【大閘蟹殺到】首批太湖蟹到港 7両半大蟹貴15%
1 :
GS(14)@2016-09-13 08:04:59首批共20籮的大閘蟹，星期一早上10時運抵銅鑼灣老三陽。
首批來自太湖的大閘蟹終於到港！星期一（9月12日）早上約10時，第一批共20籮，約1,200隻的大閘蟹送到銅鑼灣老三陽，是全港首間賣太湖大閘蟹的舖頭。老闆祁廣楠隨即檢驗首批貨的品質，「太湖10號已開湖，不過相比去年，今年的品質預計較差，現在蟹的成熟度高達八成，意想不到的好。」他亦指，因上月內地天氣變暖，以及數月前受打風影響，養蟹的湖水位由1.5米上升至高達4米，令湖底水草死亡，不少體積較大的蟹因未能脫殼已浸死，故今年產量會比去年少。
「去年入貨量高達180噸，但今年應該會減至150噸。」來貨少，售價自然會提升，尤其是大蟹，7両半以上的，每隻賣$480，比去年上升15%，而6両半則賣$400，較細隻的如5両則賣$240。不過，祁老闆形容大閘蟹蟹價就如股票一樣，可升可跌，日日不同，要視乎來貨品質而定。首批大閘蟹當中，約有7籮會送去預先訂購的酒樓及熟客，預計今晚賣出大半。「都唔敢叫佢哋訂咁多，始終第一水，唔夠靚，9月25號左右，啲貨就靚喇！」他預計過了10月1日黃金周，蟹價會回落。祁老闆亦指，今年大閘蟹售價上漲，除貨源少外，有部份原因是與成本有關，「單是養蟹的水草，就比去年升了一倍，由每船$2,000，升至近$5,000，變相要加價來作平衡。」不過，他說相比內地市場，香港的生意應該較易做，皆因內地近年興起網購大閘蟹，售價較低又方便，因而被搶不少生意。記者：黃依情攝影：王國輝
老闆祁廣楠指，首批蟹中約7籮會送予已訂購的酒樓及熟客，但第一水貨未算最好，要過9月25號才有靚貨。
首批大閘蟹，大細均有，最重秤的蟹王有9.1両，而7.5両以上的大蟹，每隻賣$480。
來源:
http://hk.apple.nextmedia.com/su ... t/20160913/19768834