兆禧苑「冇樓睇」 買家照追價15萬
1 :
GS(14)@2016-09-29 08:00:01■屯門居屋兆禧苑錄今年新高價成交。
【本報訊】樓市癲，上車盤樓價短短三個月升百萬，不少用家擔心樓價再急升，連居屋也出現不睇樓照高追入市個案。置安居鄭業基表示，屯門居屋兆禧苑D座中層15室，實用415方呎，獲一名換樓客洽購，單位原本叫價320萬元，買家自己都有睇開樓，親身感受樓市如何癲，並指自己上月睇樓，「月頭和月尾樓價已貴一成」。即使業主反價，兼且單位有租客而「冇樓睇」，最終不惜追價15萬元，以335萬元連地價買入單位，呎價8,072元，成交金額破屋苑今年新高。同區私樓卓爾居低層呎價也見1萬元。美聯梁浩文表示，為6座低層B室兩房戶，實用525方呎，成交價528萬元，呎價10,057元，較同類單位3個月賣貴近80萬元。
河畔一房賣近400萬
細價樓區區破頂。消息指，馬鞍山新港城K座高層6室，實用363方呎，原叫價520萬元，放盤兩星期即以510萬元售出，呎價14,050元，成交金額創屋苑兩房戶歷史次高，與去年最高位520萬元只相差10萬元。中原招錦昌表示，上車熱潮持續，沙田河畔花園C座高層01室，實用269方呎，一房間隔，剛以393.8萬元易手，呎價14,639元，屬同類型單位本年新高。中原賴文城表示，荃灣御凱1座高層B室四房戶，實用998方呎，剛以1,820萬元連租約沽出，呎價18,236元創屋苑分層戶新高。上水「山墳盤」歌賦嶺再錄二手蝕讓。消息指白楊徑雙號屋，實用1,423方呎，剛以1,750萬元易手，呎價12,298元。原業主2012年2月以1,808.5萬元一手買入，連使費料實蝕約144萬元。
來源:
http://hk.apple.nextmedia.com/financeestate/art/20160929/19785273
申請人：冇樓王寧住公屋
1 :
GS(14)@2017-01-07 00:25:17【本報訊】景泰苑857伙中，實用面積最大的485至494方呎單位有逾兩成，當中樓王約493方呎兩房一廳料最搶手。不少申請人明言只有興趣買樓王，嫌其他細單位似酒店，寧願繼續住公屋。
指200呎太細似酒店
觀塘居民陳先生揀樓號碼為84號，揀樓次序較後，但他指之前多次抽居屋都失敗而回，眼見公屋不斷加租及新增富戶政策，認為綠置居值得一試，「（景泰苑）計起上嚟都平，出面300萬一個一人單位都買唔到」。他補充，現居單位約400方呎，想住所換大一點，故心儀樓王。他形容一人單位不足200方呎太細，感覺似酒店，「實在太逼，呢度撞到嗰度又撞到」；若買不到樓王會放棄，寧願住公屋。黃大仙居民陳女士因子女到適婚年齡，一直苦候上車機會，她慨嘆香港買樓實在太難。她認為景泰苑設備欠齊全，格局似公屋，而且樓王與現時居住單位大小相若，直言除非揀到樓王才會上車，她指「平係冇意思，冇理由將平嗰個價錢，去就住嘅面積，咁咪越住越細？又唔夠住」。幸運抽中頭籌89號的王先生以一般家庭類別排隊揀樓，他預計樓王或被家有長者的申請人優先搶光，屆時或考慮其他呎數較細單位，他指今次樓價便宜無論如何都會上車，「（如果唔上）人生冇希望㗎啦！」■記者袁楚雙
來源:
http://hk.apple.nextmedia.com/news/art/20170106/19888311
「冇樓冇高潮」幕後主腦岑應都冇樓 但有消防男友
1 :
GS(14)@2017-02-18 09:51:46大台將推出真人騷《有樓萬事足》，單係預告片播出拜金港女Seasun，理直氣壯講出「有樓有高潮」同「冇樓唔好白撞」，惹嚟全城鬧爆佢，其實節目幕後主腦岑應，近年製作嘅真人騷《求愛大作戰》、《盛女愛作戰》、《沒女大翻身》、《網絡挑機》、《沒有起跑線？》等都同樣備受爭議，舊年《沒有起跑線？》中，大肚媽咪語出驚人話要個BB「贏在子宮內」同「贏在射精前」。當中受訪者雖係素人，卻爆出啜核金句，所以有被踢爆其實全部做媒，金句係岑應畀佢哋嘅設計對白，佢當然係否認。到底岑應乜嘢料？佢現年40歲，未婚，完全係一個不節不扣嘅盛女嚟，所以佢拍《求愛大作戰》同《盛女愛作戰》呢個有關盛女議題真人騷，特別有feel。根據資料顯示，佢係中文大學新聞系碩士畢業，跟住效力TVB新聞部，曾係《星期二檔案》編輯，2012年被安排籌備《盛女愛作戰》，因為節目內容具爆炸性，相真人騷嘅盛女各有亮點，所以同時岑應都起底，有指佢係夜蒲精，流連老蘭，所以成功搵到夠爆主角現身。岑應本身好貪靚，肯做白老鼠，所以也特別構思《沒女大翻身》，幫有需要女仔微調變身求偶，拍完盛女兩輯節目，岑應竟然擺脫盛女行列，佢覓得靚仔消防員男友，男方仲向佢咗求咗婚。岑應新一輯節目《有樓萬事足》食正時下年青中產頭痕跟唔到通脹買到樓話題，佢籌備咗大半年，有指佢對女傑青黃仰芳大談買樓「成功之道」嗰番言論有feel就始構思呢個節目，其實岑應本身都係上唔到車一族，佢近年都係一直不停搬，係咁畀無良業主加租，岑應有未婚夫，佢正等緊買到安樂窩就組織家庭。
來源:
http://hk.apple.nextmedia.com/entertainment/art/20170218/19932408
李施嬅易追：冇樓整蛋糕
1 :
GS(14)@2017-02-19 13:59:55羅霖、李施嬅、汪詩詩、汪圓圓及葛民輝等昨日在上環出席廚藝學校剪綵活動，李施嬅笑言懂下廚的男士易結識異性：「第一個男朋友當年就係整咗個蛋糕，再喺廁紙上畫咗個公仔，就成功追到我。」有樓會否更受歡迎？她說：「冇樓咪勤力啲整多幾個蛋糕畀我囉！女人應該有自己嘅事業，咁樣會多啲選擇。」同場的汪詩詩透露剛過去的情人節，老公甄子丹負責下廚煮大餐：「佢今年進步咗好多，由第一年拍拖開始煮波士頓龍蝦，一年一次OK嘅。」羅霖則指細仔對下廚有興趣：「佢自己上網學整牛扒，可惜我唔食牛試唔到，不過睇佢嘅手勢係有板有眼。」採訪、攝影：曹家誠
■汪詩詩（左）讚老公甄子丹的廚藝越來越好。
■羅霖戒牛，試不到細仔所整的牛扒。
■葛民輝（左）昨日跟一班靚女出席學校剪綵活動。
來源:
http://hk.apple.nextmedia.com/entertainment/art/20170219/19932873
財經評論：窮二代永世都冇樓？
1 :
GS(14)@2018-03-19 04:37:20近期香港討論區一篇8年前題為《買樓10大誤解》於網上熱傳，8年間樓價的升幅驗證了文章。8年後，據稱置業成功的「數字兄」再寫一篇《點解你買唔到樓》，內容提到公屋之毒、無償OT以及遺傳性貧窮的問題，當中觸及傳統「養兒防老」觀點，惹來熱烈討論。「養兒防老」，在網上這是一個不可觸及的問題，皆因一旦反對就會有一批人以道德作出批判，令人即使不認同亦不敢發聲。暫不論贊成與否，「數字兄」提到一點的確令人值得反思，「富人的兒孫毋須畀家用，而身為窮二代的你就要和父母分享人工……」現今的「買樓方程式」仍是與黃子華24年前於《末世財神》提出的一樣，「有樓有樓，冇樓冇樓，有樓可以變冇樓，冇樓就永世都冇樓。」24年後的今日亦是一樣，至於如何有第一層樓，就要先有一個搭上香港經濟發展順風車、打多幾份工就儲到錢上車的好爸爸或好媽媽。一對公屋出身的年輕夫婦，即使合共月入5、6萬元，過得到銀行嚴謹的壓力測試，但在沒父幹、「冇樓」的情況下根本難以付得出首期，故出現不了人感到買樓無望，樓價日升夜升，倒不如及時行樂，一年去數次旅行或買車。身邊一些中產朋友都是文中所謂的窮二代，踏出社會初期因各自原因要上繳大部份人工作家用，經過艱苦努力，增加人工才有錢可儲，上車仍然無望。這一批捱過的朋友對於生小朋友抱十分謹慎的態度，因不想踏入「窮人生仔」的循環，不再「希望仔女有出息，長大後可以養返我轉頭。」記者：梁偉聰
來源:
https://hk.finance.appledaily.co ... e/20180313/20330477
Next Page