Heycoins創辦人申Gap year創業
1 :
GS(14)@2017-02-05 10:38:11【本報訊】外國讀大學流行「Gap Year」（空白年），即求學期間給自己放一年假期，為投身社會前作準備。Heycoins創辦人劉港成去年亦向香港城市大學申請Gap year，為專心與拍擋創業搞神沙機。劉港成的成績在校內屬中游分子，並非GPA「爆4」的學霸。他指做學生時負擔少，時間亦充裕，故決定與當時在上海實習認識的朋友，一嘗創業夢。他稱今年重返校園後，學業上更得心應手：「做project仲順手咗，思維會快咗。」談到神沙機的靈感，劉港成笑指是源自一個美國室友的故事：「住hall時有個美國roommate，離港前畀咗3罐銀仔我，嗰度有成600、700蚊，令我覺得啲銀仔擺喺度好嘥。」他稱另一創辦人同樣是非本地大學生，所儲的硬幣「唔知點用」，促使他們設計神沙機，參加數碼港創意微型基金（CCMF），並贏得10萬港元種子基金。劉認為，Gap Year的決定令他學習到筆記以外的知識，「第一次同人傾生意好怯，會俾人壓價，但後來識同人做商業上的博奕，做生意最緊要係『WinWin（雙贏）』，而唔係俾人Win得多過你，呢啲喺上堂一定學唔到。」
來源:
http://hk.apple.nextmedia.com/financeestate/art/20170203/19916190