拍拖七年 溫哥華註冊王賢誌與男友結婚 「我而家好醉」
1 :
GS(14)@2016-08-04 04:06:16■王賢誌和同性另一半Kevin（左）相戀七年，昨日在溫哥華註冊結婚。互聯網圖片
相愛很難，尤其同性伴侶結合。富商趙世曾的女兒趙式芝與鐘錶太子女楊如芯於2012年在法國結婚，成為首對公開承認同性婚姻的香港名人，昨日輪到「王氏港建」富商王忠桐的45歲長子王賢誌（Vinci）與咖啡師男友Kevin Chow，結束七年同性愛情長跑，在溫哥華註冊結婚，Vinci昨大方承認，並說「我而家都好醉吓。」
富二代藝人王賢誌，入行以來性取向成疑，自爆38歲才初戀的他，2013年接受電台訪問時承認是同志，並與任職咖啡師的圈外同性密友Kevin感情穩定，Vinci昨日在Instagram貼出一張寫有「VINCI KEVIN」的花環照片公佈婚訊。記者昨聯絡Vinci，他承認於溫哥華時間前日（香港時間昨日），與Kevin在當地註冊，雙方父母均在場見證。
植物公園設宴
Vinci和Kevin相戀七年，不但沒有七年之癢，更選擇同志婚姻合法的溫哥華註冊，組織二人世界。大膽去愛的Vinci，昨日在電話訪問中承認婚訊：「係呀，呢件係開心事，我而家都好醉吓，我哋雙方家長同朋友都有出席，大概50人左右，今日我哋喺溫哥華一個公園嘅餐廳註冊同食飯，因為Kevin好鍾意大自然。」Vinci於當地植物公園（VanDusen Botanical Garden）的Shaughnessy餐廳舉行戶外婚禮，據知包下這間餐廳，最低消費為12,000加元（約71,000港元）。一對「新人」穿上同款禮服及襟花，而Vinci爸爸王忠桐更在宴會上與親友敬酒，這位「新老爺」面對兒子的性向選擇時，抱開放態度，在訪問中曾透露尊重囝囝決定。
■王賢誌因Kevin喜愛大自然，特別選擇當地的植物公園搞戶外婚禮，認真體貼。互聯網圖片
■王忠桐（左）昨日見證兒子王賢誌覓得真愛，飲得杯落。互聯網圖片
■親友遠赴加國出席婚禮，王賢誌前日與大家遊船河。互聯網圖片
此外，昨日Vinci親證喜訊前，堂弟王賢訊接受訪問時表現驚訝：「唔知，咁大鑊，我了解吓先。」問是否認識Kevin很久，可是好男仔？王賢訊即避談：「唔好問我呢啲，我睇吓先。」與Vinci親戚一場的向海嵐昨以WhatsApp回覆：「我同Vinci打埋算盤可以叫做親戚，我同佢舅母係表姐妹，成日講笑話我嘅輩份好高，所以佢叫我做表姨。好戥佢開心，Kevin我都識，見過佢好多次，印象非常好，佢係一個好陽光男仔。一直睇住佢哋開始，佢哋一齊咁多年，睇到佢哋好開心，希望繼續幸福快樂，最緊要大家身體健康，朝住目標共同進發。」
■身為表姨的向海嵐，昨向新婚的王賢誌送祝福。
■王賢訊對堂兄王賢誌的同志婚禮不敢多言，待當事人自己解畫。
岑杏賢好開心
至於公關好友鄭紹康，昨在電話中送上祝福說：「每段感情見到開花都開心，祝佢百年好合，永結同心。」無綫小花岑杏賢和男友袁偉豪上月到溫哥華度假時，在機場遇到Vinci，抵埗後約飯局，Vinci席間分享即將搞同志婚禮，岑杏賢昨日說：「當日有提到，我都恭喜咗，希望佢開開心心，快快樂樂。」承認出櫃的DJ梁梓禧（梁奕倫）大讚Vinci的另一半：「佢男友好靚仔，相當襯。佢哋好幸福、好sweet。」採訪：魯吉、皓騫、小米、唐如
來源:
http://hk.apple.nextmedia.com/entertainment/art/20160803/19720225
王喜羨慕王賢誌乜都有
1 :
GS(14)@2016-08-07 01:48:24王喜為節目《好聲音漫步世界法國站》擔任導演，昨日他跟張紋嘉和朱紫嬈在觀塘參加開鏡儀式，王喜下周三要去法國巴黎拍攝，但其圈外同性密友明仔病重，他說：「有啲嘢賺唔番，要行開18日，唔想中間收到電話，法國咁遠返都返唔切嚟。」王賢誌（Vinci）與同性密友Kevin前日在加國結婚，問他會否羨慕王賢誌？他說：「羨慕Kevin多啲，Vinci對屋企、對人、對社會、對東華咁好，我冇本事飛去加拿大，冇乜cash唔知送乜，佢乜都有，出世有金鎖匙，有事業、愛情、婚姻乜都有，又有強大醫療機構做後盾，唔使擔心醫藥費，我就擔心啲。」採訪：卓寶花攝影：陳俊強
來源:
http://hk.apple.nextmedia.com/entertainment/art/20160804/19722005
「間中陪佢返澳門探屋企人」王賢誌暢談同性新婚生活
1 :
GS(14)@2016-08-21 08:11:03■新婚的王賢誌昨晚戴上婚戒出席婚紗騷，其同性伴侶未有同行。
王賢誌於本月1日，於加拿大與拍拖七年的咖啡師同性伴侶Kevin結婚，昨晚他新婚後首度現身設計師何國鉦在金鐘舉辦的婚紗騷。王賢誌單拖而至，手上戴上婚戒，他笑言之前已與Kevin同居，故新婚生活沒大分別。問到誰先提出結婚，王賢誌表示：「係我提出，不嬲大家都有呢個idea，冇去實行，我哋冇浪漫求婚，有啲倉促，只得兩個月時間去籌備。」問王賢誌會否在港補擺酒，他表示：「香港啱結婚場地要一年前訂，自己都搞過一次都好吃力，而家鬆一口氣。」王賢誌透露雙方早已見過家長：「好早已見過家長，似屋企人feel，佢係澳門人，唔係成日見到佢屋企人，間中會陪佢返去探屋企人。」問到會否領養小朋友，他表示：「而家冇諗咁多，冇咁長遠。」對於不少人讚勇敢，王賢誌坦言：「只係覺得行前咗好重要一步，呢刻心態唔係鼓勵大家想做啲乜，我只係需要去做。」他昨日與名公關鄭紹康玩facebook直播，澄清Kevin並不是咖啡店老闆。
■王賢誌本月初在加拿大，與拍拖七年的男友Kevin（右）結婚。資料圖片
■同樣新婚的梁佩瑚與蒙古老公郭雲飛一起出席，自爆常以《甄嬛傳》情節談情。
■陳爽昨晚蹺實老公梁梓軒現身婚紗騷活動。
梁佩瑚指後母難做
此外，結婚四個月的梁佩瑚與蒙古商人老公郭雲飛雙雙現身，問會否努力造人生B，她表示：「有努力，唔係造人，冇刻意計劃做爹哋媽咪，又唔想靠人工（受孕），我呢個年紀難難哋，加上先生之前婚姻有個13歲嘅仔，佢有新媽咪會分薄咗，而家關係好好，佢喺內地讀國際學校，我同老公喺香港住，做繼母角色係唔討好，始終維持做朋友關係最好。」採訪：盧妹攝影：仇志德
來源:
http://hk.apple.nextmedia.com/entertainment/art/20160821/19744273
王賢誌與伴侶凹凸互補
1 :
GS(14)@2016-09-25 10:28:24王賢誌（Vinci）上月拍拖7年的初戀男朋友Kevin在溫哥華完婚，是娛圈首位完成同性婚禮的藝人。日前他接受有線《星級會客室》訪問，他表示：「結婚係開心事，如果要講大話唔畀人知，不如唔好做。初時都有啲擔心，結果報道都好正面，我唔係要鼓吹啲乜嘢，只係想做自己覺得值得嘅事。」
Vinci坦言與另一半性格一凹一凸，相處得來，他說：「我做事好有條理，Kevin唔執嘢，我心甘情願幫佢執埋。相反佢識煮嘢食、種植物，我就唔識呢啲，大家互補不足。」
Vinci出生於擁有30億資產的大家族，因無意接管家族生意，其父只好把生意交予其妹夫，對此他淡然回應：「大家都係一家人，就算我幫得到，又係咪做得好？最緊要係為件事好，如果我係鍾意權力，當初就唔會入電視台做。」撰文：鍾國仁
來源:
http://hk.apple.nextmedia.com/entertainment/art/20160925/19780845
王賢誌偕伴侶送別外婆
1 :
GS(14)@2017-01-07 07:08:13王賢誌（Vinci）外婆胡李寶晶早前離世，享年95歲，前晚在紅磡萬國殯儀館舉行安息禮拜，昨早10時出殯，並隨即移送到葵涌火葬場火化。靈堂門外佈滿花牌，其中關菊英跟同性密友周偉利聯名送上花牌悼念。昨早9時10分，Vinci和同性伴侶Kevin一齊抵達靈堂，二人見到記者十分避忌，隨即分開行。問到Vinci是否十分掛念婆婆？他點頭匆匆入內，稍後其父母坐車抵達，表現平靜。大約10時半儀式完成，Vinci跟家人步出靈堂送婆婆最後一程，Vinci神情哀傷，臨上車前跟記者說：「大家都有心，我要走先。」採訪：羅慧敏攝影：陳俊強
來源:
http://hk.apple.nextmedia.com/entertainment/art/20170107/19888759
王賢誌孖Kevin上郵輪行善
1 :
GS(14)@2017-01-08 19:02:52王賢誌與玩具大王蔡志明千金蔡加怡等，前晚在啟德碼頭出席「東華三院星夢郵輪慈善之旅啟航禮」。三天兩夜的郵輪之旅籌款活動，由東華三院副主席王賢誌主辦，他的伴侶Kevin Chow也有同行，王賢誌說：「正副主席每年都要諗啲唔同主題籌款，估計籌到幾百萬元，下年我會升東華主席。」談到他的外婆胡李寶晶早前離世，他自言心情已平復：「婆婆喺聖誕過身，佢入院時家人已經有晒心理準備。」至於以總理身份出席的蔡加怡就和老公一起坐郵輪，子女留在家中，她笑言子女可以過二人世界：「家姐?家3歲，細佬7個月好大隻，醫生話超磅，好彩生得高唔使減肥。」採訪、攝影：曹家誠
來源:
http://hk.apple.nextmedia.com/entertainment/art/20170108/19889846
王賢誌轟日酒店疏忽
1 :
GS(14)@2017-02-05 10:39:42王賢誌（右）、Kevin
王賢誌去年在溫哥華與圈外男友Kevin舉行同志婚禮，婚後首個農曆新年即飛日本名古屋度過，王賢誌昨在facebook貼出酒店房門在收拾後未有被關好照片，令他虛驚一場兼掃興。
■王賢誌在fb貼與Kevin遊日返酒店時，發現職員收拾後冇關門。
王賢誌留言講出事發情況：「今早11時，跟C離開在名古屋下榻之酒店出外一整天，晚上飯後才回來，看到自己房門是這樣子，完全沒給關好，我倆真的站在房門前萬分驚愕！下一個動作便是快步入房查看貴重之東西是否還在，看見房間還被打掃得乾淨整理，我們雖沒任何損失，但心情已由驚愕變成憤怒，除了housekeeping於完成工作後忘記關好房門，還有甚麼可能？」王賢誌立即投訴，獲酒店經理鞠躬道歉。撰文：劉敏
來源:
http://hk.apple.nextmedia.com/entertainment/art/20170203/19915940
王賢誌行運升坐頭等
1 :
GS(14)@2017-02-05 10:48:32王賢誌（Vinci）昨日以東華三院副主席身份，在中環文武廟出席「文武廟170周年廟慶」，Vinci和伴侶Kevin及家人剛到日本旅行，他說：「喺日本冇乜過年氣氛，今日返到嚟先感受到。」婚後第一年派利是的他說：「都唔知要預定換新銀紙。」問是不是派雙封？他說：「同佢一齊派好啲、開心啲。」提到日本酒店發生懷疑執房後忘記關門事件，Vinci表示所有物件原封不動，只是嬲酒店的人太疏忽：「酒店經理不停道歉，搞到我都唔好意思。有人話我行運，因為冇唔見嘢，返嚟又upgrade坐頭等。」採訪、攝影：羅慧敏
來源:
http://hk.apple.nextmedia.com/entertainment/art/20170204/19917114
王賢誌聞連生貴子讚好
1 :
GS(14)@2017-02-11 18:58:11東華三院董事局主席馬陳家歡、副主席王賢誌、蔡加怡總理等昨日於上環舉行新春團拜，身穿紅色外套的王賢誌自嘲似利是封，首次派雙封利是的他，豪派數百封。他特意挑選「金童」揮春影相，問到是否想領養小朋友？王賢誌說：「佢哋話連生貴子，我覺得好喎！不過要長遠計劃，好多方法都得，未必係領養。」他坦言與伴侶Kevin都喜歡小孩。蔡加怡則透露早前一家四口到新加坡旅行，明年將為大女準備報考小學，她說：「想佢入主流學校，不過驚佢壓力大。」問到是否擔心女兒要應付TSA？她說：「TSA始終係香港教育制度，係辛苦啲。」採訪：盧妹攝影：仇志德
來源:
http://hk.apple.nextmedia.com/entertainment/art/20170211/19924668
Next Page