三年開五店定目標伍文生帶蛋牛治 衝出香港
1 :
GS(14)@2016-11-22 00:24:48■伍文生今年一口氣開了三間特許經營店，主打蛋牛治。
【《蘋果》專訪】在80、90年代擔任經典兒童節目《閃電傳真機》主持的伍文生，五年前跟隨外父學整蛋牛治，兩年後他向外闖於大角嘴開設餐廳Shy Dance Cafe，相隔一年後再於觀塘開第二間分店，繼今年4月在葵芳開設特許經營餐廳Shy Xpress後，原來9月和本月再在太子及牛頭角開多兩間，短短三年，已經開了五間店。日前伍文生於牛頭角新店接受本報訪問，記者指42歲的他已做生意做得頭頭是道時，他笑說：「我小朋友都係五年抱三，所以希望franchise（特許經營）都可以，其實冇可能每間店都自己做，所以寧願將經驗同竅門分享，同其他人一齊去做，可以用短啲時間開到更多嘅店。」
希望一年回本
伍文生希望打好根基後，將來可以發展到在香港每個工商地區都有一間店舖，甚至計劃衝出香港，他說：「希望周圍都有蛋牛治食，有啲澳門同內地嘅朋友都話可以喺佢哋地區試吓。其實自己仲係鬥爭期，啱啱萌芽。今年算好，頭兩年不停咁做，今年開始做franchise，希望一年至十五個月可以回本，而家大角嘴間舖都已經回晒本。」
■五年前在外父餐廳學藝的伍文生，整蛋牛治或沖奶茶都無難度。
■伍文生五年抱三，希望餐廳數目也越開越多。資料圖片
■伍文生和譚玉瑛等主持的《閃電傳真機》，是香港人的集體回憶。資料圖片
復出演舞台劇
原來退出娛樂圈九年的伍文生，下月將復出跟詹瑞文和伍詠薇等演出舞台劇《嬉春酒店2016》，飾演大學生，他說：「監製係之前訓練班同學，本來搵我做記者會司儀，傾開原來有個大學生角色，問我有冇興趣，自己40歲都仲可以做學生，都算係咁啦，希望未來keep住兩邊做。」採訪：羅慧敏攝影：沈健程
來源:
http://hk.apple.nextmedia.com/entertainment/art/20161121/19840271