陳凱琳叫Good Show王馨平劈胸晒兩球
1 :
GS(14)@2017-03-22 00:31:32■王馨平前晚為尊重舞台,特別找朋友設計這件性感歌衫。
王馨平(Linda)跟舊愛鄭嘉穎分手多年,Linda於01年下嫁金融男友李家輝,嘉穎現跟前港姐冠軍陳凱琳(Grace)打得火熱,前晚三人在無綫籌款節目《博愛歡樂傳萬家》首度同台,嘉穎聯同謝天華以《風雲5D》音樂劇look登場,惟嘉穎扮演的步驚雲造型嚇人,天華更被網民譏為肥版聶風,留言:「完美演繹出乜叫英雄遲暮,真係靚女都會屙屎,英雄都會發福,果然成也風雲,敗也風雲!」
「尊重舞台」
相反,現年48歲的Linda一改玉女路線,穿中門大開晒巨乳裙登場,令觀眾嘩聲四起。前晚她在電話說:「太耐冇性感,大家唔記得我可以性感係咪?講笑啫,我覺得要尊重舞台同觀眾,所以件衫專登搵設計師朋友設計,佢幫我設計到咁性感,我都覺得幾靚,平時唔會咁嘅,你哋放心啦。」問老公有否支持捐錢?她說:「當然有啦,但冇問幾多。」對於嘉穎的《風雲》造型被網民狠批,Linda力撐舊愛:「據我所知佢哋唔肥㗎喎,佢哋都有做gym,練得好勤力,呢個都係跟番電影造型。我覺得佢哋好努力,都要支持佢哋!」
■鄭嘉穎和謝天華(右)的《風雲》造型,惹來網民狠批。
■鄭嘉穎扮演步驚雲,獲舊愛馨平力撐唔肥。
■王馨平大讚舊愛鄭嘉穎的現任女友陳凱琳親切。
同場冇尷尬
問跟嘉穎同場有否尷尬?Linda說:「其實冇乜尷尬,我哋喺第二啲地方私底下都撞見過。今日喺後台我冇見到嘉穎,但見到Grace都有say hi,Grace好nice,有同我講good show,我哋冇你哋諗得咁尷尬,我哋好好,我哋啲嘢係上一輩子嘅事,?家大家都活在當下。」此外,《風雲5D》下月公演,眾演員忙於綵排,總監陳淑芬前日為本月生日的譚耀文和閻奕格慶祝,阿譚收到金幣朱古力蛋糕,許願演出大賣。採訪:皓騫
來源:
http://hk.apple.nextmedia.com/entertainment/art/20170320/19963457
暈未?48歲王馨平驚嚇露乳裝 出自這一位...
1 :
GS(14)@2017-03-22 00:31:34王馨平(Linda)一向是斯文、有愛心的靚太,前晚她為大台慈善節目《博愛歡樂傳萬家》唱歌籌款,忽然着了一件露乳晚裝,大開中門,俗氣晚裝更令人嚇一嚇!48歲的她,皮膚白晢、身材及胸型也保養得非常好,無奈這一條開胸晚裝實在太暴露!米色及銅金色反光波浪紋布,本身已非常登台feel,立體手袖還算時尚,但裙腳無端加了一截黑色衣料,令腿部及下身看來更短。最弊,再加了全不搭調的藍寶色絲絨皮帶,令整件事很「金都feel」,未見華麗,先覺bad taste。
Lind受訪時,透露為隆重其事,特別搵設計師朋友設計晚裝,「佢幫我設計到咁性感,我都接受到。」而Linda的設計師朋友,正是來自台灣的設計師何立德(Duncan Ho),曾居法9年的他,2014年推出訂製晚裝品牌L'Atelier Duncan Ho,主力做台灣名媛阿太的訂製晚裝。
Well,大家只要看看設計師前幾年的作品,有比較之下,Linda的晚裝原來已經算是不錯的....更多時尚、美容新聞,即上:
http://add.appledaily.com
來源:
http://hk.apple.nextmedia.com/entertainment/art/20170320/19963824
靚返晒!王馨平驚嚇露乳裝後純白Jumpsuit回歸優雅
1 :
GS(14)@2017-03-24 17:08:0548歲的靚太王馨平(Linda),日前為大台慈善節目《博愛歡樂傳萬家》唱歌籌款,穿了一件由台灣設計師何立德(Duncan Ho)打造的露乳晚裝,大開中門,俗氣晚裝更令人嚇一嚇,未見華麗,先覺bad taste,廣管局更收到多宗投訴,指件衫太暴露不適宜合家歡時段播出。王馨平星期三出席活動時就以簡潔流麗的白色連身jumpsuit現身,即時回復高貴的優雅感覺,與之前的俗氣性感實打扮差天共地,這件jumpsuit是來自美牌Halston Heritage,單肩設計,修身簡約,凸顯她高眺身型,即刻靚返晒,Linda直認今次性感演出,朋友有讚有彈,正面、負面意見都有,最初只希望畀新鮮感觀眾,估不到有這麼大迴響。更多時尚、美容新聞,即上:
http://add.appledaily.com
來源:
http://hk.apple.nextmedia.com/entertainment/art/20170324/19968712
王馨平讚嘉穎賣力
1 :
GS(14)@2017-04-09 10:49:42鄭嘉穎主演《風雲5D》音樂劇大前晚紅館開鑼,現任女友陳凱琳帶未來奶奶力挺男友,之後陳凱琳在Instagram貼出跟男友合照。第二晚就有前度王馨平捧場,雖然Linda沒有留言,但是兩人有在後台合照。王馨平接受《蘋果》電話訪問,透露是嘉穎安排:「嘉穎之前問我睇唔睇,我話如果喺香港一定捧場,所以佢幫我安排啲飛,老公唔喺香港,佢出公差,今日先返,所以佢睇唔到。我哋同呂良偉都好friend,好多人話呂良偉做得好好,所以老公都想去捧場。」問到她覺得嘉穎演出怎樣?她說:「我覺得好睇,服裝好靚,全新創作嘅廣東歌又好聽,歌詞又好,編曲又好,每一個都好賣力演出,做得好好,係真心㗎!」撰文:非非
來源:
http://hk.apple.nextmedia.com/entertainment/art/20170409/19984229
考導師牌似木人巷王馨平瑜伽血淚
1 :
GS(14)@2017-04-30 15:22:14【頭倒立】■48歲的王馨平經過4年學習瑜伽,現在身體已變得柔軟。
【《蘋果》專訪】現年48歲的王馨平(Linda)早前以開胸裝出席慈善騷,結果一露驚人,原來她是靠做瑜伽練得好身材,去年更考取瑜伽導師牌。日前她在中環親自示範瑜伽,一招頭倒立顯功架。
Linda形容苦練4年考牌過程,如打少林寺木人巷般辛苦:「之前打golf成日揈桿,搞到要搵物理治療師,啲人話瑜伽係自療,所以報名,呢4年真係好勤力學,過程好辛酸。我唔係好柔軟嘅人,考牌要學習200個鐘,每次拉筋都有血有淚,堅持每朝7點到課室,接受2至3個鐘體力訓練,直情覺得自己入咗少林寺,感覺好似喺木人巷裏面,而理論嘅嘢都好辛苦,要記梵文考試唔可以串錯。」
【立卧撐】■王馨平體重雖然沒減輕,但衣服卻穿細兩個碼。
【練平衡】■王馨平指做瑜伽有很多好處,包括令臀部及胸部堅挺。
■王馨平笑言老公從來不會讚她身材好。資料圖片
穿細兩個碼
學習瑜伽的初衷是治療身體,雖然收了身,但體重並無減輕,依然是64公斤,但衣服尺碼就細了兩個,Linda說:「牛仔褲以前係32吋腰,?家27吋都着到,所以一般人觀念嘅減肥係唔啱,唔係話幾日唔食嘢,上磅梗係輕咗啦!但咁係冇用,其實要透過運動令肌肉結實,自然會收水腫,呢種瘦法先健康。」
節食唔健康
老公有否讚身材好?Linda笑說:「從來唔會讚我身材好唔好,我肥佢都要鍾意,我都唔會嫌佢㗎,自己最大缺點係臀部大,好在我夠高,可以拉長比例。」她坦承以前做歌手時試過節食減肥:「為咗3日後塊面尖啲唔食飯,夜晚唔食都試過,但咁唔健康,有運動習慣,塊面係有一種光彩,唔食嘢餓到死係唔靚。」
Linda指做瑜伽可以令臀及胸部堅挺:「老師話好多倒立動作,肩倒立每日做10分鐘有拉提作用,肌肉結實咗,唔再埋怨身體邊個部位唔夠靚,接受番自己,呢樣好重要。」採訪:皓騫攝影:陳俊強
難得生性暴龍哥創科眾籌夢,遭隱世肥報販秒殺!
https://goo.gl/hnEB7D「蘋果VR」App
App store下載:
https://goo.gl/0kW2cK
Google Play下載:
https://goo.gl/4K7EHw
來源:
http://hk.apple.nextmedia.com/entertainment/art/20170430/20006125
王馨平教瑜伽好開胃
1 :
GS(14)@2017-06-25 09:31:29王馨平(Linda)昨日到商台為將於下月23日於文化中心舉行的「國際電影音樂巡禮」音樂會宣傳,Linda是次與樂樂國樂團合作,Linda說:「今次會唱唔同嘅電影主題曲,包括《別問我是誰》、《不要躲避我的眼睛》等,同中樂團合唱,係難得機會,會好珍惜。」今次會否再有性感驚喜給大家,Linda說:「上次性感收到投訴,今次要搜集意見先。」
Linda去年考得瑜伽導師牌,最近開班擔任導師,Linda說:「我嘅學生男女都有,有同胞亦有西人,自己好享受做老師,我每次上堂都全情投入,好盡力,所以落堂好肚餓,食量好似再度發育。」採訪、攝影:張俊銘
來源:
http://hk.apple.nextmedia.com/entertainment/art/20170624/20066565
王馨平祝福嘉穎、凱琳
1 :
GS(14)@2017-07-29 03:40:59王馨平當年曾跟鄭嘉穎苦戀,可惜傳被父親王羽棒打鴛鴦!日前她接受鄭紹康主持奇妙節目訪問,重提舊事時表示:「一如其他有女兒嘅父親,爸爸總希望女兒留喺自己身邊,唔想佢結婚!」與嘉穎分手多年再見亦是朋友,早前嘉穎演出音樂劇《風雲》請舊愛捧場,馨平在後台遇到陳凱琳讚大方得體,問會否催嘉穎結婚?她說:「我會祝福佢哋。」馨平跟富商老公李家輝結婚15年,至今未有子女,她坦言:「連人工受孕都試過好多次,索性唔再強求。」之前她着deep V亮相電視,笑言老公都詐型:「其實有肉色薄紗遮掩,大家睇唔到先誤會性感。」撰文:皓騫
來源:
http://hk.apple.nextmedia.com/entertainment/art/20170728/20103663
Next Page