📖 ZKIZ Archives

常盤賀夫牛一碎婚變

1 : GS(14)@2016-05-21 18:30:01

日本女星常盤貴子與劇作家長塚圭史結婚六年半，婚後多次傳出婚姻觸礁，男方於12年夏天被拍得夜會性感女星真木陽子，繼而傳出不倫戀。正出席康城影展的真木陽子，去年與丈夫片山怜雄離婚收場，並有指她去年底前往欣賞長塚的舞台劇，懷疑兩人關係仍糾纏不清。今期《女性自身》報道，常盤日前偕丈夫到意大利餐廳撐枱腳，當天是為長塚慶祝41歲生日，又一次粉碎婚變傳聞。





來源: http://hk.apple.nextmedia.com/entertainment/art/20160520/19619379
PermaLink: https://articles.zkiz.com/?id=300891

【馮仁昭四圍超】余慕蓮牛一獲獻吻

1 : GS(14)@2016-07-06 07:59:10

劉少君投資6位數字監製嘅歌舞劇《香港過來人》大前晚演出全院滿座，前晚一班台前幕後舉行慶功宴，兼為76歲生日嘅余慕蓮補祝生日。大家食完飯之後，就熄燈推出蛋糕，齊唱生日歌送上驚喜，余慕蓮最開心係全劇男藝員逐個獻吻，佢笑話：「今年生日已經係第4次慶祝，但今次特別有意義，因為劇組密謀加場，仲會搵其他藝人參演。」撰文：馮仁昭





來源: http://hk.apple.nextmedia.com/entertainment/art/20160705/19681356
PermaLink: https://articles.zkiz.com/?id=302599

【馮仁昭四圍超】伍姑娘吻賀阿倫牛一

1 : GS(14)@2016-08-16 06:28:13

譚詠麟（阿倫）同伍詠薇噚日到商台宣傳新片《江湖悲劇》，下周二係阿倫66歲生日，伍姑娘即場獻吻賀壽，阿倫話今年生日唔會大事慶祝：「朝早可能安排場波踢吓。」伍姑娘喺《江》片中情挑阿倫，問阿倫有冇感到衝動，佢話：「真係有，犀利。」咁有冇動L（生理反應）？阿倫笑言：「你睇我定力咁渣咩！」他笑指要親身感受才知伍姑娘嘅狂野。撰文：馮仁昭




來源: http://hk.apple.nextmedia.com/entertainment/art/20160816/19737490
PermaLink: https://articles.zkiz.com/?id=306112

【動畫】細個冇朋友？G.E.M.牛一自爆被仔飛

1 : GS(14)@2016-08-18 06:04:29

「宇宙巨G.E.M.」鄧紫棋8月16日25歲生日，佢就喺facebook撰文，話自己細個生日成日俾人忽視，冇乜朋友記得佢生日，試過有鍾意嘅男仔話要陪佢慶祝，但失咗蹤，結果同屋企人去咗食pizza，講到最慘嘅一次：「我也試過很期待一個甜蜜的生日但當時的男朋友卻在生日前兩天跟我分手⋯⋯」真係好慘咁喎。




來源: http://hk.apple.nextmedia.com/entertainment/art/20160818/19740977
PermaLink: https://articles.zkiz.com/?id=306379

心如攬有朋賀牛一

1 : GS(14)@2016-09-13 00:19:18

■蘇有朋昨日生日，大肚林心如約他慶祝。微博圖片



林心如終於承認有喜，為靚仔老公霍建華懷有4個月身孕。早前心如與霍建華於峇里結婚時，邀請不少紅星觀禮，讓《還珠格格》的「紫薇」林心如、「小燕子」趙薇和「金鎖」范冰冰趁機合體，認真難能可貴。而「五阿哥」蘇有朋當日因工作未能到賀，他便靈機一動在微博key圖，將自己貼在三姊妹的相片中，並留言：「這麼重要的時刻，怎麼可以因公缺席。」雖然蘇有朋無法到心如的婚禮，但兩人多年來老友鬼鬼，經常相約食飯睇戲，昨日大肚的心如在微博貼上兩人唱K的合照，心如從後攬實蘇有朋，留言：「大頭哥哥，甚麼都不說了……生日快樂！」如此煙韌，小心老公呷乾醋！撰文：嵐山




來源: http://hk.apple.nextmedia.com/entertainment/art/20160912/19767807
PermaLink: https://articles.zkiz.com/?id=308776

蓋鳴暉牛一扮日本妹

1 : GS(14)@2016-10-10 00:43:58

蓋鳴暉日前49歲生日，剛完成多場粵劇演出，為了給自己獎勵兼充電，蓋鳴暉安排與家人到日本大阪和京都旅行慶生，出發前更預訂了溫泉酒店，生日當天更泡溫泉嘆日式料理，她還換上和服，變身冒牌日本妹，最後家人又送上蛋糕，令壽星女好感動。蓋鳴暉昨日在電話中說：「我都冇乜嘢特別要求，生日願望好簡單，人人健康開心就最好。」




來源: http://hk.apple.nextmedia.com/entertainment/art/20161008/19794295
PermaLink: https://articles.zkiz.com/?id=311198

【馮仁昭四圍超】Sammi病癒賀老友牛一

1 : GS(14)@2016-10-10 16:14:40

鄭秀文（Sammi）前晚孖老公許志安出席好友歐陽德勛嘅生日飯局，同場仲有蘇永康夫婦、張衞徤、雷頌德夫婦同吳國敬等。Sammi影大合照時就拉低口罩笑到四萬咁口，睇佢嘅笑容應該好得七七八八。日前Sammi仲喺微博貼相話去做按摩同刮痧，條頸同背脊刮到又紅又瘀，希望真係可以幫佢去清身體嘅濕毒。撰文：馮仁昭




來源: http://hk.apple.nextmedia.com/entertainment/art/20161010/19795964
PermaLink: https://articles.zkiz.com/?id=311410

【馮仁昭四圍超】楊冪隔空賀老公牛一

1 : GS(14)@2016-10-14 06:52:21

噚日係劉愷威嘅42歲牛一，身在新疆拍劇嘅壽星仔，獲老婆楊冪踏入零時喺微博送祝福晒愛：「遠在新疆但不吃肉的糯米爸爸，生日快樂，多吃瓜果，其他的話，我們悄悄說。」



楊冪資料圖片

楊冪老竇都喺微博祝女婿：「糯米她爸生日快樂，新疆是個好地方。多吃水果正當時。」外父仲貼咗張唔見樣嘅晒肌相，唔知係咪想女婿操到咁大隻，俾網友笑係「炫婿狂魔」。撰文：馮仁昭




來源: http://hk.apple.nextmedia.com/entertainment/art/20161014/19799941
PermaLink: https://articles.zkiz.com/?id=312027

【馮仁昭四圍超】葉璇吻賀男友牛一

1 : GS(14)@2016-11-08 05:54:14

葉璇近日被內地媒體爆出拖欠家傭薪金，幾名女傭去到佢上海寓所樓下舉牌抗議，葉璇大呻遇到「黑中介同盜搶保母」，餘氣未消嘅葉璇噚日發微博公開黑中介同保母資料，呼籲大家要小心。葉璇咁㷫，好彩有內地男友小默先生呵番，前日係男友牛一，葉璇除咗送吻仲送咗1比1嘅Iron Man模型畀壽星仔。葉璇噚日話一定唔會閃婚：「我哋冇結婚打算。」佢話結唔結婚都冇分別。撰文：馮仁昭




來源: http://hk.apple.nextmedia.com/entertainment/art/20161107/19824816
PermaLink: https://articles.zkiz.com/?id=314599

【馮仁昭四圍超】家強牛一　Fans沙灘祝壽

1 : GS(14)@2016-11-16 05:10:43

樂隊班霸Beyond雖然拆咗夥，但一班粉絲喺兩年前成立「Beyond Love義工隊」，延續黃家駒不死音樂精神。噚日約三十位義工到龍鼓灘清潔沙灘，適逢噚日係黃家強（小圖）52歲牛一，歌迷喺沙灘度寫生日快樂祝賀佢。歌迷Iris喺電話話：「家駒作啲歌好偉大，所以我哋成立義工組識，將Beyond嘅愛宣揚出去，對於佢哋拆夥有啲可惜，但歌迷要尊重佢哋嘅意願。」撰文：馮仁昭




來源: http://hk.apple.nextmedia.com/entertainment/art/20161114/19832654
PermaLink: https://articles.zkiz.com/?id=315687
Next Page
ZKIZ Archives @ 2019