2010-06-11 AD
| ||||||
| 呢邊廂「假想 敵」騰訊（700）俾人狙擊QQ，那邊廂阿里巴巴（1688）無你咁好氣，已經籌備緊喺9月舉行，佢哋一年一度嘅「網商大會」。同花旗國關係唔錯嘅馬雲， 今年都係搵番花旗國啲老友做網商節嘉賓，但相對之前嗰幾屆嘅嘉賓，好似美國前總統克林頓、NBA洛杉機湖人隊高比拜恩，同星巴克首席執行官舒爾茨，今年呢 個就真係夠晒「重量級」，佢就係前「未來戰士」阿諾舒華辛力加（圖）……唔好意思，大隻佬嘅正確title係美國加州第38任州長至真！ 咁 阿諾到時去到馬雲地頭杭州要做乜？梗唔會係同細細粒嘅馬雲分享健美心得啦，亦唔會淨係去西湖泛吓舟咁簡單。阿諾除咗要同大家分享佢做咗7年州長嘅心得，仲 會同大家討論吓環保嘅重要性，同埋剖析培育企業家點解會係促進經濟增長必須嘅一環。加插合照嘅環節，會唔會無咁悶呢又? | ||||||
|
||||||
|
平保（2318）個個禮拜都會寄份逢周一出版嘅自家刊物畀華華，噚日嘅頭條非常搶眼，話平保搵咗演技一流嘅內地演員葛優同海清做佢哋嘅代言人（圖）！葛優同海清有幾架勢堂？男嘅係金雞獎最佳男主角兼戛納影帝，女嘅就係金鷹視后。 查 實平保搵親嘅代言人，粒粒都係巨星，好似之前搵過嘅乒乓球世界冠軍王楠，同埋亞洲「欄王」劉翔咁，唔夠份量嘅，平保又點睇得上眼。平保話，今次搵主演過 《非誠勿擾》嘅葛優，係因為佢「形象正面、親民，表演內斂而舒服。」至於搵海清，係因為佢嘅表演個性十足，佢套電視劇《蝸居》深入民心。 李華華 |
||||||