筆韓絲打：韓國遇趙寅成餅印胞弟
1 :
GS(14)@2015-06-15 00:54:31近日韓國爆發「新沙士」，令一向崇韓的港人都禁足當地，慶幸筆者數月前有機會踏足韓國，雖然此行沒有特別編排行程，除了出發前已計劃一定要到梨泰院的一間咖啡店外，其他行程都是臨時決定。
■趙寅成（中）日前上綜藝節目《Running Man》做嘉賓。
其實在首爾咖啡店多不勝數，但筆者未出發前就只有一個目的，就是一定要到位於梨泰院的Everything But The Hero Cafe，原因很簡單，因為這所咖啡店是由韓劇《沒關係，這是愛情》男星趙寅成的胞弟趙宇成所開設，而筆者最喜愛的韓星就是趙寅成。雖然已過了追星的年齡，但本着小粉絲的心態，也希望有幸在店內偶遇趙寅成oppa，當然幻想永遠與現實保持一段距離，所以最終筆者亦都好夢成空。不幸中之大幸是能見到長得與趙寅成十分相似的弟弟，也總算叫做望梅止渴，原本也打算膽粗粗要求與趙弟影合照，幸而鄰座的女粉快人一步，趙弟表現冷冷的婉拒對方，眼見對方事敗，筆者自然也打消了邀合照的念頭，但偷影當然是常識吧。撰文：施洛冰
來源:
http://hk.apple.nextmedia.com/entertainment/art/20150614/19183333
一家三口幫阿強洗塵阿倫帶囝囝嘆燒肉 餅印父子
1 :
GS(14)@2015-09-24 01:49:37【輪廓勁似】■現年19歲的曉風盡得阿倫優良遺傳，輪廓、臉形、鼻和笑容最似老竇，比老竇更靚仔。
【中環】上月踏入65歲的譚詠麟（阿倫），跟情人知己朱詠婷（Wendy）所生的獨生子譚曉風已19歲，前晚本報在中環直擊阿倫一家三口跟友人飯局，生得高大俊朗的曉風臉形、鼻和笑容最似阿倫，樣子還比老竇更靚仔，相信必定媾死女！在飯局上有飲紅酒的阿倫，離去時做柴可夫接載Wendy、囝囝和友人返家，全程60正常車速行駛。
譚詠麟（阿倫）跟元配老婆楊潔薇（莎莉）結婚逾30年，可惜多年來一直沒子女，早年莎莉更潛心向佛。約20年前，阿倫在歌迷聚會上認識朱詠婷（Wendy），兩人墮入情網發展婚外情，Wendy於1996年為阿倫誕下慈姑椗曉風，直至阿倫爸爸於2006年逝世，阿倫為亡父發訃聞時，正式確認情人知己Wendy和獨生子曉風的身份。眼見兒子長大成人，三人不再閃閃縮縮，前晚阿倫帶Wendy和曉風光明正大跟友人飯局。
【一家三口】■阿倫前晚帶囝囝和Wendy光明正大跟友人飯局，兩父子還並肩而坐。
【淺嚐紅酒】■大個仔的曉風飲了一杯紅酒，之後都是改飲水，十分乖仔。
【飲飽食醉】■阿強由外國返港，阿倫和健仔設宴為他洗塵。
■飲了酒的阿倫埋單後，甫出門口即急急坐上司機位。DV圖片
陪老竇飲紅酒
前晚約8時，記者在中環的日式燒肉店，發現阿倫一家三口約了溫拿隊友彭健新和老婆、葉智強，還有曾跟朱晨麗傳緋聞的有米綠葉王張智軒飯局，近十二人分兩枱坐，阿倫和囝囝並肩而坐表現大方，着白衫的Wendy就跟兩父子隔開坐。已經19歲的曉風，遺傳了老竇的輪廓，臉形、鼻和笑容最似阿倫，樣子更靚仔過老竇，連身形都比老竇更高大健碩！其間阿倫和囝囝不停烤肉，枱上有兩支紅酒，阿倫不停食不停飲又不停傾，見到他起碼乾了三杯紅酒，飽到肚腩都凸出來，而曉風都有飲酒，但飲了一杯後就改飲水，認真乖仔。曉風跟身邊的張智軒特別好傾，還攞對方的意大利品牌Panerai型錶試戴，之後就掛住玩手機，見到有趣的東西便跟老竇分享，兩父子有傾有講感情好好。去到飯局尾聲，張智軒送了份禮物給阿倫，八卦的曉風拆開看，原來是一支酒，之後阿倫負責埋單，他們於10時許離開，似有醉意的阿倫出門口後，即刻跳上車坐在司機位！而曉風就好有禮貌地跟長輩道別，才上車坐在老竇身旁，Wendy、張智軒和女伴坐後座，之前有飲酒的阿倫，全程約時速60慢駛，先送張智軒和女伴去肇輝臺，再揸車跟Wendy、囝囝返樂活道比華利山屋企。昨日記者致電彭健新問及飯局事宜，讚曉風好靚仔，健仔緊張說：「嘩！咁就大鑊，我唔敢講嘢，費事啦，有啲嘢唔想講咁多。」問曉風是否很乖仔？他說：「你問佢，我唔知，逢仔都乖，總之全部溫拿啲仔都好乖，你記住。」前晚是否提早慶中秋？健仔說：「唔係，阿強返嚟同佢洗塵。」
讀牛津又孝順
至於張智軒昨則在電話說：「我哋踢波識，噚晚普通食吓飯。」問到曉風為人，他大讚：「佢好乖仔、孝順、勤力，唔勤力邊度讀到咁叻。」之前有報道曉風在英國GCSE（英國中學會考）考獲12A*好成績，以拔尖身份報考世界頂級學府牛津大學，問曉風為何不用去英國返學？他說：「好似放暑假。」問到阿倫前晚是否飲了兩三杯酒？他說：「唔多，好少啫。」見到阿倫揸車，走時是否已經酒醒？他說：「梗係安全啦，佢飲咗半杯唔知有冇，都係食飯前飲。」問到身旁是否女友？他坦白說：「嗰個係我太太，08年結婚。」對於之前跟朱晨麗傳緋聞，他表示澄清了沒事，太太沒呷醋。採訪、攝影：徐錦池、朱志聰
來源:
http://hk.apple.nextmedia.com/entertainment/art/20150923/19305561
祖藍餅印媽拍MV
1 :
GS(14)@2016-05-08 02:56:15■王祖藍為母親節推出新歌，與媽媽母子檔上陣。MV圖片
王祖藍為慶祝明天母親節而炮製了新歌《要我幸福》送給媽咪及天下母親，他除了填詞、主唱和執導MV外，更邀請媽咪冼杏嫦首度粉墨登場做女主角。
MV將於明早在中港兩地同步推出，跟媽咪倒模餅印樣的祖藍，在MV中不滿媽咪經常弄同一味餸而發脾氣、又嫌媽咪逼他穿「現代虧佬褲」、又不滿媽咪逼他跳扇舞，歌詞中講到「跟你長得太像，一模一樣，基因在我身上太過強，每天為我煮飯，我嫌你太煩，這樣陪我成長……」最終祖藍也明白媽咪用心，母子一起合唱。雖然祖藍媽咪首次拍MV，但不少鏡頭也是一take過，連眼淚也是真情流露，被工作人員大讚有潛質。採訪：魯吉
來源:
http://hk.apple.nextmedia.com/entertainment/art/20160507/19601250
【明星二代】魔童餅印靚媽咪
1 :
GS(14)@2016-09-14 05:52:12張智霖（左）、張慕童（中）、袁詠儀（右）
Baby為黃曉明陀B仔，BB勢挾父母良好基因，成娛圈星二代接班人。近年有不少星二代冒起，他們都擁一副明星相，但究竟他們貌似爸爸，抑或是媽媽呢？
張慕童
張智霖、袁詠儀兒子90%似媽咪張慕童（魔童）有個男神爹哋張智霖，媽咪就是美貌與智慧並重的港姐冠軍袁詠儀，9歲魔童深得父母遺傳因子，眼大大，相信將來一定是可口的小鮮肉。
王躍穎
王敏德、馬詩慧兒子50%似媽咪型男王敏德和名模馬詩慧的16歲細仔王躍穎，得到父母優良遺傳，外形高大，今年7月他更被影到一拖四名美少女在蘭桂坊夜蒲，魅力沒法擋。
苗彤
苗僑偉、戚美珍女兒70%似爹哋戚美珍和苗僑偉的25歲女兒苗彤，黝黑的膚色和外貌，似足爹哋苗僑偉，被讚是索爆星二代的她，連父母的藝術細胞亦照單全收。
謝婷婷
謝賢、狄波拉女兒75%似媽咪現年34歲的謝婷婷是謝賢和狄波拉的愛女，出道時曾被指是女版謝霆鋒，其實婷婷樣貌偏向似媽媽狄波拉，我行我素爽朗有型的性格，則酷似爸爸謝賢。
來源:
http://hk.apple.nextmedia.com/entertainment/art/20160914/19769883
藝人誕孖B高齡黎姿誕餅印女 梁洛施生小小小超
1 :
GS(14)@2016-12-10 03:45:24生兒育女，其實好睇個天，有人做足安全措施，但都意外懷孕，有人不設防等足多年，仍未成事，咁…要打孖嚟，命中率當然更加難！生孖B除咗睇彩數，家族遺傳外，亦因為o依家人工受孕越嚟越普遍，造就圈中出現唔少藝人名人成為孖B爸同孖B媽。黎姿10年，黎姿以39歲之齡，為老公馬廷強誕下孖女家蔚同家鎂，孖女現時就讀小一，黎姿喺兩年後再添一女。無意復出嘅黎姿，嫁人後即專心照顧家庭同3個囡囡。梁洛施10年替小小超李澤楷誕下孖仔，加埋09年大仔長治，共有3子。同李澤楷分手後，梁洛施同3個囝囝定居加拿大，到近年先回流返港拍戲拍舞台劇。林志穎林志穎同老婆陳若儀喺09年生咗大仔Kimi，舊年再成功造人，誕下孖仔Jenson同Kyson，前兩日孖B剛過1歲，爸B林志穎仲為佢哋舉行「歲抓周派對」。李心潔今年7月，40歲李心潔喺吉隆坡為老公彭順誕下孖仔，孖仔o依家5個月，人母李心潔最近亦火速修身，前排出席台灣金馬像時，身形已經回復到未生嗰陣。
來源:
http://hk.apple.nextmedia.com/entertainment/art/20161209/19859871
同媽咪細個餅印一樣鍾嘉欣囡囡似番個女仔喇！
1 :
GS(14)@2017-03-24 17:08:04究竟係爸爸嘅基因勁啲，定係媽媽呢？呢個問題，不少網民都想問下佢哋，例如楊冪劉愷威，或者Baby同黃曉明、周杰倫同昆凌等等，因為佢哋都唔想BB曝光，所以大家就更好奇咁。似爸爸又好媽媽又好，BB個樣，其實日日都變緊，一不留神就錯過。好似鍾嘉欣個B女Kelly咁，出世嗰陣就似爸爸，依家大大下，半歲有多喇，就越嚟越似媽媽喇。香港時間昨午一點左右，鍾嘉欣一口氣upload咗三張lovely Kelly嘅相，真係超得意，豬膽鼻似足媽媽，內雙眼皮，眼仔大大水汪汪，十足十鍾嘉欣細個咁。呢位新手媽媽帶埋囡囡行「姨媽傢私」，戰利品似乎唔算多，架車車主要都係做Kelly嘅「座駕」，但見相中嘉欣就好開心同囡囡selfie，囡囡就頭岳岳嘴扁扁露出一副「走得未呀？」嘅表情，cute爆！
來源:
http://hk.apple.nextmedia.com/entertainment/art/20170324/19968703
邱淑貞慶生日餅印沈月着Off-White青春無敵
1 :
GS(14)@2017-05-19 05:43:54邱淑貞日前49歲生日，好友上山詩鈉與她慶祝生日，在instagram連po幾張照片，邱淑貞的大女沈月、二女沈日與上山囡囡Hilary都齊齊上鏡。各人清一色穿上黑色衫，似乎晒夾晒dresscode，其中邱淑貞與沈月一張合照，兩母女同個餅印，15歲的沈月化了較濃的妝容，少女味upgrade成熟一點，身穿她喜歡的潮牌Off-White背心，青春無敵！美國街牌Off-White人氣當旺，沈月常常穿著之外，一眾紅星如韓星G-Dragon、Angelababy都是捧場客。
來源:
http://hk.apple.nextmedia.com/entertainment/art/20170519/20026515
Next Page