中環在線：究竟鄧聲興有冇分居？
2008-08-01 AppleDaily
華 華噚日打開財經版一睇，真係成個人跌咗落地。股評人鄧聲興上星期被周刊踢爆佢結咗婚仲周圍識女仔，佢當日透過電話同華華講，已經同太太分開咗，家正式同 一位財經女公關拍拖，華華問清楚佢寫唔寫得先至寫落去，諗住幫佢澄清下。
點知事隔一周，佢噚日喺報紙登個聲明啓事，話自己冇同太太分居，並一直與太太同 住。真係今日的我打倒昨日的我，老實講，如果主人翁當時搞唔清楚自己嘅情況，可以選擇封口唔回應，佢講完之後冇耐，又講另一個版本出嚟，真係令到華華感到 相當無奈。無奈嘅唔單止係華華，上星期同日有另一份報紙都係搵咗鄧聲興之後，寫咗同一個版本出嚟，如果唔係，真係口同鼻拗。老實講，一般人嘅家事，華華同 埋讀者都冇興趣理咁多，但名人就唔同，咁究竟鄧聲興有冇同太太分開咗，華華相信時間可以證明一切。 |
分居幾次敗身家 左丁山
|
當今流行「同居不結婚」，同居對象稱為「拍拿」（partner），男士有男拍拿，女拍拿；女士有男拍拿，女拍拿；最近更有男士變為女士，要與男拍拿結婚，總之今時不同往日咯，男女關係愈來愈複雜。如果加上第三者（不分男女），更加審死官。
好多人以為搞婚外情，嚴守秘密，老婆或老公會唔知道，但正如一句老話，天網恢恢，疏而不漏，譬如一男一女往菲律賓旅行，點知碰上意外，太太在港睇電視新聞，赫然發現老公與另一位女士一齊入院；智利發生礦難，三十三名礦工大難不死，返上地面，竟然兩位「老婆」同時迎接一位礦工，大婆從來懵然不知有此事；以前有一位大學圖書館長突然逝世，太太自美國回港收拾舊物，先至發現老公一早在深圳秘密包二奶，有信件為證。又有一位男士過身，遺囑交代得非常清楚，老婆仔女份額分配得妥妥當當，靜待律師會計師辦理結算工作，分配家產之時，突然有北方靚女上門求見，要求分番一份，老婆與靚女邊會有好傾o架，先而口角，幾乎繼而動武，唉，仔大女大咯，一齊住，趕靚女出門。不久之後，就收到律師信，可能要法庭相見。呢位老公似乎好乖，但原來靜靜雞在東莞，後來又在九龍設下金屋藏嬌o忝，收埋一位靚女好幾年，而且出手闊綽，每月寫張支票十萬銀畀靚女，仲送埋白金信用卡o忝，每個月可簽賬十萬八萬。老公以為只係一種生前交易，死後便乾手淨腳，遺產當然冇預靚女一份。但靚女o依家要求維持以前享有的生活，根據就係以前同居過幾年，後人怎麼辦？
o依家講求同居亦是夫妻關係，要畀贍養費，邱德根第七子邱達文，43歲，一九八五年在英國讀書時與女學生同居，畢業後各自回家，一九九七年在拉斯維加斯結婚，二○○○年分居，○五年離婚，法庭判妻子可分三千七百萬元，即係邱達文聲稱身家之四成，因為上訴庭話兩人共同生活要計埋同居年期喎！邱達文上訴到終審法院，終審法院之判決將有深遠影響，成為「平分財產」重要案例。律師Ｃ對左丁山講：「香港有好多男士有得震，冇得，包外遇做齊人，唔好以為唔結婚，只係叫做同居就冇事，分分鐘冇副身家！」
|
詹瑞文認與妻分居
1 :
GS(14)@2012-07-14 18:45:39http://hk.apple.nextmedia.com/entertainment/art/20120714/16511867
「戲王之王」詹瑞文與資深舞台劇演員妻子甄詠蓓，從演藝學院讀書時期相戀繼而結婚，03年誕下女兒詹樂童，不過有指這對合拍夫婦因錢爭拗而婚變，昨日詹瑞文承認與太太已經分居，各自展開人生新一頁。
詹瑞文多年來與太太甄詠蓓互相扶持，不過近日有指兩人因價值觀問題，於今年初分居，女兒詹樂童交由太太照顧，阿詹則於紅磡獨居，昨日他在觀塘出席一快餐店活動，大方承認與太太已分居一年。
2 :
tyan(27180)@2012-07-15 01:52:42唔通戲王之王搵錢太多老婆想佢多Ｄ時間俾ＦＡＭＩＬＹ？？
3 :
Ar Yan(11362)@2012-07-15 03:18:582樓提及
唔通戲王之王搵錢太多老婆想佢多Ｄ時間俾ＦＡＭＩＬＹ？？
子華:「發達升官死老婆，我話俾你聽咩係最慘，就係發達升官陪老婆」
4 :
GS(14)@2012-07-15 09:58:203樓提及
2樓提及
唔通戲王之王搵錢太多老婆想佢多Ｄ時間俾ＦＡＭＩＬＹ？？
子華:「發達升官死老婆，我話俾你聽咩係最慘，就係發達升官陪老婆」
有無片
5 :
dennis001(8614)@2012-07-22 12:33:49下,詹SIR D錢搵黎係貼佢個劇團,所以劇界都唔喜歡佢甘商業
佢個劇團每月都燒錢啊
我估係佢老婆唔想甘做落去,不如摺左,拎番政府資助(變相自由度少左)
所以佢咪話事業分歧
6 :
GS(14)@2012-07-22 14:38:06又話有新女人
7 :
dennis001(8614)@2012-07-22 14:42:35有時D野唔好下下太主觀或者信報紙UP乜
好多時都係大家估下估下,有時中,有時唔中
8 :
GS(14)@2012-07-22 14:44:457樓提及
有時D野唔好下下太主觀或者信報紙UP乜
好多時都係大家估下估下,有時中,有時唔中
咁又是，理念唔同...
9 :
dennis001(8614)@2012-07-22 15:19:58其實香港搞藝作好難搵食
唔靠政府資助根本乞米
尊子畢業都係玩抽象風,最後都係寫政治漫畫
你曲高就和寡,恐怕我地西九都係廢UP
班議員應該諗諗,究竟係變地產項目先,定係香港人根本不識藝術
有D野係自己攞黎衰,唔係嘈幾下就掂
10 :
greatsoup38(830)@2012-07-22 15:28:04賺唔到錢咁真是靠吵的啦
11 :
dennis001(8614)@2012-07-22 15:29:10甘搞乜鬼西九,重要叫文化區,你整幾個位俾誠品咪算囉
12 :
greatsoup38(830)@2012-07-22 15:29:48咁起文化區，前面D物業擋唔到咪值錢囉
13 :
dennis001(8614)@2012-07-22 15:31:52我估計西九(真係難聽的名)
最後都係無乜文化,結果樓大賺,商場勁旺,加埋酒店
結果只有西同九,無文化
偽善果然是港人核心價值
14 :
greatsoup38(830)@2012-07-22 15:33:14都是一個文化為名的地產項目
15 :
dennis001(8614)@2012-07-22 15:34:30等睇無文化的港人嘈西九為何成地產區,哈哈
16 :
greatsoup38(830)@2012-07-22 15:35:1515樓提及
等睇無文化的港人嘈西九為何成地產區,哈哈
唔使擔心，可能過十年都是未起好，其實那兒地底就是高鐵個總站
17 :
dennis001(8614)@2012-07-22 15:38:26應該唔會啦,我見西九係甘請人,似乎真係開波
況且要起都唔難,係點樣通過立法會同D叻叻中產
18 :
greatsoup38(830)@2012-07-22 15:39:2617樓提及
應該唔會啦,我見西九係甘請人,似乎真係開波
況且要起都唔難,係點樣通過立法會同D叻叻中產
據稱話地底工程搞掂就會起，但是立法會真是為反而反，睇埋個結果先
19 :
dennis001(8614)@2012-07-22 15:42:36呢D咪內耗
你地都無文化,我何來有文化項目,咪搞地產
甘你搞地產,就唔係文化項目啦,做乜要起
不斷LOOP,所以打算改名是岩的
20 :
greatsoup38(830)@2012-07-22 15:43:56其實我覺得不如起個大公園就算啦
21 :
200(9285)@2012-07-22 23:03:15佢老味一個啟德一個西九攪左多少年呀?
香港有多少個十年呀?
慳租金省車費 夫妻閒日「分居」
1 :
GS(14)@2014-06-16 12:53:53http://www.skypost.com.hk/港聞/要聞/20140616/001/%E6%85%B3%E7%A7%9F%E9%87%91%E7%9C%81%E8%BB%8A%E8%B2%BB%20%E5%A4%AB%E5%A6%BB%E9%96%92%E6%97%A5%E3%80%8C%E5%88%86%E5%B1%85%E3%80%8D/142507
最近有網民在討論區吐苦水，聲稱因樓價貴，婚後仍要各自住老家，待樓價回落才置業。有網民指婚後分居不可行，寧推遲結婚計劃。80後Bonnie（化名）兩年前結婚，夫婦收入超申請居屋上限，加上樓價及租金不斷上升，兩人被迫做無殼蝸牛兼「分居夫妻」。
角色模糊 家人微言
Bonnie說：「二百幾萬嘅樓，多數在天水圍及屯門區，交通唔方便。」她指夫家及娘家地方淺窄，夫婦難同時遷入其中一方，婚後至今仍分開住，她指「可能等到生仔，才考慮買較偏遠地區嘅樓。」她承認親友對此有微言，「有時連是否已婚，自己都覺模糊！」
同屬80後的Kathy（化名）結婚兩年，已在天水圍置業。但為了方便在港島上班及慳車費，她平日仍在荃灣的娘家住，「由天水圍去港島，來回車費近50元，車程又長，所以周末才返天水圍住。」她坦言，奶奶埋怨此舉有違正常婚姻生活。「奶奶經常同我老公呻，呢個問題已變成我們之間的忌諱。」
圓滿關係中心創辦人兼心理輔導專家蔡綺文指，以前鮮有婚後分居情況，但過去一年已有四、五宗求助，全屬30歲出頭年輕夫婦。「有個案係男仔覺得拍拖好耐，唔想拖住個女仔，但未有資格買私樓，惟有婚後分開住。」
長期分居 爭拗增加
夫婦對「分居」生活模式感惆悵，爭拗由此起。蔡說：「男方反映結婚與否無分別，無論開心或唔開心，回家後想搵個伴分享都無。女方亦常問何時才買到樓，講到這些問題就嗌交。」她又指如婚後分開住，夫妻對自己角色也模糊。「一對新婚夫婦結婚首半年是蜜月期，若這段時間分開住，返到屋企沒最親密的另一半在左右，無論生理或心理都不太健康，亦擔心成婚姻危機。」她又指家人及朋友對婚後分居非議，更會增夫婦之間壓力。
港大社會工作及社會行政學系講座教授周永新指，婚後分居令男女停留在拍拖階段，未能在生活中深入了解對方，不利於維持兩人關係。
難捱貴租 月入三萬上車難
據中原地產去年底公布數字，過去十年樓價由谷底回升約三倍。惟本港過去十年，打工仔入息中位數仍徘迴在約9,500至14,000元。周永新指樓價高昂，即使夫婦月入三萬多，上車也不易。「年輕人不想同家人住，在市區租個500呎單位，動輒逾1.2至1.3萬，扣除租金及生活開支，就所剩無幾，上車更不用說。」他認為樓價超出年輕人可負擔範圍，他們也要鑽空子擇可行之法。
理大建築及房地產學系教授許智文指，樓價貴及住房問題導致婚後分居這個怪現象，有違傳統結婚原意。「當樓價貴及交通費貴，令明明結婚仍要分居，令正常關係變到不正常，是非常可惜。」他又指年輕人覺得結婚與未婚無分別，分開生活變相減生育意慾，長遠不利人口發展。
官恩娜婚後要分居
1 :
GS(14)@2015-01-22 23:14:27
■官恩娜自爆婚期臨近發噩夢。
官恩娜及Dear Jane主音阿Tim昨日在銅鑼灣出席首飾品牌活動，即將出嫁的官恩娜獲贈首飾嫁妝，沒有透露婚期的她，自爆日子越來越近很緊張，她說：「早幾日發噩夢，所有人去錯晒地點，搞到媽咪好嬲，我扎醒即刻問未來老公個地址有冇錯。我諗幾冷靜嘅新娘都會緊張，不過係興奮嘅緊張，唔係焦慮。」因愛巢仍未準備好，婚後官恩娜未能與老公同住，她說：「我都問點解婚後要各自返屋企，不過我嗰度又唔方便佢返工，我又唔想打擾未來老爺、奶奶，要商量吓先。」採訪：盧妹 攝影：陳志嵐
來源:
http://hk.apple.nextmedia.com/entertainment/art/20150122/19010790
孫興與分居妻拍婚照
1 :
GS(14)@2015-06-15 00:52:38■林美貞在fb上載與孫興身穿白色禮服的照片。
現年51歲的孫興01年與44歲的第二任妻子林美貞結婚，婚後育有一子，但直到05年孫興疑有婚外情與太太離婚，雖然4年前孫興與當時女友駱麗娜一同在北京因吸毒被捕，孫興在道歉記者會上承諾對方將是他人生中最後一個女人。不過分居10年的孫興和林美貞兜兜轉轉還是走在一起。林美貞前日於fb放了一張相，相中的她身穿白色禮服，倚偎在孫興胸膛，有台灣傳媒致電林美貞恭喜，她說：「沒有很正式啦，就是氣氛到了，簡單的拍些照片。」另外，台灣天團五月天成員瑪莎，去年11月與設計師謝葦怡在台登記結婚，昨日被讀者目睹五月天團員在希臘現身，其唱片公司執行長陳勇志承認瑪莎在當地行婚禮。撰文：嵐山
來源:
http://hk.apple.nextmedia.com/entertainment/art/20150614/19183530
收市閒情：我與老婆要「分居」
1 :
GS(14)@2016-03-05 01:10:46（由真人真事改編）約一年前左右……「仲有半年就結婚喇，到而家講親買樓你都愛理不理，係咪想瞓街？」未婚妻阿怡又拎番呢個topic講，唔係我唔想買，係我買唔起。我知你實寸我，月入幾皮嘢都買唔起樓？錢係儲到啲呀，但結婚使走一大截，之後咪玩完囉。本來拎積蓄去做首期都掹掹緊，而家唔見咗一截就唔夠喇。樓價就好似中環的士佬咁，佢係唔畀你上車就唔畀你上，就算你點追都冇用。連淘大隔籬個得寶，實用300呎都冇，都要400幾萬，仲高竇過啲的士佬。所以話中國哲學家真係冇得頂！莊子喺《庖丁解牛》講過：「以有涯隨無涯，殆已。」幾千年前嘅莊子，竟然令我明白，死捱爛捱追無頂嘅樓價，死硬！所以幾時先係買樓時機？等樓價跳崖就係買樓時機！望住阿怡嬲豬嘅表情，我正想發表呢個偉論，點知又俾佢搶閘：「我知買唔起住，一係租住先啦。」「但如果拎咗去交租，我哋仲點儲錢買樓？」佢應該真心嬲：「咁又唔得，咁又唔得，我哋結咗婚，分居喇！」
OK喎！我話：「唔係冇得諗！」「你癡咗線？」「你聽我講，叫你同我屋企人入粉嶺住，日頭港島返工，怕你辛苦，不如你結婚後住喺娘家先。我努力啲儲多陣錢，等樓價跌再買喇。」阿怡好火地問：「咁結嚟有咩用？」「有用！代表一個承諾。就好似一部連咗Wifi嘅電話，佢哋都唔係黐住，咪一樣上到網。」＊＊＊憑我三寸不爛之舌，成功說服阿怡。而家我哋結咗婚半年，我住粉嶺，佢住將軍澳。好多人問我婚後生活有咩唔同，老老竇竇，唔係見到隻戒指，我都未必醒起我結咗婚。但真正嘅災難係，每次上外母屋企都好似上陣殺敵，江湖總會掀起腥風血雨，今日……「衰女，你做乜又轉台。」見到外母咁講，就算幾想開大個電視，用YouTube睇周浩鼎喊，都死死地轉番去TVB，不過事實係我睇咩台都唔重要，「講真，屋企又細，電視就得一部，阿怡就鍾意睇YouTube，我就要睇TVB，遲吓仲話多個台，你話點分呢？」冇錯，係一個局！我望一望外父，佢竟然起身行入房。阿怡就低頭，主動開聲：「放心啦，我哋有分數。」作為男人，世界末日都要面對：「外母，放心，樓價一跌我哋就買樓。」「唔係話逼你，不過你話樓價跌，而家咪跌緊，仲唔買？」我冇出聲，點知佢繼續：「你係咪借啲意唔一齊住，出去搞搞震？」你可以質疑我唔買樓嘅決定，但唔可以質疑我對阿怡嘅專一！「夠喇！你估我唔想有新婚生活，同阿怡一齊住咩，我好想呀！我真係有諗過租算，但租越嚟越貴！係呀，樓價係跌呀，得寶仲跌穿300萬呀，但我點敢買呀？同上年8月比跌足三成呀！反正都等，點解唔畀我等我一陣呀，等佢跳崖我就買！」我忍唔住爆了，我後悔我嘅EQ低，因阿怡哭了，佢好激動：「樓價升，你話儲錢，要分居！樓價跌，你又話要等。你到底係唔係唔想同我生活！」女人，之後梗係奪門而出。＊＊＊鬧劇過後一年，我終於等到，樓價真係跳崖，成為得寶對面個德福業主。至於老婆呢？早就頂唔順，離開咗我，仲記得佢臨走時同我講：「連咗Wifi嘅電話，一離開咗間屋，就上唔到網，等如冇用。」望住屋企部電視，開住中產味好濃嘅Netflix，莊子句嘢應改為：「予有捱，予無捱，殆已。」捱到又好，捱唔到又好，總之你如果為層樓失去生活，等如，死咗。今日，我流咗一滴眼淚，係為咗香港人而流。千頌C
http://fb.com/winbigwok《趣BLOGBLOG》暫停一周
來源:
http://hk.apple.nextmedia.com/financeestate/art/20160303/19513692
捱過癌關婚姻告急張達明宣佈與妻分居
1 :
GS(14)@2016-08-04 04:06:19■張達明和太太何念慈因對人生的詮釋不同，決定分開。資料圖片
現年52歲的張達明（達Ming）01年跟心理醫生何念慈結婚，大仔子由現時15歲，囡囡子蒿亦已12歲。4年前達Ming驚爆患上鼻咽癌，在太太鼓勵下接受化療，更有傳二人為籌醫藥費，將居住的西貢獨立屋出售套現。雖然化療的後遺症令達Ming手腳麻痹，但夫婦同心，大步檻過一關。但昨日中午，達Ming在微博發出跟何念慈的聯合聲明，表示二人已分居一段時間，之後會各自生活，共同教養子女，意味15年婚姻將告終。
各有期望
達Ming在聲明中提到：「我們相識二十七年，曾分享人生中歡樂時光，也曾經在患難中互相扶持和鼓勵，經歷起起跌跌，關係深厚。但我們對人生的詮釋不同，各有獨特的期望，甚至另一種生活。我們決定改變相處形式，以分開居住，取代一起生活，步向各自方向，給對方更多空間去追求人生所想。」聲明中，達Ming和何念慈提到這是經歷許多困難，許多時日的決定，「我們已經分開居住一段時間，也漸漸適應這種狀態，所以也是時候告訴朋友們。我們將會以友愛態度共同教養孩子，讓他們正確地，愉快地成長。」他們又希望傳媒不要追訪，讓家人可保留私人空間。對於聲明內容，達明昨日回覆本報：「表達的都已經在聲明中，暫時沒有分享和回應。」
■兒子今後會由達Ming和何念慈共同教養。資料圖片
■早年有傳張達明為籌醫藥費，將居住的西貢獨立屋出售套現。資料圖片
■達Ming（右）日前心情靚靚，拉隊去看老友黃子華的舞台劇。互聯網圖片
■黃秋生一早已知達Ming分居，希望大家給他多點私人空間。資料圖片
秋生早知
達Ming的演藝學院同學黃秋生，昨日接受電話訪問時透露早已知道二人分居，他說：「知道好耐，唔係達Ming講，佢唔同人講呢啲嘢，從其他渠道知道。乜嘢問題梗係唔問啦，人哋夫妻問題都理埋，邊有咁八卦，啲女人、姊妹至問呢啲嘢。人哋都寫埋咁嘅通告仲開解乜呀？佢份通告寫得好冷靜，應該都諗咗好耐，應該尊重人哋決定。」其實今年3月達Ming跟農夫舉行了3場《棟篤唱》，但何念慈只帶過子女看過一場表演，慶功宴時亦未見亮相。採訪：李森
來源:
http://hk.apple.nextmedia.com/entertainment/art/20160803/19720033
顏仟汶與夫分居冇第三者
1 :
GS(14)@2016-12-07 08:01:02■顏仟汶稱與丈夫要時間沉澱，給大家空間。資料圖片
現年46歲的顏仟汶早年憑性感形象在影圈發展，08年跟圈外男友阿Lo結婚，兩人在西貢經營餐廳，閒時仟汶會到內地登台搵真銀。昨日有報道指仟汶跟丈夫阿Lo已經分開，她昨日透過WhatsApp回覆未離婚，她說：「只係搬開住，未簽紙，未離婚只係分居。大家相處咗16年，兩個人相處到一個位kick住，如果再共處一室嘅，會將件事情更加惡化，不過唞一唞氣，畀大家一啲空間。覺得咁樣做對大家日後關係更加好，好過逼埋去死角。」問到仟汶復合的可能性，她表示自10月分居後，關係都好好，經常透過WhatsApp、傾電話關心對方，她說：「日後嘅嘢將來嘅嘢真係未知，或者畀啲時間我哋沉澱一下。」更強調沒有第三者存在。採訪：何永寧
來源:
http://hk.apple.nextmedia.com/entertainment/art/20161207/19857171
Next Page