老公忙做嘢四圍飛41歲雪兒諗復出：防脫節
1 :
GS(14)@2016-11-24 07:39:36【騷長腿】■雪兒（左）樣貌身材都保養得很好，一雙腿尤其靚。
【銅鑼灣】現年41歲的雪兒淡出娛樂圈十年，雖然偶有在港現身，但六年前榮升人妻的她，一直在新加坡定居，其丈夫是新加坡GHM酒店集團大股東Zecha之子Ajai。不過，無綫最近重播她有份演的《創世紀II》，再令大家勾起她97年與郭富城合作拍One2Free廣告時的甜美樣。雪兒曾表示有意返港發展及定居，本報記者日前發現她在銅鑼灣行街。當日下午約4時，穿白tee短褲的雪兒，與化妝師及一女友人在銅鑼灣希慎廣場出現，雖然已經「4字頭」，但樣子及身材都保持得相當好，加上一對白滑長腿，十分養眼。
【逛超市】■雪兒日前與兩位女友人在銅鑼灣行街。
【冇心水】■雪兒去Apple Shop選耳筒，但最後空手而回。DV圖片
■雪兒6年前與Ajai結婚做人妻，在新加坡居住的她有意返港發展。資料圖片
主攻健康食品
一行三人先到希慎廣場地庫超級市場掃貨，雪兒主攻健康及有機食品，最後買了一包小麥及一堆生果。在超市血拼後，雪兒再帶頭轉戰樓上的Apple Shop，沿途三人有講有笑，不少途人亦認出她在指指點點，有人更細細聲說：「呢個咪係《創世紀II》嗰個女仔囉！」入到Apple Shop，見雪兒向店員欲購買耳筒，遂向店員查詢，但最後空手而回。事後致電雪兒，她表示：「老公要做嘢四圍飛，時間多咗，所以想出嚟做吓嘢，唔想同個社會脫節，嚟緊會香港同新加坡兩邊飛。」採訪：王梓嫚攝影：梁繼光
來源:
http://hk.apple.nextmedia.com/entertainment/art/20161124/19843495
老公係酒店業大亨個仔雪兒做人妻兼繼母
1 :
GS(14)@2016-11-24 07:39:37現年41歲嘅雪兒，原來6年前唔聲唔聲做咗人妻，嫁俾新加坡GHM酒店集團大股東Zecha嘅仔Ajai。婚後定居新加坡，兩公婆經常孖住周圍去，雪兒幾乎每個月都陪老公飛嚟飛去睇酒店嘅新Location。據知雪兒老公同前妻育有一對仔女，最初結婚嗰陣，由於仔女仲細，所以雪兒做人妻之餘，亦要做埋繼母，現時仔女大晒，雪兒終於可以騰出時間做自己想做嘅嘢！早前，雪兒同老公就構思將紐約嘅Cooking school帶嚟亞洲，首站傾緊喺上海開設，而佢近日亦苦練廚藝，希望幫到烹飪學校之餘，亦可以煮餐好餸俾老公食。
來源:
http://hk.apple.nextmedia.com/entertainment/art/20161124/19843630
雪兒復出老公力撐
1 :
GS(14)@2016-12-09 00:03:46雪兒昨日穿上大露背長裙，與曹星如及丘凱敏現身亞博館出席化妝頒獎禮，早前她更被本報影到返港在中環行街，她指間中會返港嘆美食及探朋友。她又謂丈夫與前妻所生的子女已到外地升學，所以私人時間多了，近日亦有人斟洽她幕前演出，她說：「交畀公司傾，最重要睇自己時間，老公都支持我做開心嘅事。」她指平日生活悠閒，謝絕夜生活，除了星級化妝師Annie G.外，已甚少聯絡圈中人，但聖誕節會由老爺奶奶安排全家旅行，慣常會到泰國玩。同場的曹星如開始進入操練階段，問到會否有興趣作幕前演出？他說：「暫時都係放多啲時間訓練，拍戲時間長，應該唔會啦。」他透露之前試過指導小朋友打拳作演出之用。採訪：馬建華攝影：葉君海
來源:
http://hk.apple.nextmedia.com/entertainment/art/20161208/19858111
徐子淇升呢千億新抱 雪兒嫁酒店大亨之子做少奶奶
1 :
GS(14)@2017-02-05 10:48:28想當年，o靚模仲未興起，但模特兒總叫係新面孔，尤其以混血女模更為吃香，正所謂「十年人事幾番新」，同Danielle同期嘅女模們，家陣又去晒邊？徐子淇於澳洲長大嘅徐子淇，喺14歲時被模特兒公司睇中做模特兒，後來亦有拍過電視劇及電影等，星途一般嘅徐子淇於04年7月認識現任老公、恆基兆業創辦人李兆基次子李家誠，其後2人共墮愛河，到06年兩人共諧連理，徐子淇正式嫁入豪門。婚後徐子淇努力「造人」，結婚10年共誕下兩子兩女，同老公李家誠又不時放閃晒恩愛，生活相當幸福。雪兒1997年憑住同天王郭富城合演電訊商廣告走紅嘅雪兒（Michelle Saram），喺香港發展過一段時間，拍過大台劇《創世紀II之天地有情》同《尋秦記》、又去過台灣參演《流星花園2》等，喺7年前低調嫁畀新加坡GHM酒店集團大股東Zecha嘅仔Ajai，婚後定居新加坡。現時佢除咗陪老公周圍飛去睇酒店嘅新location之外，仲同老公構思將紐約嘅烹飪學校International Culinary Center帶嚟亞洲，同時修練自己嘅煮藝。
Lee Ann經典廣告對白「我係咪好任性呀？」就令人聯想到中法混血模特兒Lee Ann（李鞍），10幾年前，佢移居法國結婚生女，任職兒童心理學家，至今已育有兩女。佢舊年回港為拍賣行擔任珠寶模特兒時表示，女兒開始長大，希望可以多啲回港工作，又放風話對功夫有濃烈興趣，仲一直有學蔡李佛拳，如果有人搵佢拍戲，佢一定會答應。
Maggie Q一早打入荷里活嘅Maggie Q近年除咗忙於拍攝《分歧者》（Divergent）系列等演藝工作之外，亦有關心世界大事，一向愛護動物嘅佢茹素多年，亦係善待動物組織（PeTA）嘅活躍分子，不斷呼籲反對用皮草，亦曾獲選為亞太區年度風雲人物。有報道指Maggie Q上月中與眾PeTA嘅請願人士到時裝品牌Canada Goose多倫多總部門外抗議，更帶捕獸器作血的控訴，指該品牌外套用了郊狼的皮毛，Maggie Q要求與公司行政總裁Dani Reiss會面，商討不再在外套上加毛皮，但遭拒絕。
來源:
http://hk.apple.nextmedia.com/entertainment/art/20170204/19917729
揸11間美甲鋪闊太文雪兒減12磅自薦《溏心3》做串星
1 :
GS(14)@2017-06-26 03:26:172017-06-22 NM
現年57歲的文雪兒，16歲出道擔正女一，邵氏年代跟已故傅聲合作多部武俠片，後來轉投麗的成為哥哥張國榮的熒幕情人，91年淡出娛圈做人妻，千禧年玩票性質開美甲店，將擴展到十一間。13年曾被邀復出在《巨輪》做于洋老婆，最近又戲癮急call，她減十二磅自薦返大台拍《溏心風暴3》，雖然凌晨一點開工，清晨四點收工，但她說：「我拍得好開心。」元秋反對接劇
文雪兒目前開了九間美甲店，九月再有兩間新店開張。生意上了軌道，做了十七年老闆的她，生活悠閒寫意，突然簽約無綫復出拍劇，她說全因年初跟一班朋友聚會。「有日同亞視班舊同事傾偈，佢哋叫我減肥，我當時覺得減肥有咩用？都冇嘢拍，冇人搵。佢哋話人哋點會無端端搵你，以為你做少奶奶唔想做，你有興趣就主動搵吓人。快啲搵（劉）家豪哥，佢返咗TVB呀。咁第二日我就搵家豪哥，佢話會記錄在案，因為當時《溏心3》已經定晒人，加上去到第三集，重新安排我去做一個角色有難度。」文雪兒說。相隔沒幾天，她便獲安排一個客串角色，不過胞姐元秋卻說「拍乜鬼啫，又唔係等錢使」，她倒認為是良機，可以試水溫，看是否適應今日的拍攝方式。「最初我都驚唔知出面嘅人點諗，但之後又有另一個想法，就因為唔等錢使，可以嘗試拍一部少戲份嘅電視劇，冇咗呢個心魔，開工開得好開心好舒服。不過冇拍戲咁多年，究竟自己體力同記憶力仲得唔得，倒不如由少（戲份）開始，起碼唔會搞到人哋成日NG。」她坦言。
肥到一百三十二磅
同時她開始減肥大計，她說：「我向來比較瘦，得八十幾九十磅，不過之前去到一百三十幾磅，咪的起心肝減肥。我係用自然方法減，而家total減咗十一、二磅，睇起上嚟都精神咗。」
凌晨開工捱通頂
開工第一日，文雪兒凌晨一點埋位，清晨四點收工，習慣早睡早起的她，又得重頭適應。她懷念往昔拍戲的日子說：「我好唔捨得喺娛樂圈嘅日子，因為我好鍾意做戲。以前同張國榮、關之琳一齊拍戲，開工嘅時候已經好開心，放工會一齊去食飯，有時會打牌，有時去disco，成班後生有講唔完嘅話題。」
拍檔先後離世
提到舊拍檔張國榮和鍾保羅先後離世，她說：「鍾保羅好nice，佢走咗，係會唔舒服、難過，我記得佢走前，有打電話俾我，完全一句都冇提過，只係普通閒偈。至於張國榮，我睇到報紙先知道，當時毛管戙。或者佢哋都鍾意收埋，女人會講俾閨密聽，講吓講吓就冇咁難受，搵人開解就唔會鑽入死胡同，我覺得冇咩事係解決唔到嘅。」家人十分支持她全面復出，細女Jennifer一句「你都應該做番你想做嘅事」，令她十分窩心。老公知道她做事向來有分寸，所以給她百分百自由。而正在英國工作的大女Christy，比她還要勤奮，當然舉腳贊成。攞正牌重投幕前，文雪兒愈忙愈開心！
撰文、攝影、攝錄：娛樂組場地提供：Nail Bar
Next Page