古嘅湯彥麟話,70年代嘅佢,同好多英國人一樣,好想出國發展,就算當時有人同佢講,可能會即時要去香港做,仲可能係「no coming back」嗰種,佢都唔介意,於是就加入咗太古。 30年來最難忘搬機場 呢30年,佢話最難忘嘅係香港啟德機場搬去赤鱲角、03年沙士令香港航空業全面崩潰,仲有911事件同兩次金融危機,但航空業嘅復原能力好高,好快就可以反彈……呢啲難忘嘅回憶,真係一單都嫌多呢! 李華華 |