芳芳聞修哥喪妻 傷心掩面
1 :
GS(14)@2016-10-15 12:12:22蕭芳芳、鄭秀文及林作等昨晚現身中環，出席JOYCE旗艦店活動，身穿紫藍色旗袍的芳芳姐與設計名師Dries Van Noten齊齊剪綵。芳芳姐做訪問時自爆為着旗袍，以照腸鏡，及以飲水飲湯瘦身5日，她更主動提到再任婆婆：「多咗個孫女，好開心，佢好玩到不得了，見到佢成個溶晒，第一個係男孫，呢個係女孫，為咗保護佢少探佢，佢每次嚟我屋企，我都會買禮物畀佢，佢好開心。」芳芳姐透露數月後將70歲，但不會大搞：「咁大年紀，都係希望身體健康同孫玩。」問到好友胡楓的太太過世，由於芳芳姐聽力不好，靠記者寫問題告知，她即表現愕然，更掩面眼泛淚光：「我唔知道，冇話我聽，呢幾日？」
Sammi唔同安仔搞造型
另外，Sammi大談時裝經，笑言自己曾經歷過體重130磅，故懂得着衫顯得瘦：「減肥都要食飽，食夠先做運動，好似我老友紅姑（鍾楚紅），如果佢太奀就唔好睇，少少肉就最好睇。」Sammi笑言不用為安仔做造型：「佢着衫有自己意見，我出活動前佢會望吓，佢男士眼光出發幾準，如果肉酸，佢會婉轉提議叫我轉另一套。」採訪：盧妹攝影：陳俊強
■胡楓的太太呂詠荷日前在浸會醫院離世。
■Sammi自言曾經歷130磅，懂得着衫顯瘦的秘技。
■久未露面的蕭芳芳戴上200多萬元的Van Cleef& Arpels珠寶，與Dries Van Noten（左二）做剪綵嘉賓。
來源:
http://hk.apple.nextmedia.com/entertainment/art/20161015/19801193
修哥念妻聖誕唔慶祝
1 :
GS(14)@2016-12-07 07:41:18胡楓（修哥）、陳家樂及陳柏宇昨日在慈雲山出席《好嘢大行動》閉幕盆菜宴，修哥笑言自己也是長者，能夠參與聯歡既開心又樂意，現場更和一位104歲的婆婆言談甚歡。修哥又指今個聖誕節不會舉辦慶祝活動，他說：「大家商量過，決定唔會慶祝，希望平靜咁過。」對於愛妻的離世，修哥語帶傷感說：「老實講，心情真係仲未平復，而家盡量搵工作去做，有好多朋友成日勸我出去食飯飲茶，一家人不斷陪我食飯，好感動，但係靜落嚟都有問題，尤其係夜晚嗰刻。」此外，修哥表示有看契仔張學友的演唱會，大讚燈光、歌曲及舞步都好考究。採訪、攝影：羅慧敏
來源:
http://hk.apple.nextmedia.com/entertainment/art/20161206/19855955
修哥贊成黎明再婚
1 :
GS(14)@2017-01-23 07:45:16■胡楓前晚獲契女方國珊（右一）及契仔周啟生（左一）慶祝85歲生日。
修哥胡楓上周三85歲生日，契女方國珊特於前晚於將軍澳一酒樓為修哥補祝生日及舉行新春團拜，修哥契仔周啟生都有出席。修哥契仔黎明（Leon）早前受訪時指舊愛舒淇是「最欣賞的人」，對此修哥笑說：「咁大個仔，佢自己會處理。」會否介紹女仔給Leon認識？他說：「佢識女仔仲容易過我多多聲，只要佢出聲，嘩，好多人都……唔係撲埋去，係行埋去，係咪筍盤我就唔講喇，你問其他女士，如果Leon舉手啲人係咪行埋去吖。」記者指Leon講說話很難明，修哥笑謂：「咁你哋咪蠢！」修哥並贊成Leon再婚，最好生多幾個契孫仔。採訪、攝影：盧妹
來源:
http://hk.apple.nextmedia.com/entertainment/art/20170122/19904742
修哥錄廣播劇嗌難
1 :
GS(14)@2017-05-19 05:27:59胡楓（修哥）、羅蘭、顏卓靈及游學修等昨日齊集港台，為廣播劇《廿年》錄音及舉行記招，並即場示範一段廣播劇，風趣幽默的修哥不時發放笑彈，又笑稱找不到對白，太極樂隊更現場演繹主題曲。
■太極樂隊現場演繹廣播劇主題曲。
修哥跟羅蘭姐首度合作錄廣播劇，他說：「難度梗係有，我口齒唔伶俐，不過錄緊時好專業，唔會爆肚。」羅蘭姐指錄廣播劇比演戲難，要靠聲音演繹整個神髓。對於Joe Junior病況，修哥說：「佢情況非常好，一次過通咗三條血管。」顏卓靈與游學修首度參與廣播劇，游學修指眾前輩們在咪前走位如耍功夫精采，顏卓靈說：「都會有緊張，尤其自己會特別注意咬字要清晰啲。」採訪：馬建華攝影：仇志德
來源:
http://hk.apple.nextmedia.com/entertainment/art/20170518/20024463
Next Page