📖 ZKIZ Archives

請勿把錢死困在籠底(答) Homeblogger

讀者最需補足是借貸力不足。其實賣樓同唔賣樓之間，仲有好多可能。如來年將收入報足稅，交利得或薪俸稅，就當拉個平均個人收入應證有兩萬餘元，可將樓不賣出及作套現之用。

當然讀者擔心而家唔賣之後就無好價錢，應否放手一博? 筆者認為讀者只得樓一間，如冇樓係手個心又會唔會定呢? 到時錢有五百萬，但應如何處理，讀者又有否再諗清楚?

想信讀者本身對投資沒有興趣，亦估計是新手一名。心態及知識未必能妥善打理即時所得的一大筆錢。可以有人會話，錢係我既，點會唔識打理呢? 冇錯你可以即時使哂佢，但要令錢洸得其所又能照顧退休所需，是長時間一點點累積的努力。

建議著量申報自己生意收入，如能再找到擔保人即可將樓套現至七成，老公收入如在外地亦可折合計算。可套金額為(8.0mil*7-%)-2.20mil=3.4mil。套出金額可將一半放在靈活按揭戶口，收回按揭息率之等回利率，變相將要用腦諗之再投資金額減半，至1.70mil。此金額可換做人仔做定期，3到4%年回報可期。這樣設置無非是配合你個等，等市低係美國或香港再買一層。

美國買樓不時是筆者與朋友談及問題，可以買價好平，但延後收費一般。在wall street買間一房studio租比鬼佬可要支付服務費每月US$2000，而距離wall street遠點的地方租間大屋都係us$2000， 所以間屋曬左好耐太陽，蝕賣離場。當然亦有不少筍貨，先生是美國人可在正確判斷。再唔係等下在港置業。

如找不到擔保人，可先搬到家人屋企住，再將樓租出。半年後齊租金收入即可當自身收入證明。惟因單位已作投資用途，套盡都是50%，即可套金額由3.4mil減至1.8mil。但此金額已夠讀者在淡市比首期買多一間了。Auntie應是對的，冇樓係手而手持大筆錢自己攪投資，相信暫不是你杯茶。至於想握500萬係手慢慢洗，諗樣認為此金額就算可洗過世，都係一個令你不開心的退休生活。當然有外力幫忙，以上所說的問題都不是問題。

經濟是有週期，大浪仍然是六十年一大週期，十年可視作為一小週期。至於當中有不小波浪支折，實在是難估何時為一週期的完結，那時是重生的一天。由於只等一物業在手，借貸力亦不足，不建議賣出。努力一拆二，實在地知道幾時供完幾時有兩間樓係手，總好過一大舊錢係手只洗面頭一浸，大部份錢死困在籠底。

想問一問怎樣上車?(答) Homeblogger

讀者收入是較高一群，亦好儲得錢。那不如早點開始財務自由之旅，趁有搵錢能力是做好最少三間樓之部署，他日工作上有變動，都可以有本錢應對。高儲蓄能力加上比同儕好之月入，絕對應和銀行搭檔，運用借貸力而上。
借貸力為60000/10000*50%*2.59=7.8mil。有睇開本blog都知諗樣好少叫你一注獨贏，用盡所有借貸力在一個時候買入一間樓。相反應續奉行節儉，在現旺市時先買入樓房一間放租，到他日成家再將樓房收回，或當時市低就作第二間樓之打算，這樣更有辦法。
如打算在九龍置業，是要將借貸力用得七七八八，才能買到一舒適單位的。不如先由半邊陲地方著水，如沙田，荃灣，九龍灣，買入三百萬餘兩房有望。後生仔本不應住大屋，或勉強買入什麼以顯出優越感。首先勉強一向冇幸福，同加上由奢入儉難，萬一有日大屋搬細屋，不知人太年青時能否看得開。
如是自住可做九成上會，借二百七十萬或多一點，每月只還一萬元。租出樓房要五成首期，但有人是只付三成首期就將樓房租出。自住樓要搵租客最緊要睇往績，如是同區轉單位租客又能答出區內情況，起碼都放梗一半個心。良好經紀往時幫得人買賣樓，自然有一批好租客供應。
請持續在儲錢作業上努力! 你現能將月入之90%儲起，十分出色。當然有賴你月入較好，惟優勢不是長有，現在已流行中年轉職之想法，即時在現今香港，懂得一項技能，就算如醫生都很難靠此搵食一世。睇下傷風感冒只會等淘汰，發展專長，又或轉移至兒童心理學作consultation,是筆者見醫生們之一條路。社會上的新輩，要預備一生要做幾行，才能跑完職業大道。終生受聘一間公司，像日本之終身僱用制，在這世上已不復見。