【動畫】與青梅竹馬好友成婚5歲絕症女臨終圓願
1 :
GS(14)@2016-09-13 08:04:18美國一名患絕症的5歲女童，臨終前圓願，與同齡好朋友「結婚」。瑪麗（Mary Massey）患遺傳性肺病囊腫性纖維化（cystic fibrosis），濃稠黏液阻塞氣管和消化系統，加上細菌感染導致肺炎，病入膏肓，無藥可醫。德州庫克兒童醫院的醫生如實告訴瑪麗和她的家人，瑪麗病情惡化，命不久矣。瑪麗媽媽凱拉唯一能為女兒做的，是在親友協助下，為瑪麗辦一場婚禮，讓她與好友達米安（Damien）結婚，圓她最後心願。這樁「婚事」不是小兒科，在瑪麗和達米安兩歲已開始計劃，達米安亦認真地向瑪麗求婚。上周四晚，家人為瑪麗舉行以迪士尼為主題的婚禮，一對新人盛裝出席，結婚蛋糕以他們最愛的迪士尼人物點綴。婚禮為瑪麗帶來最好的回憶，卻也是最後的回憶。她在婚禮不足六小時離世。瑪麗彌留之際，達米安躺在她身旁，握着她的手，陪伴她走完人生最後一程。英國《太陽報》
來源:
http://hk.apple.nextmedia.com/international/art/20160913/19769513
【馮仁昭四圍超】張達倫娶青梅竹馬 趕生雞B
1 :
GS(14)@2016-11-10 08:02:41■張達倫同貌似高圓圓嘅太太Kimmy噚日結婚。
喺劇集《愛．回家》中飾演「嚴謹」嘅38歲張達倫，噚日於深灣遊艇會筵開20席，迎娶拍拖兩年、貌似高圓圓嘅圈外女友陳鳳玲（Kimmy）！不過做文職嘅Kimmy好怕醜，只有張達倫單獨接受訪問。
■張達倫噚日自爆有向徐榮（左）取經，求生仔必勝法。
■張達倫（左）接新娘時被玩，要着上吹氣公仔衫，伴郎朱匯林就要幫手食嘢。互聯網圖片
高海寧揚言要幾年內結婚，因為想生多幾個。
氹媽咪開心
張達倫透露同老婆Kimmy係青梅竹馬，年前撞番撻着咗，問係咪要開turbo生BB？佢笑笑口話：「都想出年，哥哥今年生咗個女，如果我生仔，媽咪就會開心啲。」張達倫話見黎諾懿結婚兩年幾都未能造人成功，自己有啲擔心，仲向有一仔一女嘅徐榮請教，佢話：「徐榮教我飲醉酒好啲，不分日夜嘅，但今晚唔會不醉無歸，怕出醜呀！」高海寧、楊明、莊思明、莊思華、羅天宇、湯洛雯同張嘉兒等都有到賀，近日頻頻出席婚宴嘅楊明坦言有諗過將來結婚嘅畫面，但都係未有實際婚期，反而高海寧好想幾年內結婚生仔，問係咪同另一半有共識？佢反應好大咁話：「吓！邊個？唔係呀，只係自己想生多幾個，唔想做高齡產婦。」此外，噚日朝早張達倫搵咗《愛．回家》嘅黎諾懿、徐榮、朱匯林等人組成兄弟團去接新娘，新郎哥被迫穿上吹氣波衫，又要用腳趾喺冰水上夾麻雀，難關處處。問開門利係幾多？張達倫話：「好朋友在心中啦，大家玩得好開心。」撰文：馮仁昭
來源:
http://hk.apple.nextmedia.com/entertainment/art/20161110/19828241
超蓮楊政龍青梅竹馬
1 :
GS(14)@2017-01-06 02:07:47■超蓮上星期與楊政龍（右）去北京睇《星戰外傳》首映時，與甄子丹夫婦合照。
超雲感情空白，胞妹超蓮卻戀事緋聞多，繼月前的方力申後，昨日有報道指她與楊受成細仔楊政龍暗撻，二人屬兒時玩伴，男方知道超蓮愛Twins，不時製造「星」飯局聯誼，如之前蔡卓妍（阿Sa）生日，到日前更相約張敬軒飯局，席間楊政龍更向超蓮大獻殷勤。
■阿Sa（右二）搞生日會，超蓮（右一）與楊政龍齊齊去派對盡興。互聯網圖片
阿Sa：由細玩大
超蓮一向視楊政龍為哥哥，更大讚他有才華，在她的Ig亦沒有避嫌放着二人的相片，如之前楊政龍捧她搞Formula E，撐場兼親密selfie，上星期更齊齊去北京睇《俠盜一號：星際大戰外傳》（Rogue One：A Star Wars Story）首映。超蓮昨日在Ig貼了一張上班相，語帶雙關留言：「人生實在有太多事情比活在別人的耳語中重要！帶着正念工作，勿忘初心。」有份出席飯局的阿Sa及馬天佑亦代好友否認戀事，阿Sa向本報表示：「唔係呀，佢哋兩個由細玩到大，佢哋嗌大家契哥契妹，冇咁嘅事，我哋嗰日係一班好朋友食飯。」馬天佑就說：「冇啦，佢哋兩個係兄妹關係，佢當佢係妹，佢當佢係哥。」採訪：皓騫
來源:
http://hk.apple.nextmedia.com/entertainment/art/20170105/19886505
Next Page