素顏全裸浸溫泉舒淇興奮大叫Let’s Go
1 :
GS(14)@2017-04-05 23:56:51女神舒淇成為幸福人妻之後，並冇收收埋埋，經常都會喺IG「派軍糧」分享佢嘅靚樣同生活大小軼事，等fans可以了解多啲佢嘅生活。前日舒淇又喺IG貼相喇，仲一口氣連貼6張相，有大頭自拍，有甜美笑容，又有單眼可愛表情，真係殺死人。而且舒淇去遊山玩水，背景係清清小溪，真係睇到人心曠神怡。不過，女神今次真係好誠實，「執相前，執相後」嘅相一式兩樣都貼晒出嚟，即使俾大家見到啲雀斑，都唔介意，真係好大方！點解咁講呢，因為大家唔難發現到，舒淇執相後，連佢頂Cap帽上嘅花紋都執走埋，誠實得真係好可愛呀！有網民睇到「雀斑照」就留言：「小雀斑，可愛」、「忘了掩飾雀斑」、「美，自然美」、「陽光姐姐」等等，大部份都係正評！身處日本嘅舒淇除咗貼素顏照之外，仲post咗條片，片中影住靚景，舒淇：「不可以喝酒，不可以穿浴衣，就是要全裸泡露天溫泉，OK！Let‘s Go！」
來源:
http://hk.apple.nextmedia.com/entertainment/art/20170405/19980508