【準新娘注意】裙褂繡吉蒂貓怕相沖？反肚龍吊腳褲唔老黎
1 :
GS(14)@2016-10-28 06:24:19玲玲師傅話卡通人物冇靈動力，大家可以放心着卡通褂喇。
本地裙褂店老字號鴻運繡莊，喺上個月首次推出Hello Kitty裙褂系列，有Kitty陪住出嫁，真係夠晒破格！Hello Kitty就話係貓，唔屬於十二生肖，但如果遲啲喺裙褂繡上布甸狗、Melody等，又狗又有兔，怕唔怕同新娘子八字相沖呀？動新聞請來堪輿學家麥玲玲，仲有資深裙褂師傅黃國興同我哋破解裙褂禁忌同迷思。
因為阿囡嘅一句話，黃師傅決心要設計Hello Kitty褂，認真喺廿四孝爸爸！
Vi首次擔任裙褂設計師，話之前冇諗過原來將Kitty放上褂喺咁有難度o架。
Hello Kitty裙褂系列一套四款，呢款行和風路線，別樹一格。
對於將吉蒂貓繡上裙褂，玲玲師傅叫大家唔使擔心，「係玄學上嚟講，卡通人物始終冇靈動力，唔需要介意，好似犯太歲嘅話，戴卡通公仔飾物都幫唔到，飾物要真係顯示到動物形象先有殺傷力！」但師傅話唔少人容易忽略穿着裙褂嘅禁忌，例如訂造裙褂千祈唔好造袋，因為有袋就代表袋走娘家或者夫家嘅錢。試褂唔會全套一齊試，多數會上下分開試；仲有新娘着裙褂前，記得要以紅色睡衣打底。講到裙褂，唔少人會聯想到褂等於昔日產物，兼且講究傳統，偏偏鴻運繡莊黃師傅鍾意打破規限，設計具時代感嘅裙褂。點解師傅會萌生設計Hello Kitty裙褂嘅念頭呢？原來係因為一個人－－黃師傅嘅囡囡！十幾年前，囡囡同師傅講，「我好鍾意Hello Kitty，你又話識造褂，咁我第日嫁會唔會有套好特別嘅褂呀？」就係咁，呢位爸爸將阿囡嘅說話放喺心上，去年付諸實行，同Sanrio公司接洽。對方對Hello Kitty裙褂構思非常受落，一拍即合，點知做落先知道原來一啲都唔容易！
舊版本嘅Kitty只用銀線繡上，後來設計師改用金線，再喺蝴蝶結加上日本布料同水晶，更Kitty更突出。
金銀線褂再加上水晶Kitty，好閃呀！
側襟設計令Kitty喺褂上出現嘅位置更有彈性。
Hello Kitty裙褂系列設計師Vi解釋，單係構思Kitty擺喺裙褂邊度已經有難度：「傳統裙褂喺中間開（對襟設計），如果將一對Kitty放係褂上方，就變咗副眼鏡；放下面又會變咗兩個袋。」最後佢哋就諗到側襟設計，令Kitty唔使畀拉鏈割開。黃師傅仲話，繡Kitty嘅針法同繡傳統圖案嘅方法好唔同，國內刺繡師傅都花咗好多時間，重新研究點樣繡一個合乎官方嚴格標準嘅靚靚Kitty。由設計、配色到研究刺繡方法，團隊足足準備咗九個月，推出一套四款嘅Hello Kitty裙褂系列。啲褂靚到連未定婚期嘅曾小姐，都要豪洗近四萬蚊，買定等嫁！曾小姐話最鍾意系列裏面和風味最濃嘅裙褂，裙腳有Bling Bling水晶之餘，上身褂邊仲有蕾絲點綴，唔會老土。問到佢覺得價錢如何，佢就話：「第一吓見到個價錢都冇諗住買，不過佢（未婚夫）話見我鍾意，咁就買啦。」好彩未來老公李先生話唔肉痛，「我覺得自己地位比Kitty高少少嘅，鍾意嘅嘢好難講，我覺得OK。」
曾小姐自6歲起就係Kitty迷，直到o依家結婚都有Hello Kitty陪住出嫁，好彩未來老公李先生冇呷醋！
坊間盛傳裙褂水波腳代表有波折，師傅話其實應該解作圓滿先啱。
裙褂又叫龍鳳褂，龍鳳要一雙一對出現，龍亦唔可以細過鳳。
擺隻貓貓上裙褂話唔介意，但係有啲習俗，各位準新郎新娘都要注意！黃師傅提醒，新娘着裙褂時，裙邊一定要到腳背。而裙褂、馬褂上嘅龍唔可以反天，既唔美觀又唔合乎傳統；褂上如果有龍鳳，就要一雙一對，龍亦唔應該細過鳳。坊間有唔少關於裙褂嘅傳言，但師傅澄清有啲講法並唔正確，例如裙褂衫腳要平，代表婚姻路平坦，水波腳就有波折，師傅話其實荷花邊解圓滿，波浪係指褂上嘅拉鏈位，「拉鏈位千祈唔可以手工差，如果彎彎曲曲，意頭就唔太好。」又有人話褂只可以出嫁嗰日着一次，到晚上唔好再着第二次，師傅指以前裙褂係飲衫，擺酒、斟茶可以着，甚至新年着都冇問題，你鍾意就得。其實着裙褂出嫁係喜慶之事，跟足傳統都係想攞個好意頭，無需過分介意，最緊要大家開心！
裙邊要到腳背先合乎標準。
師傅提醒準新娘，試褂時記得留意拉鏈位要順滑平坦。
採訪：何宛珊(表妹)攝影：馮峰、Neo後期：Roy編審：Kaman、仙
來源:
http://hk.apple.nextmedia.com/entertainment/art/20161028/19814150
【動畫●曱甴！慎入！】識飛曱甴＝大肚？點解死咗會反肚？
1 :
GS(14)@2017-07-07 01:33:44別說是打，其實噴殺蟲水也有機會噴中大肚曱甴，刺激牠流產，飆些蛋出來。
迷思一：識飛曱甴＝大肚？香港蟲害控制從業員協會梁廣源會長表示：「識飛曱甴不一定是大肚的，正常情況下，不論是公是乸，當受了驚嚇，牠便會靠滑翔由高地滑落地下。」天氣在低氣壓的時候，如打風落雨或天氣悶熱，牠們亦會感到不適而飛出來散熱。「另一因素是男追女，當有雌性曱甴在，那雄性曱甴便會飛向她們。」不過曱甴屬爬蟲類，嚴格來說不會飛，只能說是半飛半滑翔。
香港蟲害控制從業員協會梁廣源會長。
迷思二：打曱甴飛晒啲BB出嚟？別說是打，其實噴殺蟲水也有機會噴中大肚曱甴，刺激牠流產，飆些蛋出來。梁會長指出：「牠有保護殼，殺蟲劑不輕而滲進，若果成熟期夠，以殺蟲劑噴牠，咇出來的蛋亦有機會孵化成幼蟲。」看到此，大家又不用太害怕，幼蟲要成功孵化，還要配合陰濕環境，太外露的地方，有可能令牠缺水而死。至於如何分辨曱甴是否大肚，就要看牠的腹部有否膨脹，尾部亦有可能拖着白色的卵。迷思三：煙霧殺蟲劑令曱甴通屋走？煙霧的微粒未必可以飄到罅隙裏，但這可能已經刺激到牠們神經質地四處走而又不死。由於煙霧不是氣體而是微粒，滲透性不強，即使濃度較高的煙霧亦只能消滅外露於家居中的曱甴，所以未必很有用。
迷思四：點解曱甴死會反肚？曱甴的重心在四隻腳，當牠們中了殺蟲劑或生病，便會腳軟，繼而支撐不了重心。而曱甴的腹部亦是最脆弱的，當肌肉無力支撐較重的背部時，牠們便會反肚。記者：莊芷君2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170706/20080142