📖 ZKIZ Archives


微型貸款-幫你定害你? 佟 若喬

來源: http://hkcitizensmedia.com/2014/11/25/meatorpoison/

姊妹Samantha同男友在澳洲working holiday後索性在當地落地生根註冊成婚,返港向四大長老擺酒交代,昨天便約我high tea夾大日子當日的行程。既然就快結婚,自不然要八下有冇打算搞出人命啦。Samantha一臉幸福話老公都好想快D做人成功,但現階段都係睇住自己助養果幾個小朋友開心下先。言談間不期然提到印度助養果個女Geeta的生活環境,又話擔心性別歧視、階級歧視(Geeta屬於種性中最低級的Shudra!講嚇講嚇竟爾喊了出來!

其實印度農村除了存在社會問題外,經濟問題也一直頗為棘手。窮困的農民完全無法靠資本增值累積財富,而銀行亦唔會對這些無產階級貸款,所以農民只能每天出賣勞力生命糊口,生活朝不保夕。因此,孟加拉的大學經濟系教授Muhammad Yunus1976年創立鄉村銀行Grameen Bank,發展微型金融Microfinance)向農民進行無擔保融資,並透過團體借貸Group Lending)確保收回資本。

簡單來說,這種貸款的成功理念在於農里之間互相認識,變相以鄉農之間的情誼作擔保。這項經濟措施後來被確認能有效改善農民生活而被廣泛推廣至其他未發展地區,其重要性甚至衍生了其他微型存款(Microsavings)、微型保險(Microinsurance跟行動金融(Mobile Banking)等各式各樣的金融服務,亦使Muhammad Yunus2006年與鄉村銀行一起獲得諾貝爾和平獎。

不過,此機制亦催生高利貸或部份農民倚賴舉債渡日的消極生活方式。在2010年,佔印度微型貸款服務人口五分之一(約六百萬人)的大聯邦Andhra Pradesh,就爆發借款人集體拒絕償付貸款的事件。由於自殺風潮日盛,印度政府的對應方法竟是容許借貸人賴債,使不少微型金融機構倒,差點釀成微型貸款體制崩潰。

有趣的是,由農村鄉鄰緊密關係建構而成的微型金融面臨考驗的同時,由網絡普及的P2P網絡貸款卻在中國猶如雨後春筍發展起來。相對於由銀行貸款予債仔的B2C貸款形式,P2P網絡貸款主要是由網絡平臺配對債主及債仔。缺乏農里互相幫助及監察的情況下,如何可減低壞帳風險?傳統答案是網絡可快速使用信貸資料庫審核債仔資料,幫助債主評估債仔的賴債風險,但你知我知,內地明顯沒有這種齊全的資料庫,結果就衍生出多種變奏見下圖

iheima (http://newshtml.iheima.com/2014/0714/144039.html)
iheima (http://newshtml.iheima.com/2014/0714/144039.html)

不期然諗起,上兩個星期同去Wine & Dine Festival的一位內地海歸派朋友,就講開佢啲父輩亦買剛剛下了一個這種平臺予他練習練習。據他所言,這種網絡貸款的年化利率可達至30厘,但對於壞帳率卻支吾以對。不過,海歸朋友就話已有多間P2P融資平臺獲VC青睞甚至進行了幾輪融資(遠少少的可見有利網向軟銀中國完成了首輪融資,近的也有花果金融拿到了藍基金與首都科技集團首輪千萬人民幣的投資),繼而又盛讚該門網絡平臺生意的回報不俗。

講真,雖然一向唔多信家父「借錢傷感情」的家訓,但都很少借錢給姊妹,更遑論會隔著部IPHONE就借錢予彼方的陌生人,所以這種嶄新的金融模式能否成功,個人實在難以肯定。縱使高回報,但嘻嘻,保守如我寧願投資落自己個樣到,做多幾次Facial

但無可置疑的是,現在的中國的確渴求資金,觀乎發改委要急推滬港通吸引外資和回收境外人民幣,又或星期五突如其來的減息舉動都可證實這一說法。然而再多的貸款,是有利經濟,還是the remedy is worse than the evil,就要靠內地點樣進一步實施規範。同揀個靚仔做男朋友一樣,回報高、風險自然高。

想得遠了,當然要調侃一下Samantha是否婚前恐懼導致多愁善感啦。說罷,呢個女人即刻破涕為笑,正一傻婆。Samantha,你一定要幸福呀

 

佟若喬

PermaLink: https://articles.zkiz.com/?id=120688

【愛佢定害佢】兔兔玻璃心唔易養 復活節後遺棄多一倍

1 : GS(14)@2017-04-15 23:29:16

Yvonne說其實養兔一點也不容易,醫療開支大之餘更需要細心和耐性,留意兔仔的身體狀況和情緒。



復活節好不好?當然好啦,難得有長假,梗係要盡情玩。不過去玩復活蛋、去日本玩櫻花都好,都千祈咪玩養兔,最緊要,唔好玩完就丟。「如果你送兔仔畀人,收個人根本唔鍾意,咪遺棄佢。甚至有人特登餵佢食唔應該食嘅嘢,例如樂天熊仔餅、朱古力咁,做乜?整死佢囉。」香港兔友協會幹事董芳宜(Yvonne)說,兔友協會每年接收近二百隻棄兔,每月平均接收近二十隻,但在復活節後一個月,棄兔會多一倍至近四十隻,「往年復活節領養頻率唔特別高,反而復活節後大概一個月,會多咗人棄兔,特別多熱心市民或養開兔嘅人,會打電話上嚟話喺街邊見到有兔仔跳嚟跳去,或有朋友嘅朋友突然唔要兔仔,點算好?特別多呢啲查詢。」

長毛兔最多人遺棄

市面上買兔仔好平,一般只需三百至五百元,就可將兔仔連籠及糧食帶回家。不少人未經對方同意,就決定在復活節送兔仔當禮物,往往落得兔仔無辜被遺棄的下場,「有啲最初好有熱誠,想喺復活節養兔,養咗一段時間發現,兔仔唔似一般寵物易養,唔識發聲,互動冇咁多,主人熱情消減咗,就有棄兔念頭。」棄兔由家兔,到近萬元一隻的名種兔都有。特別容易被遺棄的是長毛兔,因甩毛較多,而都市人多有鼻敏感毛病,「覺得就係佢問題」。長毛亦要常梳毛打理,否則會「打晒餅」,甚至黏上排泄物,以致有臭味,「嫌棄佢有臭味,又唔知係自己冇打理佢嘅問題。」將問題怪在兔仔身上的人,要幾多有幾多。Yvonne分享上星期有市民致電協會,說家中兔仔快死,但他沒有錢帶牠看獸醫,不想兔仔死在家裏。當日該主人帶同兔仔來到,職員發現兔仔嚴重過瘦、牙齒過長且脫水,連張開眼的力氣都沒有,懷疑主人虐待動物,遂交由警方處理。誰知該主人在棄兔後翌日再次致電,「話想接番隻兔仔,佢就話『唔緊要呀,我可以攞過第二隻兔仔』,呢個世界真係乜人都有。」



特別容易被遺棄的是長毛兔,因甩毛較多,都市人多有鼻敏感毛病。長毛亦要常梳毛打理,否則會「打晒餅」。

兔仔開心時會突然跳起揈頭,跳「兔仔舞」;生氣時會大力踏地甚至咬人;自在舒服時則會打側躺下,叫「中槍」。

香港兔友協會每月平均接收近二十隻,但在復活節後一個月,棄兔還會增至近四十隻。


養兔醫療開支大細心耐性唔少得

其實養兔一點也不平,醫療開支一般比飼養貓狗還要大,而且很需要細心和耐性,留意兔仔的身體狀況和情緒,「要留意佢食唔食嘢、去唔去大便。」兔仔膽小,且不太適應環境變化,可能家人突然在兔籠旁打爛東西,牠也會受到驚嚇,所以主人要找到問題,否則「兔仔可能唔食嘢十幾個鐘已經救唔番」。Yvonne認為香港生活環境細,兔仔相對其他寵物,需要的生活環境較細,算是適合養兔。只是很多兔主沒有正確飼養知識,易感徬徨。其實一般從協會領養兔仔,都有義工跟進,可教授主人正確養兔技巧。「例如兔仔鍾意咬嘢咬電線,所以見到電線特別興奮,尤其唔知點解通咗電的電線特別興奮,所以喺屋企自由活動要收起電線。」而木門、牆紙亦是兔仔的愛咬之物,用圍欄圈起活動範圍就可避免煩惱。現時協會有五十八隻兔子,由五位職員照料,由有病痛到半身不遂的都有,「呢度冇臭味,每隻兔仔都健康又肥肥白白,相信一個人照顧一隻兔仔,絕對冇問題。」
facebook:兔協 HKRS記者:封愷瑜攝影:梁志永




來源: http://hk.apple.nextmedia.com/su ... t/20170415/19990533
PermaLink: https://articles.zkiz.com/?id=330679

Next Page

ZKIZ Archives @ 2019