捱逾8年忽然熱爆富千金趙希洛：想搵真愛
1 :
GS(14)@2016-08-08 00:17:09■趙希洛07年選港姐落敗後晉身演員行列，但多被派演閒角。資料圖片
現年33歲的趙希洛，07年跟黃智雯齊齊參選港姐，在落選後加盟無綫，不過論運氣，趙希洛明顯比黃智雯差一大截，在無綫捱足8年多的她經常被派演癲婆、殺人犯等角色，被網民喻為無綫「御用癲婆」。直至近日無綫新劇《超能老豆》，趙希洛終有機會當上第二女主角，飾演陳智燊老婆，其賢妻良母形象獲不少網民追捧，紛紛留言：「如果趙希洛做我老婆唔知點算？」甚至認為其表現比第一女主角黃智雯更出色。
《實習天使》 癲婆■趙希洛在《實習天使》中演精神病患者角色，被喻為無綫「御用癲婆」。劇照
《超能老豆》 賢妻■趙希洛近日在《超能老豆》中演賢妻良母，備受網民讚賞。劇照
■07年趙希洛選港姐打入五強卻三甲不入，當年冠軍是張嘉兒。資料圖片
今次戲份最多
趙希洛前日受訪時感謝網民支持，承認今次是戲份最多一次。她說：「戲份多少都冇得揀，公司安排。做咗咁多年戲，以前唔覺得需要做女主角，但而家都希望將來有機會，知而家未適合，仍需進步。」雖然趙希洛母親是前藝人梁小玲，但她不認為星二代的起跑線會快人一步，她說：「自己4、5歲已經好有表演慾，喺聖誕節做drama，我做粒星星，我有問媽咪點解自己唔係做瑪利亞，媽咪就答因為我唔係白人。細個輸咗畀種族，大個就輸喺事業起跑線，贏唔到港姐，所以咪要慢慢捱囉！」
父做石油生意
趙希洛早前被起底是有錢女，指她父親在澳洲經營石油生意，但她其實介意被人知道家底，她說：「以前坐人哋車，都係車到我去港鐵站，人哋覺得好奇怪，因為我唔想俾人知我住邊。」有指她是繼黃翠如後圈中另一女筍盤，她笑說：「我個角色就係筍盤，我老公陳智燊（Jason）都係，不過俾宋熙年搶咗！我叫Jason介紹細佬畀我識，不過佢唔肯。其實都想搵真心愛自己嘅人，而唔係為錢！」趙希洛指家人其實反對她做演員：「佢哋覺得冇錢，辛苦又要捱更抵夜，但我好鍾意演戲。」採訪：嵐山
來源:
http://hk.apple.nextmedia.com/entertainment/art/20160807/19725869
趙希洛父母好猛料媽媽梁小玲係歡樂今宵台柱
1 :
GS(14)@2016-08-08 00:17:0933歲嘅趙希洛07年以原名「趙嘉迪」參加香港小姐，佢因為「一女子」，被捧為大熱門，可惜最後只能夠躋身五強，不敵張嘉兒、王君馨同周美欣，只能夠係嗰名前面加「07年落選港姐」7個字。講番「一女子」，點解希洛會因為呢位女子成為熱門呢？原因好簡單，因為佢就係希洛個阿媽「梁小玲」，梁小玲係前無綫藝人，佢係1968年「麗的映聲」第二期藝員訓練班畢業生，佢啲同學就猛料囉，包括大契李司棋、黃淑儀、盧大偉同黃韻詩等等，當時就講到梁小玲喺電視台人面廣，就係咁，希洛就被封為大熱門之一。記得希洛參選期間，其中一次活動就有大細契司棋姐同關菊姐出席，佢哋一見希洛都要走去同佢密斟，真係好有face架！梁小玲除咗同司棋姐佢哋好好朋友外，佢前夫就係大家都認識嘅前藝人李道洪，佢哋離婚後，梁小玲再婚，有傳佢老公喺澳洲從事石油生意，呢位「油王」亦即係希洛嘅老竇喇！其實梁小玲當年除咗係無綫長壽節目《歡樂今宵》嘅台柱之外，佢都做過好多經典節目同劇集架，好似佢喺麗的電視年代，佢就同司棋姐一齊做過綜藝節目《金玉滿堂》，之後佢就同司棋姐先後跳槽去咗無綫。跟住就開始接拍好多劇集，包括76年嘅《相見好 II》，拍檔有黃允才同王偉；78年就同李司棋、關菊英演出劇集《強人》；80年就同周潤發、鄭裕玲、關菊英一齊主演長篇劇集《親情》。
來源:
http://hk.apple.nextmedia.com/entertainment/art/20160807/19726499
趙希洛精神病角色難啃練就出眾演技
1 :
GS(14)@2016-08-08 00:17:10大台一班當紅嘅小生花旦走得七七八八，被迫起用二、三線藝員。不過咁，有時上唔到位只係冇機會，做下綠葉接觸多啲奇怪角色，反而磨練到演技。好似趙希洛咁，07年選完港姐翌年就加入咗藝訓班，斷斷續續做過唔少閒角，終於喺12年《愛．回家》做OL有個固定角色，之後又挑戰過唔同戲路，最有印象就一定係《八卦神探》入面嘅變性人「鍾姑娘」：《On Call36小時》：2012年，第一次做到女配角，因為個靚樣多咗人注意。《心戰》：同年演魔術師陳豪嘅女助手，呢套劇陳豪人格分裂又係殺人犯，仲害死埋趙希洛。雖然癲嘅唔係趙希洛，不過就影響佢好深，之後就演過兩套心理變態角色。《八卦神探》：2014年喺《八卦神探》入面由男變女、迷戀同性嘅李思捷，最後仲捉咗萬綺雯威脅思捷。揭露身份嗰一集，有唔少網民俾佢個凶狠樣嚇親，仲cap圖做萬能key。《實習天使》：2015年客串演出，不過並無欺場，將一位精神病人演到出神入化，又喊又笑控制自如，最終俾網民封做「無綫御用癲婆」。
來源:
http://hk.apple.nextmedia.com/entertainment/art/20160807/19726525
讀碩士瞞家人選港姐趙希洛月入僅千元
1 :
GS(14)@2016-08-08 00:17:10趙希洛2007年選港姐，同屆有王君馨、黃智雯、何傲兒，冠軍係張嘉兒，趙希洛本身喺澳洲悉尼長大，家境唔差，喺英國大學主修Law and Business，畢業後再修讀International Business and Banking碩士。趙希洛一心想做演員，碩士第一學期後，佢就瞞住屋企人參加香港小姐，以趙希洛學歷入金融界發展絕對冇問題，但係趙希洛選擇喺大台捱騾仔，當時月入只得5、6千元，佢接受訪問時講過眼見同學有車有樓，佢都曾經諗過放棄，佢仲話有個同學搵緊十幾萬，自己唔好話買樓，連部車都係屋企嘅，佢覺得好對唔住屋企人，不過趙希洛坦言真係好鍾意做戲。
來源:
http://hk.apple.nextmedia.com/entertainment/art/20160807/19726513
【懷才不遇】趙希洛專演癲婆
1 :
GS(14)@2016-12-25 13:18:55趙希洛
麥包在無綫捱足29年仍無緣做男一，其實有不少好戲藝人也是懷才不遇。
趙希洛
演癲婆、殺人犯等角色令人不寒而慄，被喻為「御用癲婆」。今年在《超能老豆》上位做第二女主角，惜無以為繼。
陳國邦
入行27年演技精湛，惜12年未能憑《大太監》奪最佳男配角。去年寫公開辭職信，多留一年後，今年決定離開。
河國榮
來自澳洲，善演警官，歌藝被讚。08年隨周潤發到荷李活教英語，回流後被迫離開演藝界，為生計曾在街頭擺檔賣飾物。
簡慕華
戚其義愛將，入行16年拍過近百部劇集，妹仔、醫生、師奶等統統演過，被網民讚「又靚又好演技」，可惜上不到一線。
來源:
http://hk.apple.nextmedia.com/entertainment/art/20161225/19876342
騎馬傷尾龍骨 爆趙希洛驚恐冇仔生
1 :
GS(14)@2017-03-05 23:04:122017-02-22 EW
趙希洛被封「無綫女筍盤」，父親在澳洲從事石油生意，身家億億聲。不過，自〇七年落選港姐之後，她加入無綫一直演閒角居多，直至近年拍劇角色才愈來愈吃重，在剛播畢的《乘勝狙擊》中，她演百變女老千，更被指犧牲色相，不時以性感衣着上陣，分分鐘搶鏡過兩大女主角林夏薇和傅嘉莉。
本刊發現，她工作搏命，除犧牲色相之餘，更不惜犧牲身體健康。早前，她就為一個角色而學騎馬，令致尾龍骨舊患復發，更被醫生警告隨時有影響生育之虞，為免傷勢惡化，近日她秘搵骨科中醫急救，保住條腰骨！
搵中醫針灸
現年三十四歲的趙希洛，在剛剛播完的無綫劇集《乘勝狙擊》中，飾演百變女老千「蘇麗芬」，變裝扮相搞笑，又有性感衣着上陣，完全不輸蝕畀同劇第一、第二女主角林夏薇和傅嘉莉，角色相當搶鏡。劇中兩場戲，她更被指犧牲大，先是遭綁匪捉走被撕爛襯衫，露出性感內衣，場面頗為香艷；之後，還有一場與徐榮鬥嘴戲，男方不慎雙手按她的胸口，意識上大膽，更有網民「葡萄」徐榮，大嘆女方「蝕底」云云。
日前，本刊發現，趙希洛疑似變裝出動，全身黑衫、黑褲、黑帽打扮，刻意低調現身灣仔，原來是神秘到訪一間骨科中醫診所求診。記者現場所見，她主要是接受男醫師治療腰背的位置，她先躺上醫療牀接受推拿按摩，及後再在接受針灸，整個療程約一小時。
期後，她離開診所，途經街市見有攤檔賣花，忍不住駐足觀看，未知是否因為至今仍然單身，趁年頭，心郁郁想買一盆靚花催旺姻緣呢？不過，最後都是兩手空空冇幫襯；反而在就近藥房，選購了幾款止痛藥片和藥膏貼，懷疑因腰傷要使用藥品鎮痛。
自費學騎馬
記者及後致電趙希洛了解，她透露早前為即將開拍的新古裝劇《天命》做準備。劇中飾演白蓮教教主的她，武功高強，而且不乏騎馬戲，所以自掏腰包學騎馬，怎料不慎觸及尾龍骨舊患，她說：「九年前啱啱報咗名參選港姐，一次出去蘭桂坊整頭髮，唔小心喺街跌親，尾龍骨裂咗少少。嗰時以為後生冇好好醫，只係食止痛藥等佢自然好。最近學騎馬可能再chok親，條腰又痛又腫咗嚿，所以媽咪帶我睇中醫，醫生話唔好好醫番好佢，怕以後會影響生育，仲警告我暫時唔好再騎馬。」
其實，趙希洛家底豐厚，母親是前藝員梁小玲，父親在澳洲經營石油生意。雖然，她出入有靚車代步，還家住半山豪宅，但一直刻意低調，都是不想被人誤會她入行是玩票性質。如今她更為拍劇搏到盡，犧牲尾龍骨兼有機會冇仔生，可謂後患無窮，也足證她絕非「賺錢買花戴」，專業精神，認真難得！
撰文☆錢慧 採訪☆何碧珊 攝影☆何國豪 設計☆蘇文傑
Next Page