|
||||||
|
蘋果iPad熱賣到開巷，估唔到個名咁惹火，激到唯冠國際（334）嘅楊總，要同蘋果公司對簿公堂。 話 說唯冠係平面顯示器嘅OEM，10年前已經走在時代尖端，推出以「I-Pad」為名嘅平版電腦，可惜銷情麻麻，於是喺06年就平平哋咁將「IPAD」嘅國 際商標權賣咗畀美國嘅IP Application Development（IPAD），輾轉落到蘋果公司身上，但唯冠聲稱協議唔包商標喺內地嘅使用權。 唯冠楊榮山話，之前已經同蘋果就商標 轉讓問題進行交涉，但不得要領，蘋果又唔顧唯冠嘅權益，擅自響中國銷售iPad係傲慢嘅行為，所以唯冠將會力抗到底。而個記者仲加多腳，話因為唯冠o依家 深陷財務危機，所以好多間中國債權銀行亦都對個商標使用權睇得好緊，事關呢個係唯冠重要資產，估計要化解都唔係咁易…… 咁又係呀，矮仔單挑巨人，就算打得贏都唔知要幾多年喇！ |
||||||