財政司司長曾俊華在2011年十月宣佈抑壓樓市辣招徵收額外印花稅（SSD），2012年十月又推出雙辣招，延長SSD之外，增加新招BSD，連同金管局總裁陳德霖不停出口術，降低按揭成數，樓市結果有乜反應呀？咪一路升完又升囉，住宅樓價全面升穿1997，中原城市領先指數上星期升到121.73點，比97年高
樓價痴線系列 (九) 馬沙筆記 Char Blogger
http://charblogger.blogspot.hk/2013/03/blog-post.html好老實咁講,香港住屋問題根本唔關乜嘢「比港共攪到無左」事!
老董當年提倡8萬5就係希望人人有屋住(即係依家大部份人想要嘢嘢),可惜老董生不蓬時,不幸遇上亞洲金融風暴,出現咗回歸以來第一場樓劫!
香港人乜都賴人,樓劫就賴8萬5,當日香港人日屌夜屌,最後如你地所願,8萬5無咗, 最後仲要暫時停建居屋嚟托住樓巿!
好啦,當日香港人日屌夜屌,終於屌到老董下台,開哂香檳.....
好大喜功嘅貪曾上台,為咗討好香港人,條PK永久閣置起居屋,唔Q定期賣地改勾地,大減土地供應!
哈.....明知未來可供出售單位會大減,又竟然無人出嚟屌喎.....點解? 因為有樓及負資產終於可以再次GO...GO...GO.... 理9得你班無產及未上車人士.....
好啦.....07年急升....到08年金融海嘯都阻唔住升勢, 香港人開始正視唔夠供應嘅問題, 就日屌夜屌要求重建居屋, 貪曾真係采你都有味 ....... 你地越日屌夜屌,佢就繼續話之你死! 到差不多夠鐘走人,咪是9旦旦話復建居屋囉!
終於到梁鷹上場, 全港樓價升到完全脫離現實!
私樓未來可供出售單位比班所謂「地產霸權」嘅發展商玩到無乜供應之餘, 可供出售嘅通通變成豪宅成萬蚊呎咁賣......
居屋啱啱先話復建,起樓唔駛時間咩!
公屋呢? 根本唔係起得唔夠快, 實際已經不斷咁起,而且起得好L快! 問題係突然多咗好多人去申請! 香港人真係好醒,依家好多年青人一夠秤就排住隊去申請,以公屋輪候人數去睇,點起都唔夠,每年有幾多人夠秤排住隊加入公屋輪候册?
今時今日,香港人又日屌夜屌梁鷹叫佢下台,直情未上台就想屌到佢落台,其實我上面講嘅「私樓供應短缺問題」、「居屋起唔切問題」、「公屋起極唔夠問題」, 關佢Q事咩?
要屌都屌一手促成所謂「地產霸權」及「樓市泡沫」嘅貪曾啦!
唔賣地增加私樓供應關佢事! 早幾年(07、08年)唔急市民屎急立即復建居屋關佢事,早幾年(07、08年)應市民要求復建居屋,依家大量供應就啱啱好! 嗰啲乜柒SSD、BSD、DSD、TVB 早幾年就要出!
最後,我想講嘅係, 貪曾在位一手促成嘅所謂「地產霸權」及「樓市泡沫」,梁鷹正式上場短短九個月,我見到佢真係一步一步撥亂反正中, 起碼有努力去揾地起公、居屋! 嗰啲乜柒SSD、BSD、TVB 、ATV、CCTV 係咁出.......
下年度(即4月起)取消勾地機制,政府從掌土地供應的主導權,即係可以大量供應,唔到班發展商一齊玩嘢唔勾地!
基本上我認為梁鷹一直盡力將房屋問題修正及重回正軌，依家越嚟越正路,只係需要時間一步一步咁嚟！
高鐵影響樓價 左丁山
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130406/18217890從法政大學之Rangsit校園出來，司機直奔周末市場「澤杜澤」，此日並非星期六，去周末市場做乜？泰國A話市場旁邊有一個商場叫做JJ Mall，全部係小商店、家庭戶/個體戶經營，有不少廉價趣怪嘅產品發售，唔趕時間，慢慢行最好。
郊外唔塞車，好快就到，一上到去就見一間小店專賣燙畫T恤，有不少獅虎狼及動畫魔鬼肖像T恤，畫像栩栩如生，好靚噃，左丁山卒之揀咗一件較為「和平」嘅馬肖像T恤，價錢240銖，左太想講價，店員老太一口拒絕。行到腳軟，見到一位少年人坐鎮嘅專門店，內裏有兩部日本Brother電腦車衣機，由觸點式螢幕輸入畫像及指示，指示衣車自動車線，我地見到嘅有一隻狼肖像（車在衣領），及一個枕頭袋，車上英文字I（心形）You，Fom: John Doe（假名），全部自動化，少年人顯然係熟手技工，控制電腦衣車非常純熟。左丁山好想幫襯，但少年人話：「自己來衣料。車工一百六十銖，但今日柯打滿晒額，你要預訂，最好後日再嚟！」咁好生意，做得過喎，唔知兩部Brother電腦衣車要幾多錢一部呢？
行行吓，見到一間不銹鋼匙叉店，一對匙叉係泰國人吃飯之必備用品，只售九十銖，我地一買就買十二對，左太話在香港唔會有呢個價錢嘅喎。
行到腳軟又上車去附近之Lat Phrao中央百貨商場，此店離市中心甚遠，不怕Paragon競爭，果然內裏人頭湧湧，似沙田新城市廣場，地方就當然大好多，食肆林立，生意好到不得了。曼谷有咗高鐵以後，市中心商場及百貨公司，不在高鐵站旁者，輸蝕晒，在高鐵站旁邊嘅，就俾Paragon搶晒生意，大公司如Central（中央）亦不例外，是隆（Silom）路中央店已改裝為寫字樓，Chidlom中央店本是名店，頂樓之Food Loft人流大減，Central World亦然，素坤逸路之Emporium受同一遭遇。現代大城市之中，零售商場之價值，因交通擠塞關係，幾乎全部受高鐵/地鐵線路的影響。香港早有此經驗，現曼谷趕緊追上，在四季隔籬高鐵站對面之曼谷St. Regis住宅賣到零舍貴，同一道理而已。
禹銘馮耀輝：樓價必大冧！
| ||||||
而家日日都有專家出來估樓市走勢，小宗搵來真正投資老手馮耀輝（Peter Fung）問吓，估唔到佢好決斷咁話：「冧！冧硬呀！」他預測樓價必大冧，而且起碼五成以上，主要因為美國加息。他並以「單車」比喻樓市，「而家個市叫呆滯，好似一架單車唔踩、停咗喺度，但單車係一定要向前或向後，否則停得耐都會冧低。」他認為現時的投資策略，是儲足資金，等大跌市時掃平貨。 數吓馮耀輝啲威水史，佢拍檔馮永祥（Tony Fung），喺九七年金融風暴前，高價賣走新鴻基證券，兩人合組禹銘，再喺○八年金融海嘯前賣走禹銘，只留下旺角中心、銀城廣場等地產項目。○九年佢同小宗講：「升！樓市升硬呀！」呢幾年樓價真係「巴巴」聲咁升，「馮兩老」隨之將大部分物業善價而沽，現時預留現金準備大跌市。馮耀輝對樓市辣招亦有意見，佢認為香港係自由市場，尤其金融，係「管不得」，「『設』辣招容易，但『撤』辣招就好難。到樓市冧先撤，只會冧多幾錢重。我認為金管局，亦唔應該對樓市有咁多措施同意見。」馮耀輝對政經時局牢騷多多，但要佢積極參與就耍手擰頭，寧願「隱身」投資，他打趣說：「哈，我最想俾政府嘅意見，係納妾合法化，我會拉埋老婆一齊支持！」 Give me a break直擊Social networking 晨早六點，當條街仲係小貓三兩隻嘅時候，斷估唔到油麻地城景國際酒店宴會廳入面，已經成個墟咁。個個化晒靚妝、著好西裝，拎住杯茶四圍social。在場者目的只有一個：識最多嘅人。呢個香港BNI（Business Network International）活動嘅負責人張國恩（Alex）話，與會者來自五湖四海：醫生、律師、會計、以至氣功師傅、臘腸店老闆、殯儀佬等等都有。每次聚會，會員都會有三十秒賣廣告兼「求助」。小宗呢日一早起身要聽五十幾人輪流發言，咪話唔眼瞓；會員為加深大家印象，奇招盡出，律師、醫生「舉牌」已係小兒科、做孕婦護理嘅帶埋假B上陣、攝影師出動巨相宣傳，有啲會員仲夾埋其他人一齊嗌口號。有旅行社老細拿起咪，即一輪嘴說：「去泰國，住四星酒店都係$1599，想要愉快假期，快啲搵我！」小宗開宗明義，話要搵「一盤生意」，手頭收咗幾十張卡片，當中有傢俬店老闆、晝廊負責人等等，有無用未知。出席呢個早餐會，盛惠一百八十元；想長期出席，入會費連首年會員費盛惠八千大元，相當揦脷。坊間仲有EGN（Executive Global Network）及香港天使投資脈絡等組織，前者模式同BNI相似，後者則透過座談會識人及搵投資者，個人會員一年會費千六元，另有其他要求。要識人建立網絡，最緊要目標為本！ 橋唔怕舊最緊要受 上禮拜太子鉅龍酒家嘅老闆吳伯恩（恩記），放生咗隻玳瑁，引來全城哄動，仲上埋報紙頭版。上報嗰幾日，鉅龍日日有人圍觀，生意因為咁仲多到爆添！恩記夫婦向小宗回憶起玳瑁之來歷，當日一個手指緄晒黑邊、狀似地盤佬嘅人帶來玳瑁，要求劏咗來食，恩記話佢一向唔劏「龜」，故要求買落來放生。跟手，仲打埋去報館報料添！放生，一向是恩記「搶鏡」的招數；有「龍躉大王」之稱嘅佢，早年不斷放生巨型龍躉做善事，見過唔少報，宣傳效用之大，可謂一舉兩得。呢條橋，循環再用，用到佢由劏龍躉變咗全港最大海鮮批發商之一、用到佢喺太子開酒樓，喺上環開分店、最近佢哋仲購入荔枝角兩個鋪面，再開多間分店！此為「橋唔怕舊，最緊要受」嘅最佳明證！ 本週金句王 有日小宗上大律師陸偉雄之辦公室，赫見這個由陸大狀門徒送予師傅的卷軸。睇睇，原來陸大狀平時講嘢，「字字珠璣」，年輕人想牙尖嘴利，學嘢啦！ 金牙大狀講嘢新盤買家唔俾面 金管局攞命陳同埋財爺鬍鬚曾雙雙發警號，話花旗開始退市，資金遲早外流，打擊資產市場，樓市不難因此「下行」咁講。誰不知班買家唔俾面，上個週末兩個新盤異常熱賣。何也？一個可能性，班買家係非洲爵士烏蛇蛇，唔似得兩大官人咁高瞻遠矚，佢哋唔識得乜嘢叫退市，更加唔知資金外流會有乜後果；佢哋淨係見到樓價抵買，本於一貫執輸行頭慘過敗家嘅香港精神，紛紛入市。另一個可能性，係佢哋同所有香港人一樣咁消息靈通，知道乜嘢叫退市，明白資金外流嘅後果，但佢哋更加睇到樓市貨疏，再唔落疊則蘇州過後冇船搭矣。實情係乜，冇人知。但二手樓基本上零成交，即係未有人肯劈價。若果個樓市真係似得兩大官人言之鑿鑿會「下行」，你估啲人會唔會咁老定啦？ | ||||||
樓價何時跌 我要亂up
http://jimwong1120.mysinablog.com/index.php?op=ViewArticle&articleId=4295562近來很多人問為何樓市不跌! 不是很多專家學者說樓價已過高嗎? 政府又出招壓樓市, 但為何仍然不跌? 經過我亂估之下, 樓價或在2015年左右開始緩慢下跌
首先, 我理解的樓價升跌, 主要由以下幾方面去影響
1. 供求
2. 負擔能力(業主及租客)
3. 回報
4. 資金
03年開始, 樓價上樓梯, 慢慢地向上走, 去到金融風暴後, 大約回跌兩成; 之後2010年, 突然開始急升, 2010-12年, 由樓梯變成電梯, 你追都追唔到. 那為何之前都是有秩序地上升, 而2010年開始突然急升? 2010年, 新樓供應雖然少, 但沒有突然大幅縮減, 人口又沒有大幅增多, 經濟又不是大幅增長, 為何10-12年, 樓市會倍升?
回看歷史, 2010年發生了什麼事? 首先, 這是金融風暴後的後遺症. 為了救市, 美國大印銀紙, 大陸又大印銀紙, 寬鬆貨幣政策, 令預期通帳出現, 銀紙貶值, 資金泛濫, 突然多了大量游資, 游資找出路, 便找黃金及磚頭保值,香港這個資金流動暢通無阻的地區, 便是資金流入的最佳地方, 全世界的炒作資金來香港, 而大陸放貸的資金沒有進入實體經濟,卻被貪官權貴拿來炒賣或投資, 又進入香港, 香港即時多了一大批投資者入市.
有資金來, 也要看回報率是否有價值; 由於聯匯關係, 香港跟著低息, 供樓人士供款利息很低.又可以九成按揭, 投資成本並不高; 但雖然低息, 也要看租金的高低. 租金過低, 想買樓的寧願租樓, 投資者的回報不合格亦不買樓; 相反, 租金若完全蓋過每月還款額, 甚至產生現金流則更吸引投資
2011年, 實施了最低工資, 低收入入士人工大幅增加, 洗碗工人工已高於一萬元, 漣漪效應下, 侍應等職位都要加人工, 即表示以往大量原本6-7千人工的, 人工加到去一萬元。這代表什麼? 這代表這批低收入人士雖然買不起樓, 但卻租得起樓, 人工一萬左右的打工仔, 若果不想同家人住, 他有能力搬出去租4千元的套房, 情侶兩個人便有能力租一個八千元的屋仔, 這代表市場突然多了許多租客.
若果, 市場單位供應多, 租金亦也不會急升, 偏偏政府在近十年, 壓低了供應, 令供應缺少了。供應少了, 而打工仔人工加了, 負擔能力大了, 市場突然多了許多租客, 業主便有能力抬高租金. 當租金回報高, 供樓利息低, 投資樓市便很值博了.
樓市升了十年, 但未來十年呢?
最近好多人話見頂, 政府不停出手又出口壓樓價, 但樓價都不跌, 為何? 因為業主持有物業的回報率仍然高, 美國傳退市, 但又未加息, 業主負擔根本無增加; 另一方面, 租金又無跌過, 那投資者持有物業, 仍然有不差的回報呢, 既然回報並未跌, 樓價亦不會跌
那幾時跌?
首先, 看美國退市。美國加息, 即令香港加息, 業主供樓負擔便上升, 回報便下跌, ; 另外, 美國加息, 美元升,借了平錢的投資者又要沽貨去還錢; 收水停買債, 債息便上升, 債息上升, 代表世界上其他投資的吸引力下降了, 包括磚頭; 現在預期美國收水, 有避險功能的黃金已經先行插水, 再來便是美國以外的樓市了. 所以, 美國收水加息, 將是令樓市下跌的第一步。現在估計美國是2015年才開始加息, 故香港樓市到2015年會開始較明顯的跌幅, 由現在開始10-20%吧
內地方面亦一樣, 之前內地大印銀紙, 投機資金走入香港. 但現在內地也收水了, 之前內地銀行同業拆息急升, 已證明內地收水了, 投機資金都要返大陸了.
從上面看, 未來幾年, 因為美國及大陸收水, 部份資金會從樓市徹退. 另外, 加息令業主負擔重了, 除非租金繼續升, 否則回報會下跌, 回報下跌, 將令樓價下跌.
但由於供應仍然不多, 香港經濟若沒有出問題, 失業率沒有下跌, 業主供樓及租客租樓能力不跌, 租金不會跌, 即表示業主持貨的回報率不會大跌, 故樓市雖不會升, 但又不會大跌. 樓價要跌, 都是緩慢的下跌
2017年新政府, 若樓價只跌10%, 政府就要回應選民的要求了, 新政府的政策尤其是房屋政策將是最大風險; 而2017年後, 近兩年開始建造的地盤都陸續完成, 似乎增加了供應, 供應若能夠增加, 樓價將進一步下跌
再看港人負擔能力, 由於內地的成本愈來愈大, 人仔不停升值, 香港人在購買內地物資方面, 成本愈來愈貴, 衣食等方面物價上升不少, 中線看亦削弱了港人在租樓及供樓的多餘錢.
總而言之, 樓市跌, 首先看美國及大陸的游資, 游資走, 樓價已不可能再大升; 然後, 再看業主買入物業的回報率, 回報率可以按揭息率及市場租金去衡量, 按揭息率看美國加息, 市場租金又要看市場租盤供應及租客租樓能力, 市場供應看新盤多與少, 居屋公屋興建速度; 租客付擔租金能力, 看最低工資及香港經濟好壞失業率高低而定.
再看, 每大約十年, 便來一次大股災, 67年股災, 77年冇, 87年股災, 97-98年金融風暴, 2008年海嘯, 再來2017-2018? 這次或許是中國的風暴, 上兩次中國都不是風眼 , 今次排隊到它了, 是地方債? 內需轉型失敗? 當股災出現, 內地經濟差, 本港失業率將上升, 代表樓市要大跌了.....
樓市慢步(13)：談地價及樓價的迷思(3)(2004-02-22) 脫苦海
http://notcomment.com/wp/%E8%AB%87%E5%9C%B0%E5%83%B9%E5%8F%8A%E6%A8%93%E5%83%B9%E7%9A%84%E8%BF%B7%E6%80%9D3/供樓負擔比率
日常經常聽到「供樓負擔比率」的名詞，首先介紹這個名詞，意思是大學畢業生的月薪當中，拿出多少百份比來供樓（例如一間市區的500呎樓宇供20年）。某大銀行的資料研究部多年來有統計，可惜小弟並無具體數據在手，但據知樓價在高峰時，比率可高於100%，即是以所有的薪金也不足以供樓。
筆者記憶中，去年樓市最低潮時，供款比率約30%，以樓價上升約兩成計，便是36%，而一般銀行可接受以薪金的一半作為最大的貸款額，即供樓負擔比率是50%，假設利率不變，理論上樓價可以再升38%。
當然這個數字並無實質意義，因為目前利率在歷史低位，中期內有約五厘左右的潛在升幅，當利率回升時，供樓負擔比率會自動提升。假定供款中一半是利息，按揭利率由目前的2.5%上升到7.5%，舊有的按揭供款便會增加一倍！目前的供款比率便由36%自動上升到72%，買樓人仕不可不作長遠打算。
再把以上數據由概念化為實質數字，據統計處的「選定職業的平均每月薪金」中，「督導級及技術員級人員」資料顯示，2003年9月的平均工資是$16,665。
http://www.info.gov.hk/censtatd/chinese/hkstat/fas/wages/average_sal_index.html
即可以$8,333(50%)申請按揭貸款，以七成按揭，供20年計算，大約可以購買220萬左右的樓宇。以西九龍上車盤最低潮的一手價$2,700計，可以購買815呎，如以樓價上升約兩成多計，現價約$3,300，可購買的呎數便降低到667呎。如樓價再升一成多到$3,800，只可以買579呎了。這還要考慮利率上升的因素，如果單從工資的角度，除非有較顯著的上升，則樓價再升的幅度有限。
樓市慢步(12)：談地價及樓價的迷思(2)(2004-02-22) 脫苦海
http://notcomment.com/wp/%E8%AB%87%E5%9C%B0%E5%83%B9%E5%8F%8A%E6%A8%93%E5%83%B9%E7%9A%84%E8%BF%B7%E6%80%9D2/目下的問題是：究竟目前的樓價是否升得過速？後市是繼續這種趨勢、平穩，還是轉而下跌呢？筆者現從這幾個角度分析：
樓價走勢
根據中原城市領先指數，http://www.centanet.com/cci.htm：
從樓價的「谷值」，有以下發現：
由2003年8月低點31.77計，2004年2月中的40.58，上升了27.73%。
對上一個低位是911事件後2001年11月的39.81，比目前低1.90%，用證券技術分析觀點，打破前浪底，是扭轉了一浪低於一浪的下跌趨勢。
2001年1月錄得43.54，還差7.29%。
2000年6月錄得46.72，還差15.13%。
1999年11月錄得50.62，還差24.74%。
官鱷大戰之後的低位是1998年11月的45.71，還差12.64%。
更遠的重要低點是由1994年的國內宏觀經濟調的低點，1995年11及12月的55.3，還差36.27%。
從樓價的「峰值」，有以下發現：
對上一個小陽春是2002年3月41.67，還差2.69%。
再對上一個小陽春是2001年3月是46.27，還差14.02%。
又再對上的是科網狂潮的2000年1月的55.22，還差36.08%。
1999年4月的高點是57.23，還差41.03%。
再上一個高點是1997年6月的102.51，相信這個數字並無意義。
再看對上一個高點是1994年4月的74.67，還差84.01%。
如果大家認為科網狂潮的是「泡沫價」，則01或02年應該是較為實在的價格，可推斷樓價再升多一成多便到達「科網後」的高價。又如以官鱷大戰的低位，也是有一成多的升幅。再參考九七「泡沫前」的價格，如果香港經濟能回復1994年中國宏觀經濟調控前的水平，理論上樓價可以上升八成多；若以後來的低位作準，則有三成多的升幅。
由於中原城市領先指數數據只是去到1994年，我們再參考歷史較久的中原城市指數，1997年之前的數據，要去到指數最早的數據，1992年1月1日才有40.52這個較接近的數據，換言之樓價只是升回1992年初時的水平。
綜合以上的資料，個人認為樓價仍有約一成的升幅才抵達明顯的阻力，如香港經濟中期能循健康的軌跡發展，重拾華南地區經濟樞杻地位（即只計珠三角附近的經濟影響力），與長三角、環浡海經濟帶分廷抗禮（個人認為可能性存在），以香港當時的經濟實力，樓價可有三至八成的潛在升幅，但仍待未來香港經濟發展走向而定。如果香港最後淪為一個普通的城市，相信再升多一成便要行人止步。
香港樓價將斷裂？ 艾薩Isaac Sofaer
| ||||||
望望窗外，在一座殘舊的大廈，找一間最便宜的單位，我相信全球99%的人口，都買不起它。想想吧，香港75%人口，要用三代、超過九十年去供樓，才買得起它。香港樓市轉趨疲弱，利息又將會上升，去年十年期息率就升了1.5%。香港經濟與內地緊密聯繫，但中國部分經濟領域，可以說是處於衰退之中。在聯繫匯率下，即使本港經濟周期與美國相反，香港也要跟隨美國息口。在不久的將來，美國經濟逐漸繁榮，帶動利率上升，而本港經濟雖然放緩，但利率高企。這亂七八糟的經濟，可能會加劇本地經濟放緩。美國擴張強勁 有一系列數據證明，受就業及商業投資增加帶動，美國經濟開始擴張。上週三至週五的數據反映，美國GDP回升，不同規模、不同範疇的企業增加二十萬個職位。今年，美國創立超過二百萬個就業職位，失業率回落至五年低位的7%，這種大規模的經濟擴張和招聘，已多年不見。美國經濟晴雨表——債息收益率，已從本月七號的1.4%，上升至今日的2.9%，但聯儲局的目標利率，仍然維持在0.25%。這是否一種策略，維持股市及樓市強勢，以持續推動經濟？若聯儲局低估整體的經濟實力又怎樣呢？數據仍未能說服他們加息，但就目前數據，我認為美國經濟已比聯儲局假設的強勁得多。聯儲局早些放手，讓美國經濟重回市場不是更好嗎？ 息口或高至5% 加息可能會比預期中早到。或者在明年中，當債券收益率升至4%時，實際利率便會上升。聯儲局很有可能因為落後於大市，而提早加息，每次0.5%，最高可以加到5%。我討厭去假設一旦加息，對本港樓市的影響，但以目前過高的估價，我覺得將有災難性的影響。樓市跌，股市都會大跌。跟「天下第一倉」買，至少跌幅較細，但升幅顯著。祝君好運！艾 薩[email protected] 艾薩Isaac Sofaer Tony Measor的好友及舊同事，本身是特許會計師，有逾三十年投資實戰經驗，現於力寶證券負責管理私人客戶的投資戶口，並在Quamnet撰寫艾薩日誌。其管理的環球投資組合，在91-00年間增長達十四倍。 讀者對港股有任何疑問，歡迎致電郵本刊，中英亦可。 | ||||||
樓價升定跌 左丁山
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20140117/18595280 樓價在2014年是跌還是升，係左丁山最近向朋友之中嘅地產專家提出嘅問題。睇報紙報導，地產股分析師、經濟師多數睇淡，睇跌一至二成，悲觀派甚至睇跌二至三成，專家看法有無實質支持呢？新樓盤成交似乎好暢旺噃，特別係啲市中心新盤，例如灣仔囍匯大把人搶住要，雖則係價錢非常貴，一個四百呎單位要一千萬元或以上，左丁山聽到都伸出條脷，但老友記W就買咗一間喎，有乜用途呀？相信係當酒店房用，久唔久因為有應酬至深夜，就索性在灣仔過夜，唔返屋企。
一位房屋委員聽見市建局啲樓咁好賣，特別搵人帶佢去考察嚇，佢在簽約揀樓現場，所見到嘅買樓人士，幾乎全部係銀髮一族，似係已經上岸之人，走來買個細單位做乜嘢？有關人士向佢報告：「灣仔係全港十八區最富裕嘅一區，大把隱形富翁住在灣仔，不少係買個細單位俾下一代做住宅嘅，或者係兩個老人家嚟住，貪方便兼懷戀少年時光在灣仔長大吖嗎，現在住緊嘅大單位咪讓俾兒子新抱，或女兒女婿住囉。」
委員聽完，認為幾有道理，上到現場睇樓，真係似足酒店房一間，真正廚房欠奉並非一般家庭住宅，千零萬買間「鬧市中心酒店房」，香港人都願意付出，故此地產大好友L對左丁山及委員講：「我成日話香港房屋有鋼性需求，隱形富翁之多，簡直數唔曬，80後買唔起樓，父母就同佢交首期五至六成，等啲仔女供得起樓。我要向啲40後、50後父母致敬，有此原因，我繼續睇好樓市，今年香港就業人數創新高，逼近380萬，家庭收入中位數繼續向上爬，加薪幅度亦有4%至5%，我敢膽話美國一定唔加息，唔好聽財政司司長出口術，唯一負面因素只係SSD、BSD、DSD啫。」呢三D辣招確係辣到啲中產換樓客眼淚水都飆埋出嚟，佢地最恨梁振英之處，並非冇普選，而係買樓先付DSD，慢慢等退稅，加埋金管局嚴限銀行按揭貸款上限，就令到一啲較高收入中產夫婦往往欠缺嗰百零萬做唔到按揭。委員有朋友嘅下一代夫婦兩人皆在投行工作，每月家庭收入近30萬，住八百幾呎樓，生咗一子一女，請咗兩個菲傭，太太話屋內住咗六個大人細路，太擠逼嘞，成日話要換間千二、千三呎，但就因為兩人雖有現金流嚟供樓，但一時之間唔夠現金交五成至六成首期及印花稅，咪日日鬧梁振英囉。
Next Page