|
||||||
|
二十九歲的張浩芹（Cliff） 和當時的男朋友馮君雋（Desmond，二十七歲），美國回流香港，閒逛葵涌廣場時見到一對從加拿大回流的夫婦開手作首飾檔，閒談兩句，不以為然，各自找 工作過着上班族生活。直到一天Cliff決定離開沉悶的廣告公司工作，想起當年的小夫婦，卻發現他們的首飾檔搬到尖沙咀後便做不住。Cliff決心延續夫 妻檔精神，半年前用六萬元在葵涌廣場開設復古首飾及皮具店Kaleidoskopie，產品全部以低成本自家製，大受OL歡迎，兩個月回本，上月扣除老婆 人工，還有二萬八落袋。太太縫製手袋熱賣 葵涌廣場三樓的玩具、時裝店中，有一間飾物店，店面細細，由兩夫婦經營。女的坐在木枱前，拿着針線密密縫，當有客人走進來，「隨便睇呀，鏈可以試吓先。」 說時頭沒抬高一下，只專注在手中半製成的手袋上。這裡主要賣復古首飾，由價錢五十元的耳環至千五元的手袋，都由老闆娘Cliff親手製造，用衣車縫製的部 分先在家做好，餘下就留在店內邊看鋪邊完成。半途出家的Cliff，原本是平面設計師，因為喜歡復古產品便自己配搭及製作，「啲客好好o架，好支持我，有 個甚至一見到facebook貼咗新貨，就會即刻過嚟買。」Cliff笑說，超級巨聲林欣彤也不止一次來光顧，「我嗰陣又係整緊袋，無抬起過頭，其實淨係 見到腳。」直至收錢的時候才認出她，十分驚喜。手袋是小店的熱門貨，每個月賣出二十多個，佔鋪頭七成生意額。訂單排得密密麻麻，現在落單訂製要八月底才可 起貨。Cliff指，由於工序繁複，以前要一日才做起一個，不過工多藝熟，現在四、五小時已能夠完成。有時有客人要求簡單修改如加長手袋金屬 鏈，Cliff不會「托手踭」，還把鏈搭在客人身上量度長度，有時客人用壞了手袋拿回來，她也不另收修補費。Cliff自言不是生意人，只希望有人欣賞自 己設計的飾物。有一次客人落單後才發現不夠錢付一半訂金，Cliff便說：「有幾多咪俾住幾多先囉，唔緊要。」客人反而替她擔心說：「你咁樣點做生意 呀？」鋪頭兩個月回本兼賺錢，完全是她意料之外，「我都唔係想賺大錢，一見到數字就頭痛，但我都會mark低條數，知道自己做咗幾多錢生意，睇吓幾點可以 收工嘛。我每日一點開鋪，差不多六、七點就收，哈哈，咁講好似好懶。」由於每天開鋪不超過六小時，加上逢星期一休息，為了不讓客人「摸門釘」，她會在店內 派咭片，「好多客買買吓都變咗朋友，我會叫佢哋嚟之前打俾我先。」如是者開業半年，已儲了一班忠實支持者。 客人：「知道handmade就唔貴」 莊小姐自Kaleidoskopie開業之初便光顧，和Cliff已成為朋友，不時捉着Cliff手聊天。她自言十分欣賞Cliff的設計，不時指着產品 大叫「嘩！粒鈕好勁喎！」採訪當日，她全身配飾包括手鏈、頸鏈、耳環和手袋，價值約二千元，全部是出自Cliff，「啲嘢又型，又handmade又 tailor-made，呢個價錢梗係OK啦！」她訂造了一條手鏈於當日取貨，另外還訂了兩個手袋，其中一個顏色鮮艷，Cliff自言鮮有製作鮮色手袋， 但經莊小姐提議後才發現鮮色手袋「都可以好靚」。另一位首次光顧的劉小姐家住屯門，在灣仔上班，放工卻專程繞道而來逛商場，「我成日行葵涌廣場，因為啲嘢 平嘛！」當天她買了一條價值$195的手鏈，Cliff還即場替她更改手鏈長度，「本身一睇都覺得貴，但係知道handmade就覺得抵。」劉小姐一邊展 示手鏈一邊說。 賺錢靠老公夠實際 Cliff寓工作於娛樂，賺錢計數全靠老公Desmond，老公有正職，只是工餘時間落鋪，會坐在門外的木頭擺設上，等太太之餘，亦觀察人流。二人新婚數 月，十分恩愛，拖手、親吻旁若無人。Desmond自稱為「才子」，因為太太的縫紉工作都幫不上忙，唯一可為她「裁紙」。事實上他在電子產品公司專責報 價，計數最叻，所以亦負責Kaleidoskopie的成本控制和財務管理。「只要材料成本維持喺一成以下就一定有得賺！」Desmond邊把玩手中 iPad邊說，一個手袋最大部分的材料成本來自皮和金屬釦，最平的猄皮，每塊一百元可做兩個手袋，最貴的意大利羊皮要三百元一塊，亦只可以做兩個，使用後 者連同特別訂造的金屬釦，手袋成本計起來約二百元，Desmond會建議售二千元。不過，Cliff有時會反駁：「嘩！咁貴，俾我都唔買啦。」這時候 Desmond多數會聽從Cliff意見輕微降低定價，「始終佢都見得多過我，佢咁講就要信啦。」雖然手袋毛利不達標，但Desmond發現，Cliff 製作飾物時任何材料都會用到，甚至廢物利用，外婆的舊襯衣做手鏈的裝飾，舅父的舊領帶可做成三款飾物，十六元一磅的鈕釦做耳環，襯得靚又可以賣五十元一 對，拉上補下材料成本也可以回落到約一成。Cliff逢星期一休息，會到深水埗入貨，另外每星期會再抽兩日開鋪前去逛，「唔係咁快有新款，只係我自己鍾意 行。」她上月到日本度蜜月，也不忘買來不少貴價材料，「日本啲配飾分開一格格，好整齊好靚，忍唔到手，買咗幾千蚊，嗰時覺得買得太多，但返到嚟又後悔，早 知再買多啲啦。」Cliff藝術家性格，製作起來很忘我，Desmond有時見她花太多時間配襯的話，亦會提醒她「效率好似唔係幾夠高 喎」，Desmond亦曾提出較實用的設計，「有一款鏈可以一條拆為兩份，一邊當手鏈，一邊當頸鏈，客人買到就會覺得有三款鏈好抵。」如是者，兩公婆一個 管產品，一個管數，營運Kaleidoskopie半年。 夫妻情意結選址 平日，Cliff留在三樓看鋪，但她只懂一條路往來地下，其他樓層她幾乎沒有逛過，「呢度都幾亂，我驚蕩失路。」Cliff笑稱。問她鋪頭多大，她說「唔 知道呀，百零呎啩，佢（Desmond）揀嘅，我哋望咗兩眼咋。」Desmond立刻補充：「合約就寫百幾呎，但實用面積點睇都係得幾十呎。」 Desmond表示，揀鋪前計數，最多只能負擔萬五至二萬元的租金，「真係行過兩步都唔得呀！」本來開在時裝店附近的二樓鋪位會較適合，但一聽到月租三萬 他們就嚇得掉頭走。Desmond稱，葵涌廣場近他們當時的荃灣住所，及Cliff入貨地點深水埗，當年剛回港遇見的一對加拿大回流夫妻，就是在葵涌廣場 賣首飾，因為這個情意結，他們執意要在葵涌廣場開鋪，租不到二樓也要租三樓。為慳成本，自己髹油，在爸爸大陸的家居擺設廠搬來家具，收到鋪位後兩三日便開 始營業，「人哋可能好緊張裝修，但我哋鋪頭風格唔同，raw raw哋仲好。」Cliff稱，到租落才知道，不少在隔鄰新都會廣場上班的OL放工後會到葵涌廣場逛街，假日甚至有外區的OL來這個出名價廉物美的商場掃 平貨，令她喜出望外。他們亦不定期將產品相片放上facebook專頁，現在已累積上千粉絲。他們認為facebook的宣傳效用不小，有部分客人就是因 為見過產品專程過來，但他們不會像一些店鋪Tag朋友來引起注意，以免hard sell，深信只要吸引到朋友like，其他朋友就會留意到。產品定價也一樣低調，全部貨品無標價，「睇到鍾意會問，問完覺得貴都無辦法。」 Desmond稱。Cliff和Desmond小學時期分別隨家人移民到美國，Cliff在大學修讀平面設計，畢業後在一家相架設計公司工作，認識到負責 報價的同事Desmond，一拍即合，兩年前覺得公司前景不明朗，兩人決定回港發展。Cliff在廣告公司工作，因為廣東話程度一般，未能幫忙度廣告用 語，只可以幫忙修修相片，十分沉悶。在Desmond鼓勵下辭職做handmade配飾，在山頂和石硤尾擺攤生意都一般，後來轉到中環擺攤就漸入佳境。一 次在蘭桂坊啤酒節擺賣，一日賺了上萬元，他們才驚覺這門生意有得做。他們婚期定於今年四月，但去年十二月亦決定開鋪，讓兩件大事同步進行，結果由落實創業 到正式開鋪，前後只用了兩星期。開業半年下來，Cliff日日低頭工作已開始積勞成疾，頸有時會痛，Desmond建議請人幫忙，但她仍然堅持自己製作， 「到底請個識整手工的好定係淨係請人看鋪呢？識整手工的又驚佢學完師自己另起爐灶，淨係看鋪的其實又唔係好幫到手，有得揀我都想淨係做番design嗰 part。」她一邊看着護指皮套一邊說。 開業資料（01/11） 租金*$45,000入貨$7,000裝修$5,000雜費$3,000總投資額$60,000*兩個月按金，一個月上期 營業資料（06/11） 營業額$59,000租金$15,000入貨$6,000人工#$10,000盈利$28,000# Cliff工資 |
||||||