東亞銀行嫌依家嘅業績未夠牙煙？ 中環客
來源: http://hkcitizensmedia.com/2016/08/19/%e6%9d%b1%e4%ba%9e%e9%8a%80%e8%a1%8c%e5%ab%8c%e4%be%9d%e5%ae%b6%e5%98%85%e6%a5%ad%e7%b8%be%e6%9c%aa%e5%a4%a0%e7%89%99%e7%85%99%ef%bc%9f/
醜婦終須見家翁，東亞銀行喺8月19日交易時段公布成績表，業績倒退三成七，東亞中國嘅壞帳比率升到2.8%。
雖然東亞中國聲稱近期批嘅貸款因為改咗風險模式，穩健咗好多，仲聲稱有九成四貸款有抵押品跟。只不過，中環客對近一兩年批嘅貸款質素好懷疑，中國越嚟越多廠執笠走佬，地產又做唔起，中環客好懷疑果批抵押品嘅價值，而近一兩年批出嘅貸款係唔係更穩陣，東亞中國要提供更多資料，否則好難信佢囉。
但最嚇親中環人係，東亞銀行夠薑話要同微眾銀行合作，加快發展流動平臺，進一步拓展金融市場同個人金融業務。以上呢堆業務係乜嚟？微眾銀行之前都講過，肯定係個人消費市場業務，實係無抵押貸款多。個人金融業務，更加唔駛講，唔通你覺得班土豪會存錢喺東亞中國？係都落嚟香港存喺東亞銀行香港喇，甚至搵外資銀行算喇。金融市場業務，係咪提供更多孖展俾散戶炒股？東亞中國同東亞銀行本身都唔係強於投資銀行業務，唔通你覺得佢地會大搞IPO咩？
換言之，東亞銀行管理層似乎嫌東亞銀行業務未夠牙煙，一於富貴險中求，向更牙煙嘅業務進發，依家美國聯儲局加息如箭在弦，一旦美國加息搞出乜出嚟，中環客都唔敢估，東亞銀行班大孖沙勇成咁，作為東亞銀行投資者就真係祝你好運嘞。
所以公布完業績後，東亞銀行股價即跌百分之二以上，好正常，俾著中環客都三十六著，走為上著，投資喺啲咁勇嘅銀行管理層身上，不如留定彈藥，得閒賭嚇英超，甚至留番下個月賭嚇馬仔，都分分鐘賺得多之餘無咁大風險。
相片來源：www.seniorliving.org
【唔靠明星效應】舊報紙廣告有噱頭過依家 贈飲咳水問你服未
1 :
GS(14)@2017-08-04 06:11:07翻得舊報紙多，花家姐看到很多古靈精怪舊廣告，那時「花灑慳水沖涼法」、真的用來擦腋下的「窩多露狐臭水」、贈飲咳藥水，奇招奇過今日。
廣告為Sell客，為創造品牌形象而生。為此，最能反映一個年代的民生。胡莉芹（花家姐）在網台主持奇案節目《東頭灣道99號》，專摷舊報紙講香港及世界奇案。翻得舊報紙多，看到好多有趣的報紙分類廣告，寫了本《香港奇趣舊廣告》，從廣告看到社會變化：「在廣告裏，你可看到五、六十年代人們思想好簡單、純粹、不複雜，他們好多時會白描產品好處或用圖畫很直接地傳遞產品優點給消費者。」不靠明星效應，廣告講乜信乜，圖畫裏西裝男俾隻錶一個長衫女看，已表達了「氣派」的「晒命」氛圍。集埋一輯，看到好多香港生活史。
1935年達必治咳水，據聞入藥房就可獲「贈飲」益街坊，還講到「藥非至靈，不敢贈試」信心十足咁。
在二、三十年代的分類廣告上，藥品廣告佔大截，用字總係「生死關頭」、「驚心動魄」好鬼誇，可反映那年代傳染病之烈。
「未來無線電視」，果陣都未開台！
回看二、三十年代，環境差，人口擠迫，病菌傳播，天花、霍亂、嚴重的還有肺朥，傳染病非常嚴重。翻開報紙的分類廣告頁，好多都是藥品廣告，還用上了「驚心動魄」、「生死關頭」、「愈（癒）我肺癆」等字眼，就知有幾驚。當年買支咳藥水都係貴，有藥廠提出免費贈飲一小杯，還拍晒心口寫着「藥非至靈，不敢贈試」，雖則只係一小杯，都真係得閒飲啲，身壯力健。以前看電視是有錢人玩意，多有錢呢？在普通文員月薪百幾蚊的年代，看電視月費約廿蚊，五分之一人工啊！到七十年代，一部大牛龜電視賣$1,190；當時一間旺角三、四百呎單位售價約二、三萬元，即是廿來部電視就換來單位一個。今時今日電視大跌價，計中價電視$5,000一部，都要上千部才買到個旺角同類型單位。電視跌價固然勁，但樓價升幅更加勁。
月園遊樂場由郭氏兄弟開創，不過四年短命結業，據說不敵荔園又舞池又表演的無定向豐富娛樂法。
多誘人的腋下，當年「狐臭」兩字可以大大隻寫出來，今日只敢寫「體香露」，係呀！我認呀！你話係咪霸氣豪邁好多。
又原來，北角曾經有個「月園遊樂場」，又名「大世界遊樂場」，1949年12月22日開幕。跟荔園遊樂場（1949年4月16日開業）同期開業，一開幕時聲稱自己有全東南亞最新奇的機動遊遊，不過只開了四年就結業了。花家姐：「你下回去月園街時，記得那裏曾有個這麼厲害又短命的遊樂場。」香港品牌紅A的營銷手法，在當年都不容小看。制水期間，「咁揼都唔爛」的膠水桶大賣之時，紅A除出聲明請商戶別坐地起價，還「鄭重介紹」市民用淋花的小花灑來沖涼「節約用水」。花灑容量一加侖（3.78公升），前後兩加倫洗頭沖涼一口氣，有無省到水見仁見智，不過花家姐卻認為：「有一點像社會教育，及體現到這品牌是很懂得關懷市民需要的。」倒是挺靈活有趣啊。
當年的月園遊樂場有聲稱全亞洲最新機動遊戲。（許日彤提供照片）
制水期間，除大膠桶大賣外，還想到把花灑變成沖涼花灑，仲有淋身、塗浴皂同沖水三部曲，好醒。
記者：陳慧敏攝影：徐振國2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170803/20109833