📖 ZKIZ Archives

無論在機場買臨 時機票或即興之下到酒店租房，價錢通常比上網預訂或經旅行社預訂嘅票價、房租貴好多。餐廳Ｒ就在倫敦有過不止一次呢類經驗，故此佢經常話：「Walk- in rate is the walk away rate」一聽見就立即要走開，同人鬧交有乜意思呀。香港人在香港遇到呢啲事，總會有時大吵大鬧，狂轟海鮮價，「趁火打劫」，但去到紐約倫敦投訴呢啲事， 根本無人理會。

一啲成年人喜歡自我中心，投訴成風，一啲後生仔女亦自我中心，拒絕捱苦。呢日報紙有報導話本港大學酒店系畢業生不想做侍應及 執房打掃，職訓局訓練酒店從業員更加啱用，此報導唔會冇根據嘅啩？香港酒店業主聯會執行總幹事李漢城講嘅噃！如係實情，呢啲大學生未畢業前快快轉系算咯， 讀乜鬼酒店系呀，一畢業出嚟就要做酒店行政人員呀？酒店小YY以前讀完碩士先至去瑞士讀酒店管理，執房、掃廁所、鋪床單、吸塵及捧餐，全部要學齊，後來在 紐約豪華六星酒店做Butler，仲要代客擦鞋，做F&B嘅同學，無一不做廚房、捧餐開始，乜香港啲大學生咁矜貴呀，如此惜身，他日何來競爭力， 讀酒店辛苦喎，做酒店就更加辛苦到癲，怕就快啲walk away。

香港有兩位高官嘅仔女都鍾意做酒店，財爺曾俊華兒子在五星酒店做F&B，每日工作時間仲長過財爺，周一嶽局長千金在瑞士讀酒店，又係鍾意做餐飲業，唔知辛苦兩個字點寫。

北 京有位香港女士Ｃ開日本餐廳、咖啡室，非常成功，算係上咗岸。十幾年前左丁山仲識得人，介紹佢去見一位酒店高層，高層問佢怕唔怕辛苦，到北京捧餐兼管理間 咖啡室，佢話在美國讀酒店系時已經常做兼職侍應，冇乜所謂。結果呢，酒店請咗佢，上咗北京，佢累積經驗後自立門戶，在北京搵到真銀。今天香港年青人倘若一 怕苦、二怕難，唔會有前途。今天五星酒店之總經理大都係德國人、瑞士人，不少在廚房刨薯仔開始，做呢行，唔需要太多書本理論，服務做得細緻體貼先至緊要。

近代數碼化已跟大眾的生活息息相關，隨之而來的是digital marketing開始高速發展，80後的Alvin（李成傑），04年加入digital marketing公司PacificLink，其後派往Pixo Punch作管理工作，帶領公司不斷發展，到現時Pixo Punch已有百多名員工，合作的客戶包括信和集團、Towngas、香港賽馬會、IKEA及海洋公園等，Alvin表示，不介意請DSE畢業生，最緊要有市場觸覺及具創意。

Alvin是Pixo Punch的director，需要管理公司百多人，負責公司的大方向，「而家多數係見客傾job、分配工作及人事管理等，近年客戶對digital marketing愈嚟愈重視，最初只會佔佢哋嘅宣傳費10%，而家會去到20%至30%，呢行個競爭都大咗好多。」Pixo Punch是一間digital marketing公司，Alvin說主要為客人提供不同的推廣方案，但主力在廣告方面，「我哋會用app、social media及web等唔同渠道幫客人推廣產品、服務及企業形象，近排仲做埋電視廣告，合作過嘅客戶有信和集團、Towngas、香港賽馬會、IKEA及海洋公園等。」在澳洲Raffles KvB Institute修讀visual communication的Alvin，04年畢業後便回港加入了PacificLink，「當時係做junior designer，網頁設計、廣告設計及諗橋都會接觸到，自己邊做邊學，因為咩都要掂吓，會學到較多嘢，以前編寫語言唔多，熟悉flash、html就已經夠用。」

做開荒牛

08年，PacificLink開設分公司Pixo Punch，Alvin作開荒牛轉派過去，「當時iPhone興起，多咗jobs做mobile web site及手機app，公司決定成立Pixo Punch主力發展digital廣告方面，當時我係senior designer，帶住自己嘅team去嗰邊發展。」做marketing最常是工作沒日沒夜，Alvin表示OT高峰期是在公司發展期，「Pixo Punch發展初期，我最早都要10點幾先收工，一個星期仲有1、2日會去到12點，當時個team得6、7人，所有嘢都要落手落腳去做，但呢行都唔會早收工得去邊，就算而家公司多咗人，都要8、9點先收工，好多時啲客都係下晝先有嘢要改，要趕喺第二日改好畀佢睇。」在這行打滾了12年，Alvin認為自己對團隊的建立及管理是最需要學習的地方，「由最初帶領10人都冇嘅team，到現時要管理百幾人，做法會唔同咗。最初少人，所有事都可以參與，OT一齊、工作一齊，容易溝通到。到而家多嘢要管，就會分身不暇，就要靠初時建立到個團隊，build up到一啲team leader，咁先會較易管理；另外，呢行多數係80、90後，最好用似朋友嘅方法去溝通，會易俾人接受，最緊要係畀到佢見到工作前景，咁先留得住人。」

創作廣告由零到有

Alvin表示看着廣告由零到有，是一件最讓人振奮的事，「好多時客人只係畀樣product或者想有咩效果，中間點做就全部自己諗，有好多發揮空間。記得14年同Towngas合作，佢想推後生仔用多啲明火煮食，當時嘅idea會係從身邊同事會遇到嘅事去諗，而家打工仔成日OT，冇時間一家人食飯，個廣告就以溫情嚟做包裝，有幕係講個女放工好夜，點知返到屋企，家人竟然等埋佢開飯，成件事好warm，最後客人都滿意。」這廣告更奪得15年度HKMA及TVB傑出市場策劃獎。15年，Pixo Punch加入了國際顧問公司Accenture，為Alvin及其團隊迎來新的挑戰，「自己平時會成日留意social media，睇吓近排有咩話題，加入咗Accenture後，會接觸到亞洲各地區嘅客戶，好似新加坡及內地，除咗業務發展外，眼界亦會闊咗，因為你唔止留意香港發生嘅事，對我同一班員工都會係一個新嘅發展方向及目標。」

Pixo Punch pixopunch.com

DSE畢業生都做得

身為Pixo Punch Director的Alvin說：「digital marketing 係近年發展嘅趨勢，行內都需要唔少人手，對於想入行嘅人士，我會留意佢哋有冇marketing sense，例如近排有咩話題、廣告及平台多人談論，講得出咩係marketing，學歷上DSE畢業都會考慮，最好有digital market portfolio；另外，性格上積極及主動，都係我哋考慮請唔請佢嘅因素。」初入行做project assistance或junior designer ，月薪約$12,000；入行12年的Alvin現時月入4萬以上。

撰文：曾志恒攝影：劉宇軒（部分圖片由被訪者提供）