📖 ZKIZ Archives

小學跑道有異味學生被「逼遷」家長好勞氣

1 : GS(14)@2016-09-02 05:49:32

昨日是內地學生開學日，但廣州市白雲區的街匯僑第一小學匯僑校區的家長，卻不讓子女到學校上學，原因是該校新建的跑道傳出異味，更有學生流鼻血、頭暈。大批家長昨日在匯橋校區的門口聚集，並且拉起「有毒跑道的校區我們不去」的橫額。有家長稱，他們讀四年班的子女今年要調到附近的濱城校區，可是該校區今年新建的跑道有異味，有學生不適，批評原校區沒課室、新校區又可能危害健康，校方處理不堂。家長昨日亦有到繽城校區實地視察，有家長稱「味道太重了，一股塑膠味」，即使校方已經灑水、開風扇，仍有家長感到頭暈噁心。有學生稱：「臭臭的，很難聞！」「站5分鐘就覺得頭暈，像暈車一樣！」校方辯稱，興建跑道的材料完全合格，學生流鼻血、頭暈等症狀屬於「極個別情況」。廣東電視台




來源: http://hk.apple.nextmedia.com/international/art/20160902/19757822
PermaLink: https://articles.zkiz.com/?id=307163

不滿被指合股開「鼎李滷味」鼎爺勞氣　轟李錦聯抽水

1 : GS(14)@2017-02-05 10:55:22

■鼎爺昨日出席新春活動時，不滿李錦聯抽水事前未有通知他。



李家鼎與金剛昨日到屯門V City出席新春活動，兩人即席下廚整福袋及「撈起」。提到日前李錦聯笑指要與鼎爺開食肆「鼎李滷味」，他聞言即大爆不滿被抽水，鼎爺說：「黐線啦！佢抽我水，原本影張相冇所謂，點知佢爆呢啲嘢，我唔鍾意。兩個加埋都百幾歲，話佢又唔好意思，搞笑、搞gag冇所謂，不過我唔知呀嘛！有共識就冇問題，佢事前又冇同我講。」



■李錦聯，資料圖片

■鼎爺（右）在活動上教觀眾整賀年小食。

■金剛最近戒煙暴肥達206磅，但依然受歡迎。


開食肆嫌辛苦大壓力

原來抽水事件之後，鼎爺曾和李錦聯聯絡，他說：「過咗去啦！我有話佢有冇搞錯呀？佢自己都話係抽我水，唔講都講咗喇。」至於可有興趣開食肆？鼎爺笑謂：「何來巨款？唔會啦！好多人搵我合作，不過我冇答應，都要睇吓啱唔啱。如果自己搞，真係20％興趣都冇，好大壓力㗎！打和就辛苦，蝕就PK，真係要『鼎佢滷味』呀。」鼎爺早前曾表示不介意與楊思琦合作，昨日他再說：「如果公司安排，我冇所謂，我唔想打爛人飯碗，我唔鍾意咁樣。」


李錦聯：未問佢磅水

李錦聯昨日回覆本報笑說：「呢排鼎爺紅吖嘛，搵佢合作大家有着數，同佢係自己友，佢講乜咪由得佢囉，我?家做宣傳顧問，之前拍廣告，推出鮑魚餐『問李點鼎』，都係我欽點鼎爺一齊拍，咁我咪構思吓可唔可以同鼎爺開間『鼎李滷味』囉！話我抽水，我都未問佢磅水呀。」採訪：盧妹、王梓嫚攝影：陳俊強




來源: http://hk.apple.nextmedia.com/entertainment/art/20170205/19918076
PermaLink: https://articles.zkiz.com/?id=325538

魏駿傑勞氣解畫婚變

1 : GS(14)@2017-02-06 07:28:03

■魏駿傑表示剛與妻女去完加拿大滑雪，力證婚變全屬謠言。資料圖片



魏駿傑與嫩妻張利華08年閃婚後，屢傳婚變，昨日又有報道指魏駿傑跟友人飯局時透露已離婚，指在二人西貢家守候一星期也未見張利華影蹤，就連魏駿傑與囡囡去加拿大旅行，亦未見張利華，令二人婚變傳聞似層層。記者昨致電魏駿傑，他否認婚變說：「冇事喎，無聊人士，唔知邊個傳出嚟。」對於老婆被指不見影蹤，魏駿傑勞氣說：「我哋一齊去加拿大滑雪10日，啱啱噚日返到嚟，噚日晏晝返到嚟都即刻落咗西貢食飯，佢哋影嗰張相就係我老婆留喺西貢揼骨，我同個女返嚟做功課先，我咪去街市買埋嘢返嚟先囉。」他強調婚變傳聞全屬謠言。採訪：魯吉




來源: http://hk.apple.nextmedia.com/entertainment/art/20170206/19919087
PermaLink: https://articles.zkiz.com/?id=325666
Next Page
ZKIZ Archives @ 2019