📖 ZKIZ Archives

廉價屋難推 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130110/18128386
千億富豪李兆基突然語出驚人，講到政府如將一啲荒廢、不再耕作嘅環頭環尾農地拿出來起屋，不用補地價嘅話，可興建一啲面積300呎，售價一百萬元嘅住宅單位，香港市民可以負擔得起。
當然魔鬼在細節裡，三百呎屋嘅實用比率有幾高？免補地價嘅農地由政府起居屋、公屋，由政府起樓好吖還是由私人發展商起？將來轉手炒賣如何管制？問題一籮籮，必須仔細研究。但最要害嘅，香港特區政府如將廢耕土地劃撥俾私人發展商兼且免補地價，雖則話興建廉價樓（一百萬元一間），但一定會俾社會派、厭富派人士懷疑官商勾結，鬧出政治風波，去邊度可以搵到高官孭飛噃，唔駛講一定要由特首會同行政會議拍板，以梁先生嘅民望，佢唔敢啫。
李兆基一講，就有人懷疑佢別有動機，欲圖利恆基集團，因為恆基地產目前擁有農地土地儲備四千二百四十萬平方呎，拋離居第二位嘅新地（二千七百萬平方呎），環保團體實會又驚地產商先破壞農地生態價值……總之香港並非一個可以文明理性地、冷靜地討論爭論性議題嘅社會，沒有多少人有陳弘毅教授咁冷靜，講得出「要看結果，別問動機」之言。李兆基地位高，在地產界有實力、有影響力，佢一開口，就會惹來批評、懷疑嘅嘞，老人家不如慳番啖氣好過。
大梁粉張震遠話政府未來任期內，房屋政策主要在於重建土地儲備，搵定土地在手。以此引伸，發展新界東北，市區重建，開發粉嶺皇后山軍營等，皆以此為目的。不過一有土地嘅話，用途爭拗隨之而來，上屆政府提出六大優勢產業，教育係其中之一，故此政府撥地俾哈囉起中學，撥皇后山為私立大學之用，收到九份申請書，包括耶穌會、鴨巴甸大學等。點知近期梁政府喜歡與曾政府對著幹，曾政府否決城大開設獸醫系（或動物醫學院），城大主席梁先生做咗特首後，漁護署與食環署居然派人去康奈爾大學考察獸醫系（好多人問點解冇教育局代表去？），目的昭然若揭。有位接近「接近消息人士」嘅人士話俾左丁山聽，以前曾蔭權、孫明揚、林瑞麟都係耶穌會香港華仁教出嚟嘅，依家三個人都離開政府，有邊一位會為皇后山辦私立大學出聲呀？真係咁講人治，不講制度？木宰羊。
PermaLink: https://articles.zkiz.com/?id=42667

【蘋果照相機】一屋難求　綠置居好搶手！

1 : GS(14)@2016-10-14 06:44:39

一張照片勝過千言萬語！攝影師每日以相機拍下千百萬張照片，將一些大家看似熟悉的東西，以用不同的觀點與角度，讓你重新細看。【蘋果照相機】為大家呈現新聞重要時刻，以細膩照片，分享鏡頭背後的甜酸苦樂。蘋果攝記fb：http://bit.ly/1OlyZxX




來源: http://hk.apple.nextmedia.com/news/art/20161014/19800737
PermaLink: https://articles.zkiz.com/?id=311939

覓地建屋難張炳良：挫敗感好強

1 : GS(14)@2017-01-21 03:33:21

【本報訊】公屋輪候冊3年上樓目標落空，一般家庭目前最少輪候4.5年才獲編配公屋單位。運輸及房屋局局長張炳良昨出席房委會大會時稱，輪候冊人數有增無減，主要是房屋供應追不上需求，又指政府不會輕率更改上樓目標，否則只是「搬龍門」或掩耳盜鈴。但他承認，現時覓地建屋困難，欠缺土地建屋也感到「挫敗感好強」。房委會昨舉行周年大會，討論2016/17年度機構計劃。政府文件顯示，本年度目標要興建1.9萬個公屋單位，以及3,000個資助出售單位。但房委會今年上半年只能興建約4,900個公屋單位，當局強調正採取一切措施加快興建公屋單位。



■政府稱會加緊建屋，追趕3年上樓目標，圖為重建中的蘇屋邨。資料圖片

指改上樓目標是「搬龍門」

運輸及房屋局局長兼房委會主席張炳良承認，公屋輪候冊一般家庭輪候時間已由3年獲編配公屋的目標，增至4.5年。他稱，主要因為整體房屋供應追不上需求，又指長策周年目標雖然定下10年建屋目標，但「得出供應目標，唔等於有地」，又指有時候未有土地建屋「挫敗感好強」。有意見認為政府現時不能達至3年上樓目標，應考慮更改標準。張炳良認為，政府不會輕率更改3年上樓目標，否則只是「搬龍門」或掩耳盜鈴，「?家有偏差係唔好睇，但係咪改咗等於唔需要努力（建屋）？」對於被指公營房屋單位供應不足，政府應該提出租管或租金津貼，張炳良重申租管或租金津貼不能解決問題，「我地畀咗津貼，業主又加租，市民都係改善唔到居住環境，根本解決問題方法係增加供應」。此外，房委會資助房屋小組主席黃遠輝稱，每年建屋開支約220億元，按此推算，2019/20年就要開始注資。他建議應以5年公營房屋建築開支，制訂財務底線，即只要現金及儲備結餘僅有1年建築費用，就需向立法會申請撥款。■記者譚靜雯




來源: http://hk.apple.nextmedia.com/news/art/20170120/19903215
PermaLink: https://articles.zkiz.com/?id=323346
Next Page
ZKIZ Archives @ 2019