如有提及請勿介意 左丁山
1 :
GS(14)@2012-05-25 00:10:23http://hk.apple.nextmedia.com/su ... t/20120524/16362893
此日晨早接到某君來電，詐晒型，請左丁山以後唔好提佢，左丁山話：「喂，冇寫你個名喎，又冇爆你任何私人機密、公司機密，講吓過癮事情啫！」某君云：「總之你個欄太多人睇，我嘅身份俾幾位行家猜中，打電話嚟取笑，請你高抬貴手。」
唉，都唔記得幾時提過佢乜事咯，算了吧，因佢之事，想起幾年前見到財經 M，當時佢仲係做緊高官，未辭職，佢對左丁山講：「每朝吃早餐睇你個欄，我視為猜謎遊戲，睇你所寫嘅賓架 A，賓架 D，賓架 W係唔係我識得個幾位賓架，有時一猜就中，幾好玩！」財經 M以此為樂，相信不少其他老友亦然，其中又有一啲唔想俾人寫，要刻意保持低調嘅朋友，以後要留意多啲，謹此向各位老友致意，如在本欄提過你地而又俾你地老細、同事、朋友猜中，令你們產生若干尷尬嘅，左丁山在此道歉，鎖你鎖你！
此日賓架 W與地產 M約吃午飯，因大家事忙，夾日子難搞，三方秘書一個月前夾咗好耐先至搵到呢日中午，想唔到賓架 C亦大駕光臨，平時好難搵到賓架 C嘅噃？
賓架 W話：「今朝早上在馬會水池游水，碰到賓架 C，佢話相請不如偶遇，今日中午冇約，不如一齊吃午飯，我話如果你唔介意，參加埋我地三位飯局囉，佢一口應承咗！」如此更好，否則再約齊地產 M、賓架 C呢啲大忙人，可能又要等多一個月。咁嘅偶然聚會，想不到擦出火花，竟然為某些事情做腦震盪談出一個可能可行方案，大家滿意而去，四個臭皮匠，幾乎等於一個諸葛亮。
事後與賓架 W行路返灣仔，原來佢地俾業主加租35%，業主係老友都冇情講，因為市場趨勢無人可以阻擋，唔怪得大人物馮國經對香港電台自由風講，今天影響香港競爭力之最大因素就係商廈與零售店舖嘅租金！租金豈止嚇怕部份外資，亦產生一連串嘅「擠出效果」（ crowding out effect），即大名牌/珠寶鐘錶店擠出本地名牌，本地名牌退守二線街道，擠出本地名氣商戶（如飯店、麵包店，雲吞麵店索性賣舖停業），一波復一波，將本地連鎖店掃入領匯翻新商場，跟住擠出若干守舊經營嘅商店。不少人乘機罵領匯之時，忘記了罵政府，點解規劃土地時，完全忽略商場店舖之新供應量？土地供應短缺，乃商業租金大升之最基本原因！
胡孟青：請勿再老點！
1 :
GS(14)@2012-06-05 22:35:12http://www.sharpdaily.hk/article/fin/20120605/97743
金融海嘯後之虛假繁榮似終結時，環顧環球經濟指標，已隱現衰過海嘯之勢，現在景象似曾相識，正如當年千禧前亞洲金融風暴後，科網股泡沫為市場帶來一陣虛假繁榮；即係話，現還未到9.11與沙士谷底，明天的錢今天用，透支用盡，明日世界終結時，更慘烈之景氣將在後頭！賓架、政客，犯錯而不認錯，報應不爽！
瑞銀報告認為決定銀行貸款能力，最重要是其本身的流動性。銀行流動性反映於資產部份，惟內銀股資產，絕大部份是持有到期的投資類別及應收賬。這批資產僅技術上或會計上，反映在內銀的賬目上，但實際是毫無流動性可言。正因持有的資產並不流通，也變相大大限制內銀真實貸款能力。
工、中、建、農四大銀行持有到期的投資介乎1至2.4萬億元人民幣，應收賬部份有3至7千多億，當中很大比重是來自當年資產管理公司或財政部，名義上接手銀行不良資產的「篤手指」數額。銀監會對銀行貸款五級分類自查工作，隱現不良貸款情況不妙。
仍以市賬率來鼓吹內銀股抵買的市場中人，或對問題視而不見，或揸住盤數也看不明白就跑出來老點，不把照妖鏡中看到的拿出來，這群盲目樂觀的人，仍然不肯努力用功求真兼講真話。
胡孟青
獨立股評人