韓男「搭錯機」 韓亞須折返港
1 :
GS(14)@2015-03-17 08:21:25
■有該班韓亞航班乘客在facebook上載機艙當時情況的照片。讀者提供圖片
【本報訊】本港機場發生一宗離奇搭錯機事件。兩名疑似韓籍乘客原定乘坐不同航空公司班機飛往南韓仁川機場，卻在機場禁區交換登機證，其中一人錯誤登上韓亞航空班機，直至航機經過台灣上空始被發現，該架載有二百五十九名乘客的航機須折返香港機場。警方認為事件無可疑，向兩名乘客發口頭警告。有立法會議員形容事件嚴重，促警方深入調查有否涉及恐襲等可能性。美聯社昨傍晚引述韓亞內部消息稱，一名相信是南韓人的乘客原定乘坐濟州航空的班機飛往首爾仁川機場，卻登上早四十分鐘起飛的韓亞航班，韓亞仍在探究事件細節。
與友交換登機證
機管局向本報表示，上述韓亞班機為OZ722，昨天下午一時十五分起飛，原定飛往首爾仁川機場，卻中途折返，下午四時重新降落香港機場，機場運作沒受影響。本報昨致電韓亞在香港機場的查詢電話，職員稱不便透露事件詳情。香港警方證實，昨下午四時零二分接獲航空公司報案，發現往首爾的航機，一名乘客身份與名單資料不符。涉事兩名外籍乘客分別姓Kim和Park，同是二十九歲男子，兩人為朋友。警方稱兩人「交換」了登機證，查問後認為事件無可疑，只予兩人口頭警告，案件列作雜項處理。本報讀者郭小姐向本報稱，其友人是上述韓亞班機乘客，昨下午四時許在facebook上載了機艙照片，並稱因有人「上錯機」而原機折返。照片顯示機艙門已開啟，多名乘客站起，服務員忙於使用對講機並向乘客解說。郭小姐的友人其後獲安排重新飛往仁川機場。立法會保安事務委員會委員涂謹申認為，航空公司讓乘客「上錯機」事件嚴重，因乘客身份、行李、證件資料及容貌辨識等安檢系統一脈相承，「咁都冒認得，係非常大件事」。他希望警方深入調查，有否涉及恐襲等所有可能性，「如果登機嘅唔係嗰個人，所有嘢都有危險。會唔會有啲嘢落咗第二架航班行李入面？會唔會係一個擺炸彈，另一個係死士？係咪中途俾人發現，所以取消咗個行動，製造唔到災難？」香港民用航空事業職工總會主席張樞宏稱登機證列明乘客姓名、航班及登機閘口等，但沒有照片，地勤職員在閘口除了核對班機編號，也須確保登機證的姓名與乘客護照吻合。他估計今次事件可能牽涉地勤職員未有清楚核對護照所致。■記者白琳
來源:
http://hk.apple.nextmedia.com/news/art/20150317/19079471
疑中招韓男隱瞞病歷經港往惠州新沙士殺到
1 :
GS(14)@2015-05-29 08:13:40■韓男留醫的惠州市醫院暫未有提高戒備。本報記者攝
【本報訊】全球至少1,139人感染、已奪去431人性命的中東呼吸綜合症（Middle East Respiratory Syndrome，MERS，俗稱新沙士）在毫無預兆下殺入香港！接連爆出感染個案的南韓，一名疑似染病男子早前發燒兩度求診，周二（26日）由仁川坐飛機抵港經深圳到惠州。中國接到世衞通報後立即核查，昨晨將男子送惠州醫院隔離檢查。該男子不顧醫生勸告堅持出境，抵港後隱瞞病況，結果觸發中港大恐慌！記者：廖智廣 游壠文 梁麗兒
惠州市應急辦昨晚通報，44歲患者是南韓京畿道烏山市人，是樂金電子有限公司（LG Electronics）產品質量控制工程師，到惠州參加LED品質交流會。該名韓男姓金，是當地七宗確診新沙士病患中第三名患者的兒子、第四名患者的胞弟。本月16日韓男前往醫院探望父親，在首名確診新沙士患者所在的病房內逗留將近四小時，隨後於上周二（19日）出現發燒等症狀。他上周五（22日）及本周一（25日）兩度到急診室治療，體溫高達38.7℃。但他首次就醫時向醫生隱瞞接觸史，直至第二次求診才對醫生說明。醫生建議他取消前往中國，但他一意孤行，更不理會居家隔離的要求。有南韓官員曾透露：「勸喻他留在家中，不要外遊其他地方，但遭到對方拒絕。」
新沙士病毒
於惠州市醫院隔離治療
該男子周二（26日）在仁川國際機場乘坐OZ723航班，於中午12時50分抵港，入境時有發燒及咳嗽，本港當值女護士詢問他有沒有去過中東、有無接觸過確診病人、有無到過相關醫療設施，以及接觸有關動物等，對方一律否認。男子在機場乘坐永東直通巴士，經沙頭角口岸出境抵達惠州市，當晚入住三陽酒店及康帝酒店。香港衞生防護中心總監梁挺雄透露，該韓男入境時無戴口罩，當值女護士昨早出現頭暈及咳嗽等症狀，被送往瑪嘉烈醫院接受隔離，化驗結果對新沙士病毒呈陰性，無受感染。
韓國當局前日確認男子出境後，通知世衞西太平洋區域辦事處和中國政府。中國接到通報後，昨凌晨2時掌握其行蹤後，立即把他送往惠州市中心人民醫院，在深切治療部進行隔離治療。男子出現發熱症狀，情況穩定，有關樣本昨送往廣東省疾控中心檢測。患者在惠州的直接密切接觸者12人，間接密切接觸者25人，暫未有異常。
《蘋果》記者昨抵達惠州市中心人民醫院，醫院未有提高戒備，姓歐護士說因深切治療部床位不足，院方要轉走一名病人才能讓出床位給該韓男。另有護士透露，暫未收到院方通知要加強防範。韓男乘坐的航班共158名乘客及8名機組人員；他乘坐的永東直通巴士共有10名乘客。有關乘客可致電21251111聯絡衞生防護中心。本港衞生署正向南韓及世衞跟進情況，呼籲市民保持警覺。
南韓確診個案增至7宗
南韓上周確診首宗新沙士病例，患者是一名到過巴林的68歲男子，本月11時發病，上周三（20日）確診，傳染給妻子、女兒、同房病人及醫護人員；昨日再確診兩名患者，都曾與他接觸，令染病人數增至七人。由於金姓男子不理勸告離境，南韓當局已要求該男子的妻子和相關醫療人員等10人在家隔離觀察。港大微生物學系系主任胡釗逸稱，政府應加強監察來自新沙士疫區如中東及南韓的旅客，「要好小心睇清楚（旅客）有冇發燒同呼吸道病徵」。若發現旅客有病徵，在法例許可情況下可考慮隔離他們進行快速測試，數小時後便知結果。根據法例，任何人入境時如不實申報健康狀況，即屬犯罪，可判罰款及監禁。
來源:
http://hk.apple.nextmedia.com/news/art/20150529/19164711
韓男星爆性愛片 Gary紋身中槍
1 :
GS(14)@2015-09-01 06:57:51■昨日韓國流出一男星的性愛片段，膊頭有紋身的Gary第一個中槍。
多年前陳冠希因流出不雅相片而震驚娛樂圈，昨日相同事件竟發生在韓國男藝人身上，當中人氣綜藝節目《Running Man》（RM）成員Gary就無辜成為中槍者之一，由於今次是首次有韓國男星爆出性愛視頻，即時引來網民瘋狂討論。據知一段長達四分鐘的性愛視頻於社交網站瘋傳，一名爆料者表示片中男主角跟一名女子全裸現身，二人所處的地方疑似是酒店，雖然當時電視機聲較大，不過仍清楚聽到女方表示「燈光太亮」，男方側面更疑似不慎入鏡。爆料者說：「該男生膊頭位有一個似是紋身的圖案，根據這特徵就能推測他是某人氣歌手。」又指片中男主角應該是在酒店偷歡時被人裝機偷拍。
■鄭俊英（圖）及朴宰范亦因為有紋身而被列入嫌疑名單。
朴宰范
鄭俊英嫌疑大
雖然韓國方面未有公開男主角的身份，不過就提到他是人氣歌手，正演出綜藝節目，更以黑白剪影圖來暗示。網民根據提示開始地氈式搜查，當中Gary因為膊頭有紋身，又同時演出《RM》而第一個中槍。不過亦有網民指Gary不能稱得上是「人氣歌手」，反而同樣膊頭有紋身、又正演出《兩天一夜》的搖滾歌手鄭俊英及《Show Me The Money4》的朴宰范更符合提示，又指傳媒所公開的剪影圖跟鄭俊英在舞台上唱歌的形態相似。此外，有網民認為男主角正演出節目，相信一定會因視頻事件而被「叮」走，身份遲早曝光。
■Gary在《RM》上公器私用，熊抱智孝表愛意。
另外，在昨日播出的《RM》中，Gary要在智孝及女星南寶拉中二選一，雖然Gary一直掩飾對智孝的好感，但在遊戲中他就以搶球為藉口撲向智孝，再熊抱對方，有公器私用之嫌。撰文：金美兒
來源:
http://hk.apple.nextmedia.com/entertainment/art/20150831/19276020
41歲韓男朱鎮模戀強國女星去香閨過夜
1 :
GS(14)@2016-07-09 06:36:04有內地傳媒報道指演過《霜花店》和《奇皇后》嘅41歲韓國藝人朱鎮模，同32歲內地女星張儷拍拖，年齡相差9年。事緣上月收到網民爆料聲稱「張儷和宋承憲在藍色港灣酒吧同車聚餐」，內地傳媒的記者馬上趕到酒吧，發現張儷同友人一齊行出，先知「男主角」唔係宋承憲，而係朱鎮模。當日張儷似乎飲得好醉，行路都腳步浮浮，男友朱鎮模都好有風度，行去座駕幫張儷開車門，跟手二人上咗後座，直駛去到一個一座橋邊，代駕同助理就紛紛落車，剩下朱鎮模同張儷二人駕車去女方寓所，佢哋過咗一晚之後。報道又指，翌日佢哋就去咗撐枱腳，食完嘢都有講有笑行出飯店，朱鎮模都好順手咁搭住張儷條腰，佢哋再上車，轉去一間咖啡店，未知係唔係熱戀當中，二人落車時，一直慢步，感覺好似旁若無人咁，朱鎮模仲差啲行行吓跌倒，飲完嘢，街頭親密，佢哋先再上車返回寓所。
來源:
http://hk.apple.nextmedia.com/entertainment/art/20160707/19684331
【首爾直擊】三星Note7會爆炸韓男：送禮畀人等於送炸彈
1 :
GS(14)@2016-09-14 05:52:15Note7炸成咁，都咪話唔驚。
三星(SAMSUNG) Galaxy Note7近排夠晒「爆」，由於有供應商提供問題電池，令部分Note7手機電池「轟呀」爆炸，搞到要全球大規模回收。動主播阿仙喺韓國首爾直撃最新情況，喺弘大三星專門店裏面，阿仙發現早幾日呢度仲玩到嘅Note7示範手機，拍攝當日已經熄晒機，而且當地已經暫時停售Note7，如果你喺韓國入咗部Note7咁「開心」，9月19日起可以換機啦。阿仙仲訪問到當地市民，韓男Han Kyeol Le覺得好丟架，佢話：「危險，怕電話會爆炸，送禮畀人就等於送炸彈！」瞓覺時都會將電話放遠啲。
動主播阿仙韓國弘大三星專門店內，發現Note7示範手機已經熄，冇得試玩。
韓男話怕手機爆炸，以後覺時都會將手機放遠。
呢位韓國用家表示，如果再有電池爆炸事件發生，好可能唔會再幫襯SAMSUNG。
至於喺香港，動主播表妹去到旺角，大部份市民都覺得Note7「機如其名」，話想送佢畀「689」喎，高小姐：「真係有啲X，我連佢出咗Note7都唔知，我仲用緊Note3。」而鄔先生就話：「如果我有部Note7，我會送比前度女友，唔知佢而家過成點啦，但我會希望佢會有事故發生啦。」←巧黑心喎！！
鄔先生覺得Note7「機如其名」，唔使多講，大家都應該明啦？
高小姐經已訂iPhone7，準備同用緊Galaxy Note3講拜拜。
講到手機，表妹當然要去拜訪「先達手機交易所、亞皆老街及太子區首席分析師」Lo哥（劉志剛）啦，估唔到Lo哥話不嬲都對SAMSUNG冇咩信心，「個個都驚啦，始終都俾咗幾千蚊出黎買部機，水貨暫時唔收住，香港版就冇問題。」此外，根據香港三星官網聲明表示，港澳地區發現有問題嘅Note7少於500部，9月2日或之後出售嘅Note7，已經冇採用問題電池，可以安心購買咁話。唔放心嘅市民可以自行檢查手機IMEI號碼，如果發現中招，品牌客戶服務中心將會安排換機。想知港韓兩地市民對Note7出事嘅睇法，就快啲去片啦！
杜小姐話不如將Note7送俾689，覺得手機名同佢本人幾貼切，你又點睇？
「亞太」區首席分析師Lo哥一向對SAMSUNG產品冇太大信心。
韓國：採訪：阿仙攝影：李錦鏵繙譯：卓惠媛(Joyce)香港：採訪：何宛珊(表妹)攝影：馮峰後期：Roy、陳家文編審：陳家文、懷鈺
來源:
http://hk.apple.nextmedia.com/entertainment/art/20160914/19769812
【人人問】 韓男「Mei Ling」做媒人醒你8招冧愛人心
1 :
GS(14)@2016-10-11 08:11:58朴寶劍(左)同金裕貞拍劇甜到漏。 (《雲畫的月光》截圖)
【三個粉絲追韓劇】朴寶劍同金裕貞喺《雲畫的月光》甜到漏，集集穩坐收視No.1，劇情亦越嚟越緊湊！女主角洪樂瑥（金裕貞飾）喺劇中係戀愛高手，第一集就講佢開檔做戀愛顧問，教客人使出「以退為進」同「英雄救美」兩招，成功追女。成功嘅原因係洪樂瑥女扮男裝，本是女兒身，清楚女人心！就好似香港嘅鑽石媒人Mei Ling，同埋韓國媒人李宰穆...啊！佢係男兒身！
金裕貞喺劇中係戀愛顧問，專幫男人解決愛情煩惱。 (《雲畫的月光》截圖)
佢教客人使出「以退為進」同「英雄救美」兩招，成功追女。 (《雲畫的月光》截圖)
現實中，韓國著名戀愛及婚姻顧問原來係男兒身－－李宰穆，佢個樣好似搞笑藝人曹世鎬(圓圖)。
三個粉絲一見到李宰穆，佢就搞笑咁問，「我個樣係咪好似搞笑藝人曹世鎬？」大家都即刻大笑話：「係幾似！」完全打破晒尷尬氣氛！原來佢都係做Gagman出身，最初經朋友介紹，去相睇活動搞氣氛，點知做做吓，就做埋戀愛及婚姻顧問。佢唔單止閂埋門同啲客傾計，仲成日出去搞event玩相睇，13年嚟幫過40000人搵對象，仲出埋《戀愛中介所》教人戀愛添！佢話佢嘅客人多數係女性，想知男性諗緊乜，搵佢就最啱數，同時因為多機會同女仔傾計，自然掌握到佢哋諗緊乜，又可以幫返男性客人。
港韓男女都有愛情問題問戀愛顧問，呢位韓女問：「我30歲喇，去邊搵男朋友呢？」
韓女朋友問：「點樣令男朋友知道佢自己做錯嘢呢？」
三個粉絲難得有機會拜訪戀愛顧問，唔會自私少咗你嗰份！我哋搜集咗港男港女同韓男韓女有咩戀愛煩惱，一於幫你哋「人人問」！未拍拖嘅女仔通常會問「點先受男仔歡迎？」、「去邊搵男朋友好？」拍緊拖嘅就會想知「點維繫Long D」、「另一半做錯事點話佢知？」至於就嚟結婚嘅就話「驚同未來奶奶溝通唔到」。而最騎呢嘅係有位港男經歷緊「狗血韓劇」，佢話「鍾意咗個女仔，但自己阿爸同女仔個阿媽拍緊拖，我哋兩個後生點算好？」咁鬼複雜...都無有怕，無論啲問題有幾難幾複雜，李宰穆都一一作答，一共醒咗8招畀大家！想學嘢就即刻去片！
港女朋友問：「點同奶奶相處好呢？」
呢位港男仲經歷緊「狗血韓劇」，究竟咩事？李宰穆點解決大家嘅愛情煩惱？睇片啦！
主持：動主播阿仙記者及繙譯：卓惠媛(Joyce)攝影：陳家文、李錦鏵《雲畫的月光》片段由Viu提供：
https://goo.gl/LCYTGt【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161011/19796702
Next Page