魚柳包一塊芝士好味啲
1 :
GS(14)@2015-01-06 01:03:35
【鳩嗚乜乜乜】日日去鳩嗚嘅費清，算係麥當勞粉絲，即使舊年爆出所謂「黑心」食材醜聞，都如常幫襯。行得入老麥，預咗食junk food，幫襯老麥而想食得健康，就好似一哥咁講：天方夜譚。
＃老麥應從善如流
不過對於老麥最近嘅「魚柳包半塊芝士的迷思」，費清都好有意見。老麥為洗底，最近喺官網列出所用食材來源地，當中提及「麥當勞的魚柳包用半塊芝士」就成為熱話，大家爭論老麥有冇偷工減料？老麥就權威解釋，話「每項麥當勞食品均經由專家調製出最佳滋味。而魚柳包自1975年在港推出後，一直均沿用麥當勞的全球食品份量標準，以半塊芝士製作」。費清當然唔可以好似老麥咁，請成隊專家嚟研發食品，但都做咗個土炮實驗，買咗兩個魚柳包返嚟，抽出其中一個包嘅半塊芝士，夾埋喺另一個包，自製有一塊芝士嘅魚柳包（圖）。結果係點？咪係common sense，一塊點都「滋味」過半塊囉，口感都豐富啲喎。如果老麥唔認同，咁佢又賣雙層芝士孖堡？講堅，口味好主觀嘅，費清呢個土法煉「包」，只係想老麥從善如流。事緣「半塊芝士風波」，令好多人話以前食魚柳包，明明係一整塊芝士，後來先減半；亦有人自稱喺老麥打過工，話舊時整包係一塊芝士咁話。老麥與其花咁多公關資源去解畫，不如畀多啲選擇大家，推出加錢可要求整塊芝士、甚至Double Cheese魚柳包，咪好囉！有得揀，先至係老闆。費清＃要生計，也要生活＃毋忘初衷
來源:
http://hk.apple.nextmedia.com/news/art/20150105/18991854
【食咗先講】KFC定吉野家？實試日式牛肉飯邊款好味啲？
1 :
GS(14)@2016-07-09 07:10:33KFC賣炸雞就出名，但最近竟然推出日式牛肉飯，是擺明針對吉野家嗎？
KFC賣炸雞；吉野家賣牛肉飯。在大家心中，這就像「阿媽係女人」一樣，是不可動搖的真理。兩家餐廳一直河水不犯井水，你有你做炸雞，我有我做牛肉飯，但KFC最近似乎忘了自己"We do chicken right"的口號，竟然推出了日式牛肉飯。
牛肉飯用紙盒盛着，亦有膠兜盛着牛肉，使醬汁不致令飯浸得太過軟腍。但驟眼看起來，牛肉份量少，醬汁也不多，反而白飯極多，正常人應該吃不完。牛肉同樣是薄切，但牛味不濃，而KFC聲稱牛汁用了日本大多福醬汁煮成，但入口偏甜，沒甚麼牛肉味，似乎這真的不是KFC的專長。想食這個牛肉飯，也要講運氣，皆因不是間間分店有得食，網上有傳全港8間分店有售，可是記者依足指示卻找不到牛肉飯，最後在觀塘APM分店買到。KFC官方回覆暫未確定哪間分店會有，但10月全線分店將會有售。順帶一提，吉野家2015年推出了「唐揚雞肉飯」（炸雞飯），不知道跟今次KFC賣牛肉飯有沒有直接關係呢？肯德基家鄉雞觀塘創紀之城五期（APM）2樓1號舖記者：黃子卓攝影：伍慶泉
驟眼看起來，KFC的牛肉好像比較少。
磅KFC的牛肉，想不到看起來很少，但竟然足足有119克。
吉野家的牛肉只得97克，相差頗遠，難道是因為吉野家牛肉切得比較薄。
來源:
http://hk.apple.nextmedia.com/su ... t/20160709/19687650
Next Page