與內地妻文化差異莫少聰認離婚 獨力湊女
1 :
GS(14)@2016-10-10 04:28:26■莫少聰昨透過經理人表示跟內地妻孫雲玲（後）因性格不合而離婚。資料圖片
曾先後與上山詩鈉和洪欣拍拖、現年55歲的莫少聰，五年前與孫興在北京吸毒被捕，事件哄動全城。同年8月，莫少聰被本報發現與年輕27載的內地女子孫雲玲在香港排期結婚，婚後二人育有一4歲女兒莫芷嫣。女兒出世後，莫少聰修心養性做個好爸爸，原以為他家庭生活幸福美滿，沒料到昨日有周刊報道指莫少聰原來已跟結婚五年的孫雲玲離婚，原因是二人年齡差距、文化差異和性格不合，令夫婦關係變得疏離，其後孫雲玲主動提出離婚，莫少聰亦同意和平分手，離婚後女兒由莫少聰照顧。報道又指莫少聰母親希望孫女來港生活方便由她照顧，但近年長居內地的莫少聰卻希望女兒在自己身邊而拒絕。
■莫少聰日前在微博貼近照，指自己心情平靜，似未受婚變影響。
■洪欣跟莫少聰曾拍拖三年，並為對方誕下兒子（右圖），囝囝現時跟隨繼父張丹峰姓，並改名張鎬濂。資料圖片
心情平靜
記者昨致電莫少聰經理人嘉慧了解，她說：「阿聰話冇嘢講㗎啦，佢同太太係因為性格不合同文化差異和平分手嘅，而家個女就係由阿聰照顧。」問到莫少聰近期工作，嘉慧表示主要是在內地做商演，稍後會參與一部電影演出。莫少聰日前微博上載新相，並謂：「以清淨心看世界，以歡喜心過生活。以平常心生情味，以柔軟心除掛礙。」指自己現時心情平靜。採訪：魯吉
來源:
http://hk.apple.nextmedia.com/entertainment/art/20161009/19795166
【馮仁昭四圍超】當年被指棄洪欣母子莫少聰晒抱仔相反擊
1 :
GS(14)@2016-10-20 08:05:33【出生2日】■莫少聰噚日登出當年剛出世囝囝嘅相上網爆seed。微博圖片
莫少聰前日突然喺微博爆seed，講返佢同舊愛洪欣嘅恩怨，當年洪欣話同聰仔生咗個仔莫鎬廉（現名張浩鋒）之後，兩母子冇人理。聰仔叫洪欣捫心自問，當年嘅事，真係全部都係佢錯咩？仲話佢沉默唔代表佢唔敢講嘢。到噚日聰仔攞咗當年抱住剛出生嘅囝囝莫鎬廉相，佢喺微博上載咗兩張相，日期同樣係2000年8月18日，即係囝囝出世後兩日，當時見到莫少聰抱住囝囝，另一張係一名中年女子抱住莫鎬廉，估計係聰媽，莫少聰留言：「好吧，第一次公開兒子的這些照片，滿足大家做偵探的願望，希望每個人都向柯南學習，發現事情背後的真相。」當年傳聞係洪欣懷住莫少聰嘅BB，冇結婚最後分手收場，仲話洪欣當年孤身去加拿大分娩，聰仔背負住負心人嘅包袱。近日聰仔同孫雪玲離婚，接受訪問時話當年外界一直話佢狠心唔理個仔，事實係聰媽一直好錫孫仔，不過聰仔同洪欣冇緩衝嘅橋樑，令佢哋不相往還。
【16歲】■今年8月莫鎬廉（左二）生日，洪欣全家為囝囝慶祝。微博圖片
慘食死貓
據知情人士透露莫少聰食咗10幾年「拋妻棄子」死貓，該名人士又話洪欣大肚時已經同聰仔同居，到洪欣入院產子，聰仔仲陪埋入產房，一直都喺佢身邊，所以會有呢張抱仔嘅相出現。但有一日洪欣突然抱走個仔人間蒸發，之後就傳出聰仔唔理佢哋兩母子，該知情人士話：「當時聰仔搵極都搵唔到兩母子，佢又為咗個仔，所以冇去爭辯選擇唔出聲。」撰文：馮仁昭
來源:
http://hk.apple.nextmedia.com/entertainment/art/20161020/19806090
傳洪欣當年瞞婚莫少聰誤做第三者
1 :
GS(14)@2016-10-24 04:20:55■有傳當年洪欣隱瞞人妻身份，與莫少聰拍拖。資料圖片
洪欣與莫少聰這一對，分手後成陌路人。16年來莫少聰一直沉默，背負「負心漢」角色，被指對兒子莫鎬廉（現名張浩鋒）不聞不問，又由得洪欣當年孤身去加拿大分娩。最近莫少聰終於按捺不住，於微博出po並貼圖，分別是莫少聰及莫母當年在加國抱住初生莫鎬廉的相片，證明傳聞皆失實。
■莫少聰日前突然在微博貼出與初生囝囝的合照，似乎是想還自己公道。微博圖片
離婚妻想分身家
昨日有周刊指，莫少聰遭細27歲的內地妻子孫雲玲提出離婚及要求分身家，而令他更煩惱的是一班疑幫洪欣出頭的「寫手」，經常開不同賬戶在微博罵他。其實莫少聰和洪欣的恩怨一直是個謎，有傳洪欣於96年與商人黃國梁秘密結婚，一年後離婚，翌年與莫少聰合拍電影《亡命天涯》撻着，莫少聰更飛甩拍拖10年的空姐女友。但昨日卻有另一版本，指洪欣當年一直未離婚，莫少聰誤成第三者。直至99年，洪欣被影到與賴昌星（廈門遠華走私案主犯）上賭船，繼而傳出緋聞，當年洪欣指報道失實，斥罵：「使唔使講到我咁cheap？寫到我成世未見過錢咁。」但同年洪欣與莫少聰仍是分手收場，翌年莫鎬廉出世。莫少聰當時安排洪欣在加拿大生BB，惟返港後兩人誤會加劇，令兩父子無機會再見面。記者昨日致電洪欣，但至截稿前仍未回覆。採訪：嵐山
來源:
http://hk.apple.nextmedia.com/entertainment/art/20161023/19809283
Next Page