講膠所手記：香港真係僭建之都！
1 :
GS(14)@2012-02-29 22:38:26http://www.sharpdaily.hk/article/index/15307/20120229/60298
2 :
GS(14)@2012-02-29 22:38:55真係聽他一席話，勝挖十年料！前日，星球老闆「星球有錢人」出嚟盡訴心中情，絕對係星球人語錄，句句入肉！
不過，各位行家、同僚記住，大笑之餘，快啲起步鬥快摷啲有乜嘢僭建Case，因為據星球老闆講，成個香港通街都係僭建，夠大家寫至少一年半載云云。YY唔知星球老闆講真定講笑，但睇佢「兇」有成竹咁對住全港傳媒嘅鏡頭咁「兇」大家，似乎唔係講笑囉！
其實正如YY之前講過，好多有錢人家嘅豪門大宅，留意，係「吼屎」（House）喎，都好興向下發展，冇畀人踢爆or暫時未畀人踢爆，皆因仲未同朋友反枱、未夠班做黑材料，又或者本身冇乜朋友冇招呼人返屋企玩咋！
向上發展呢？梗有啦！聽講，南區某有錢人屋苑，裏面嘅「吼屎」就僭建到好張揚，其中一間係靚仔明星嗰間，唔知係咪用咗放佢嘅巨型機械人公仔嘅呢？咁點解冇乜人知？梗係啦！因為嗰個位只會係後排嗰幾幢Apartment嘅住戶望到㗎咋！
新主教回應內地打壓教會楊鳴章：十架係僭建就應拆
1 :
GS(14)@2017-08-04 05:56:43■榮升主教的楊鳴章昨會見傳媒，強調香港教會在中梵建交問題中沒有角色。李家皓攝
【本報訊】新任天主教香港教區主教楊鳴章前晚獲委任後，昨首度見傳媒，其間多次被問及中梵建交問題，他認為香港教會沒有角色，又指內地強拆十字架事件若涉僭建，「政府要拆，我又唔覺得自己係大晒」。至於是否支持平反六四，他指六四屬不幸，但「你明知嗰面牆係硬，我係咪一定要撼個頭落去呢？我唔係」。有學者批評楊態度軟弱又事事迴避，如同包庇獨裁者劣行。記者：鍾雅宜 于健民
■內地數年前屢強拆教會十字架。
教廷前日傍晚宣佈由71歲的助理主教楊鳴章接替退休的湯漢出任教區主教，楊鳴章在記者會上兩度感謝湯漢，指他過去8年為教區無私奉獻。楊指上任後最重要的工作包括關注貧窮、被忽略的弱小社群；幫助破裂及受傷的家庭；讓長者感覺被需要；又指年輕一代面對不滿和憤怒或是社會造成，希望政府聆聽他們的需要。楊鳴章多次被問及中梵建交問題時稱，香港教會沒有角色可扮演，但他願意作溝通橋樑；被問到會否支援內地地下教會，他稱能夠做就做，但會小心，否則好心做壞事，強調需尊重內地規條。
論六四「係咪要撼頭落去」
對於內地教會經常被強拆十字架，楊鳴章認為事件加入了政治因素便越鬧越大，問題複雜；若十字架關乎建築物安全便應拆卸，說出聖堂僭建十字架的怪論，「如非違反建築物條例，我當然唔會容許呢件事發生，如果係僭建，政府要拆，我又唔覺得自己係大晒」。榮休主教湯漢2009年上任時曾表明，堅持教會平反六四及爭取普選立場，楊被問及是否支持平反六四時，僅稱六四是不幸的事，強調自己較現實，「你明知嗰面牆係硬，我係咪一定要撼個頭落去呢？我唔係」；但認為學生為自由平等無私奉獻值得支持。普選立場上楊則指「希望（8.31框架）落閘後可開番道閘」，惟他認為開閘不易。被問及諾貝爾和平獎得主劉曉波病逝，楊形容是件心碎、心痛的事，若有人為自由和人權發聲，最後卻病死獄中是令人痛心，但事情已發生，「要講都講咗，係咪一路喊，一路唔企起身？我好實際」，指現時難以做到甚麼。
學者斥軟弱「點捍衞權益」
浸會大學宗教及哲學系高級講師陳士齊認為，楊鳴章的「拆十字架論」是十分軟弱的表態，反映他無勇氣承擔捍衞宗教自由的責任，「點期望佢捍衞香港人權益？」陳又認為，內地以違章清理手段清拆宗教建築，甚至要求教堂安裝閉路電視干涉私隱，楊身為主教「最起碼都要話『如果有機會返內地，要向當局表達關注』，佢連呢句都唔肯講」。身為天主教徒的浸大政治及國際關係學系副教授陳家洛亦認為，楊予人「有事唔該唔好煩我」的印象，就拆十字架、六四，以致劉曉波等大是大非議題上態度迴避、看風駛隽，如同包庇獨裁者的劣行，形容他的表現是個倒退。就其六四論，支聯會秘書李卓人表示，楊沒有達味戰勝巨人哥肋雅的勇氣，他作為教徒亦感失望，宗教領袖應勇於批評政權。
來源:
http://hk.apple.nextmedia.com/news/art/20170803/20109990