一路一帶：大大巴摑醒自己
1 :
GS(14)@2018-02-13 03:17:05筆者去年中開始接觸bitcoin，以投資組合約一成金額投資，但這一成投資表現，已跑贏股票短倉組合。筆者踏入2018起，在股票市場錄得負回報，更犯上了低級的錯誤，不夠嚴守紀律，買完就啪，啪完又買，左一巴摑自己，右一掌揼自己，籍此告誡各位讀者朋友，現階段小心行事。先行利益申報，筆者上月底在1萬美元附近沽出部份bitcoin，收回當初以5,000美元買的成本價，餘下持有的加密幣，包括bitcoin、Ethereum以及Litecoin，已變成零成本，筆者一向看好加密幣，即使bitcoin升至近兩萬美元高位仍未諗過沽貨，這個高風險投資其實理應日日睇住，但筆者買完後，除非工作需要，放假時間都唔會望報價，除了因為已累積一段升浪之外，更因為全球無一個統一報價，只有在你交易時才知道真實價錢，而且交易時間較長，根本不需要時時刻刻望實。反而買咗股票，日日望住報價機，個價郁少少就頂受不住壓力沽貨，傷得仲甘。同事曾經講過，要贏得多，反而唔睇報價機。2018年恒指升逾3,000點，回報理應有一成，但筆者暫時負回報，其實由2018第一口價死坐唔走，到現在其實都唔使輸錢，不過筆者買安全的股票，竟然坐得唔夠買加密幣咁定，結果中了七傷拳。還好今年只是過了一個月，抱着正面心態，看清形勢，定下目標嚴格遵守止蝕及止賺位，相信仍可追回失地。斯郎
https://fb.com/oneroadonebelt/
來源:
https://hk.finance.appledaily.co ... e/20180208/20298473