陳少霞情深一吻邊聽歌邊依偎老公
1 :
GS(14)@2016-09-29 08:05:39今年40歲嘅陳少霞喺教會姊妹黎曉靈撮合之下，同八億身家嘅中港法拉利之父——李文輝結成夫婦，搵到第二春。一對新人前晚喺馬會補擺喜酒，婚宴筵開十幾圍，兩人身穿中式服裝，今次嘅晚宴只係宴請親友出席，現場一片喜氣洋洋。陳少霞嘅好友黎曉靈喺fb上載婚宴上更搵嚟露雲娜上台獻場，陳少霞同老公喺台下聽得好陶醉，老公一直攬住少霞。陳少霞一邊聽歌，一邊好似變返少女咁依偎住老公，而老公亦都同少霞情深一吻。雖然呢一吻係蜻蜓點水，不過全場賓客都即刻歡呼，之後老公仲好風騷咁向大家飛吻！嘉賓露雲娜喺台上面都高呼：「So Sweet」。
來源:
http://hk.apple.nextmedia.com/entertainment/art/20160929/19785148
同屬港姐冠軍 26年來零交流袁詠儀陳法蓉「最後一吻」
1 :
GS(14)@2016-12-04 17:34:1590年港姐冠軍袁詠儀前日出活動，力撐同屆季軍梁小冰，就外套事件反擊89年港姐冠軍陳法蓉。袁、梁出名牙尖嘴利性格剛烈，亦有嗰句講嗰句，走埋一齊，火花四射，已經唔係濺咁簡單。袁詠儀為咗撐小冰，當眾示意要老公張智霖收聲唔好阻佢發言，加一句「可能有記者喺度佢(陳法蓉)會好啲！」畫公仔畫到出腸。而小冰日前宣佈退出慧妍時曾話：「如果我見到佢(陳法蓉)，我驚會好似見到曱甴咁走開！」前日得悉袁詠儀力撐佢之後，更話:「對付呢隻曱甴，太浪費呢張『王牌』，我仲諗住九十歲先用！」連心肝脾肺腎都畫晒。但其實，26年前，8月18日，香港文化中心，袁詠儀同陳法蓉有世紀碰頭一刻，仲有錫錫添！因為當晚係1990年香港小姐選舉，陳法蓉為袁詠儀加冕。之後？之後真係完全搵唔到兩女合照，反而袁詠儀同亞軍翁杏蘭、季軍梁小冰多年一嚟一直都咁friend。物以類聚，人以群分，就係咁簡單。
來源:
http://hk.apple.nextmedia.com/entertainment/art/20161204/19854432
玩包剪揼搏一吻網絡紅人衰左痛失「寶貝」
1 :
GS(14)@2017-06-10 13:09:22秘魯利馬一位YouTuber為增加人氣，找女性玩「包剪揼」打賭並拍片，如果猜贏便親對方一下，猜輸便要被踢下體。他最終因為輸了一盤而承受男人最痛，更痛失一顆睾丸。澤文（Will Zeven）將猜拳過程上載YouTube，他在片中與一名女子猜拳輸了，被對方狠狠一腳踢向下體。澤文中招後倒地掙扎，又用手掩住下體，狀甚痛苦；女方毫不同情，更笑稱：「我忘了說我懂得空手道」。澤文最初以為只是痛楚沒有甚麼大礙，未料下體持續痛了3星期，才決定去醫院檢查，證實其中一邊睾丸爆裂要做手術切除。他似乎對健康毫不在乎，仍然只記掛點擊率，在得到醫生同意下拍下手術過程再上載。「我對發生的一切不感到尷尬，我仍是男人，我的生殖器官仍然正常，可以做愛及生兒育女。」但澤文亦以自己的經歷告誡大家，如果要玩這個遊戲要做好預防措施。馬來西亞《中國報》/英國《太陽報》
來源:
http://hk.apple.nextmedia.com/international/art/20170608/20048786
Next Page