| ||||||
| 幾 年前高盛董事總經理方風雷自立門戶，成立私募基金後，再有高盛華人高層行同一條路。今次嘅主角係高盛中國主席胡祖六，佢老哥下月開始，唔再做高盛合夥人， 只維持顧問角色，聽講建設銀行、淡馬錫同埋高盛，都會幫佢創立基金。百幾年歷史嘅高盛，長期將全球合夥人數量控制喺200人左右，所以做到合夥人係一種殊 榮，因為歷來亦只有3個華人可以做到合夥人。 祖籍湖南湘陰嘅胡祖六，被媒體冠以「中國最英俊、最富有紳士風度的經濟學家」，喺1991至 1996年出任國際貨幣基金組織官員，曾經係世界經濟論壇首席經濟學家，佢同傑弗瑞．薩克斯合作完成《全球競爭力報告》，贏得全球讚揚。之後佢加入高盛。 內地傳媒仲話，佢係中國高層嘅宏觀政策諮詢專家，曾經為幾個國企老總講學，佢老哥人脈咁好，要搞私募基金自然無問題啦！ 近年佢老哥曾怒氣冲 天撰文勁鬧一位學者，呢位人兄係邊個？就係宋鴻兵囉！胡祖六以「子虛烏有的貨幣戰爭」撰文，駁斥宋鴻兵。「如果讀者尤其是政府決策者，把《貨幣戰爭》書中 結論或政策建議認真待之，那麼我們就不能不驚訝，甚至不安。」他仲話書中一系列嘅驚人「發現」，令歷史霎時面目全非，歪曲得好離譜o忝！ 中糧寧高寧暗示「國退民進」 內地高官、國企、民企呢3大派，喺「國進民退」嘅話題上爭論不休。全國政協委員兼中糧集團董事長寧高寧，身為國企一把手，內地傳媒朋友自然問吓寧總意見，呢位商場老手，對呢個敏感問題，輕鬆拆招。 寧總最吸引華華，係佢老人家講民企成日話借錢難，但「廣東塊地，160幾億那塊地，由三個民企打敗國企拿走」。雖然寧總唔點名，但心水清嘅都知佢講緊富力（2777）、碧桂園（2007）同雅居樂（3383）聯手搶走廣州亞運城塊地王啦。 寧總用實例回應記者，高招！不過，高招仲喺後頭──國企唔易做，「如受惠壟斷政策的中石油中石化，沒有人講中石油每煉一噸油的成本和殼牌怎麼比……」無錯，油價每桶係80美元，油企嘅煉油業務要蝕錢，但大家要記住，財政部一直對油企有補貼。 李華華 [email protected] | ||||||