叫床 鄒凱光
1 :
GS(14)@2012-05-10 00:35:33http://hk.apple.nextmedia.com/su ... t/20120509/16319008
聽眾來電節目求助，如何解決隔籬屋「叫床」聲的滋騷？方法我未有想到，卻想起一些往事！
自小在屋邨長大，我是瞓上格床的，頭上就是橫拉的氣窗，窗外就是走廊，窗通常都會推開少許作通風之用，而這窗不但能傳風，更能傳聲，我十歲第一次聽到人家造愛的「叫床」聲，就是從這道窗傳來，那是一把陌生的女聲，一定不是經常到我家打牌的侯、馬、朱、揚太其中一位，那夜我猜不出是誰，但她的「叫床」聲持續了好幾晚後，聽得多的我其實已有所頭緒，但在我未及肯定時，我在走廊已聽到侯、馬、朱、揚太高談闊論着我心裏面的答案。
「嗰個潘太真係淫蕩，晚晚嗌到劏豬咁，邊有女人咁唔知醜㗎！」事件好快傳遍整層樓，街坊揶揄當事人是「日頭潘太，晚上金蓮」，當聲音傳到內向怕事的潘太耳中後，她沒有作任何反擊，但自此以後，我晚上再沒有聽到潘太的「叫床」聲，而一年後一個下午，潘太飲殺蟲水自殺身亡！
我一直唔敢肯定她的死，是否與被禁「叫床」有關，直至前幾年有次到北京工作，住在一間井字型的酒店，有一晚每隔個多小時，就有把高八度的女聲在「叫床」，起初我還可以當作是晚間生活調劑，但零晨後這叫聲對孤枕難眠的我就確是痛苦煎熬，當我正想撲出去大嗌時，某房客已先發制人，大聲喝出去「淫婦！他媽的要那麼大聲嗎？！」那女子像獅吼般大喝出來，全棟酒店也清楚聽到「造愛不能叫，會死的！」然後再沒有人作聲，就只有她繼續叫，那一刻我肯定了潘太的死因，同時亦回答那位聽眾。
「體諒一下吧！造愛不叫是會死的！」
作者 Profile
編劇、導演兼電台節目主持，認為「愛情」是沒有工作時的玩意，「工作」是沒有愛情時的必需。
2 :
游浪潮(3792)@2012-05-10 00:41:57趴佢個街，笑左
不過咁講，天賦人權咁，呢家個個 smartphone，聽歌吧
3 :
自動波人(1313)@2012-05-10 00:46:59真係好難忍的...同埋好無FEEL
4 :
Ar Yan(11362)@2012-05-10 09:31:313樓提及
真係好難忍的...同埋好無FEEL
come on baby，大聲的
5 :
游浪潮(3792)@2012-05-10 21:00:054樓提及
3樓提及
真係好難忍的...同埋好無FEEL
come on baby，大聲的
聽落去下一個動作應該係…用手打…
啪啪聲
6 :
GS(14)@2012-05-10 21:49:00會唔會斷?
7 :
亞力士(1473)@2012-05-11 01:52:58聽得多的我其實已有所頭緒，但在我未及肯定時，我在走廊已聽到侯、馬、朱、揚太高談闊論着我心裏面的答案。
「嗰個潘太真係淫蕩，晚晚嗌到劏豬咁，邊有女人咁唔知醜㗎！」事件好快傳遍整層樓，街坊揶揄當事人是「日頭潘太，晚上金蓮」，當聲音傳到內向怕事的潘太耳中後，她沒有作任何反擊，但自此以後，我晚上再沒有聽到潘太的「叫床」聲，而一年後一個下午，潘太飲殺蟲水自殺身亡！
<-------
佢地其實唔知幾想自己老公咁勤力
8 :
GS(14)@2012-05-11 22:50:34如果老公唔勤力呢?
9 :
Ar Yan(11362)@2012-05-12 10:28:418樓提及
如果老公唔勤力呢?
咪會葡萄
10 :
GS(14)@2012-05-12 10:33:509樓提及
8樓提及
如果老公唔勤力呢?
咪會葡萄
但是呢三個太好得戚話人，他們是咪grape呢?
11 :
Ar Yan(11362)@2012-05-12 10:36:14我估係~~ 人enjoy就會叫，佢地話人，即係唔叫，你話佢有幾enjoy？
當然叫唔係指叫到av咁，但呻吟聲仲會有~~
12 :
GS(14)@2012-05-12 10:37:2811樓提及
我估係~~ 人enjoy就會叫，佢地話人，即係唔叫，你話佢有幾enjoy？
當然叫唔係指叫到av咁，但呻吟聲仲會有~~
即是他們grape囉
13 :
亞力士(1473)@2012-05-17 23:31:113個阿太應對潘太老公有性趣
14 :
自動波人(1313)@2012-05-17 23:37:2311樓提及
我估係~~ 人enjoy就會叫，佢地話人，即係唔叫，你話佢有幾enjoy？
當然叫唔係指叫到av咁，但呻吟聲仲會有~~
D女人話...攪野時,叫是很自然,絕不是做戲,除非個男人真係好唔掂,要叫住扮HIGH
要女人忍住唔叫,佢地話做得唔夠放
反而男人未必需要叫..
底 鄒凱光
1 :
GS(14)@2012-05-31 01:02:13http://hk.apple.nextmedia.com/su ... t/20120530/16380037
跟多年好友 K去按摩，在更衣室換衫時，看到他的 Boxer內褲又皺又舊又變黃，令我錯愕非常， K見狀亦無奈一笑：「從前的我已經不存在了！」此話一出，今人不勝欷歔！
話說從前的 K先生雖不是潮人，但打扮端莊，儀容整齊，再加上談吐得體，迷倒過不少女士，在夜店收穫甚豐！有一晚我跟他又準備出動， K如常一身簡單但吸引的打扮，心想今晚不知又迷倒幾多件，帶走邊一件了！但出發前 K先生突然要折返家裏去，說衣服出了問題，我一臉茫然，而最終他回到家，搞了近半小時後，從房間走出來，打扮跟之前是百分百相同，但 K先生卻比之前自信十倍，而那夜他亦在夜場帶走了最索最正那件！事後我問 K先生為甚麼要刻意回家換同一套衣服， K先生哈哈大笑：「我唔係換外面啲衫，我係返去換底褲及底衫。」 K先生繼而解釋，因為去小解時，不慎弄了一小點尿迹在雪白的內褲上，非立刻回家更換不可：「我唔係有潔癖，不過出去玩，『底褲』係把守最後嗰關，人家見到佢又黃又皺，仲有啲尿迹，無 Mood到起身着衫走啦！」最後還懶有型回頭跟我說：「想媾到女，個底仲要乾淨過個面呀！」
外面是從你最底層的地方發出來，你是甚麼底，就會有甚麼面，如果你連內衣褲都講究，你外面又點會唔好睇，千萬不要有「我都無貨，有邊個睇到喎！」這個想法，講究是一種態度，是做人不能缺少的態度，無就死得！
相信 K先生已經忘記曾經跟我說過這些金科玉律，因為他現在的解釋是：「家下又無女媾，淨係俾老婆睇，求祈得啦！」
男人一唔媾女，咩態度都無晒，死得！
作者 Profile
編劇、導演兼電台節目主持，認為「愛情」是沒有工作時的玩意，「工作」是沒有愛情時的必需。
作者：鄒凱光
大話 鄒凱光
1 :
GS(14)@2012-08-24 12:45:45http://hk.apple.nextmedia.com/su ... t/20120822/16624258
A與公司某女同事曖昧多時，某個完了繁忙工作的週五晚上，二人借工作壓力再膽拖酒精下，當天晚上終於有事發生，激動的前奏後，當 A正要入屋之際，女的突然阻止著 A：「你有冇女朋友？」 A立刻回答：「有……」
女同事怔住， A即繼續說下去：「有……妳咪我女友囉！」 A說罷就得到女同事英雄式的歡迎，在屋內玩了高潮迭起的一晚，可能因為太 High了！ A事後竟然良心發現，主動告之女同事自己其實是有女友的，女的氣得一巴摑向 A：「死 X街！大話 X，我 X你 X母……」女的發了有生以來最大的脾氣， A嚇得有點忙亂，只懂得坦白面對：「頭先咁環境，答妳有女友實無得搞…… Sorry！」
「我家唔止覺得自己好 Cheap，仲好 X蠢呀！」女的說罷憤然穿回衣服離去，翌日還辭了工，那夜後， A再沒有見過這位女同事！
幾年後，在某大公司的春茗上， A不但重遇她，還幸運地被抽中與她上台兼合作愉快地贏到搶答比賽冠軍，為了慶祝想不到的合拍，二人把贏回來的一萬獎金，租了酒店的一個套房，叫了頂級香檳，兩杯之後二人開始熱吻，情景又回到當天臨入屋的一幕：「你有冇女友？」 A想了想之後回答：「有……」 A沒有再說下去，女怨恨地凝望著 A，突然她的怨氣化成了性慾，她撲上前激吻 A，他們再拾回那夜的瘋狂，而當時其實已回覆單身的 A，事後再沒有良心發現，往後她就當自己是第三者身份跟 A交往，一直相處愉快，到 A認為感情已穩定時，又向她告之真相：「我其實已經單身」，女的眼淚奪眶而出：「點解你永遠都要呃我！」女的淚著而離，從此消失得無影無蹤！
儘可能不要講大話，但一旦講了，就請呃對方一生一世！
搞亂檔灘 - 鄒凱光 小巴佬的優雅 2013年11月14日
1 :
GS(14)@2013-11-14 23:51:32http://www.am730.com.hk/column-181357
早幾晚同陳奕迅吹水，吹到今年至此做過最興奮的演出，作為「獅子座」會員，我太清楚肯定Eason的答案一定不是25場的《Eason's Life》演出，對一隻自我聰明嘅獅子嚟講，呢25場演出實在是太「一件蛋糕」了，而終於Eason的答案亦沒有令我失望！Eason說今年最興奮的演出，是電台《拉闊思念陳百強》的演出！作為資深演出者，太駕輕就熟的東西，未必能引起演出者的興奮，但演繹大師級前輩的作品，人自然會肅然起敬，不敢掉以輕心，那份「專注」，令演出者能深深感受到前輩獨一無二的「優雅」。
Eason說陳百強的「優雅」是獨一無二，你很難以第二種形式去演繹，你只能盡你的所能，在不失優雅的情況下，把他的「優雅」演繹出來！我諗如果第個同我咁講，我就會話「哦！即係模仿！」，但對住Eason，再加上有聽過他當晚演出的觀眾，都只會用另外兩個字去形客他當晚的演出，就係「上身」！
Eason形容陳百強的「優雅」是相連扣的，即是只要你一唱他的歌，就自然變成佢腔口，而那種帶點粵劇的唱腔，就自然會令你腰板挺直，做手和關目好難再變得粗枝大葉，然後你就會進入了真真正正「優雅」國度！
我問Eason這個年代，係咪好難再找到一個「星」，可以令大家只要一睇住佢，個人就自自然就放鬆自在，悠然自得，優雅大方！Eason想了很久但最終還只是笑而不答，我說「其實你可以做得到」，Eason笑得更大聲！人家說現在的陳奕迅似一個小巴司機，但無論佢似乜佢都依然係「優雅」，因為世上只有「優雅」的人，才會懂得欣賞人家的「優雅」。
若你想「優雅」，你覺得其他人「優雅」先啦 ！
搞亂檔灘 - 鄒凱光 垃圾中尋瑰寶 2013年11月28日
1 :
GS(14)@2013-11-30 13:41:09http://www.am730.com.hk/column-183603
依家先講阿叻，我係咪慢咗一世紀？但無法！因為事發時，我對嗰件事毫無感覺，可能是因為炒作得太熱，令人會卻步不敢走近，但當事情過去了，我先醒起我其實係識阿叻，早於97年的時候，我同佢已經有電影合作，不過都只係嗰次，而更醒起原來我早個零月係遇到過阿叻……
早前有朋友家人的愛駒出賽，適逢當天是朋友家人的生日，所以一家連同全公司，就在跑馬地馬場設宴搞埋個生日派對，咁當然梗係想拉埋頭馬雙喜臨門啦！我一方面開心被邀請出席，另一方面又有點緊張，因為我的紀錄是逢入場捧朋友的馬出賽，最後馬匹都會贏出，咁當然我知這紀錄總有一天會被打破，但我真係唔想係嗰次囉！
終於到開賽前，我們與朋友一大班人在「烽火台」一起觀賞賽事，差不多到開賽時，我心情極為忐忑，而呢個時候我就碰到手持專業望遠鏡，一身淺色西裝打扮的阿叻：
「你跑馬嘅咩？」
「賀朋友生日兼捧佢隻馬『xx花梨』！」
阿叻一笑，然後以一貫肯定的語氣跟我說：
「有第三都當賀壽啦！」
阿叻講完我口中就「哦！」咗一聲，但心裡面就極其有信心地說了聲「Yes！！」，我那刻好有信心，我的長勝紀錄不會在那一次打破，而最後「xx花梨」亦確實一放到底勝出！我想講嘅唔係阿叻係一盞「明燈」，但唔知點解由細到大，只要係阿叻講嘅嘢，我都會自然相反去諗，而我一直都唔似大家咁憎佢，係因為佢每次只要有發表，我就一定有得益，簡直係良師益友，何來恨意？
其實人家無論講甚麼，講得有多差，只要我們識點去Take，污泥中都有純情，垃圾中都有瑰寶！
2 :
mannishmark(26310)@2013-11-30 14:03:28海南花梨
http://www.hkjc.com/chinese/raci ... rseNo=M378&search=1
3 :
GS(14)@2013-11-30 14:04:56mannishmark在2樓提及
海南花梨
http://www.hkjc.com/chinese/raci ... rseNo=M378&search=1
下次試下加tag?
4 :
mannishmark(26310)@2013-11-30 14:10:12點TAG?
5 :
GS(14)@2013-11-30 14:11:44topic有堆facebok的圖，下低有個空位，你打d keyword入去即可
6 :
mannishmark(26310)@2013-11-30 14:15:52都是唔識..同埋有咩KEYWORD= =
7 :
GS(14)@2013-11-30 14:22:17mannishmark在6樓提及
都是唔識..同埋有咩KEYWORD= =
沒所謂啦，我在圖書館，hehe
8 :
mannishmark(26310)@2013-11-30 14:23:01頂.....次次都係咁...
9 :
GS(14)@2013-11-30 14:24:01mannishmark在8樓提及
頂.....次次都係咁...
有緣會再見的
網民斥《衝上》似MV 零劇情鄒凱光：唔覺得爛
1 :
GS(14)@2015-02-23 15:01:08
《衝上雲霄》嘅電影版就喺大年初一上映，票房都唔錯，但係網上嘅評價就唔係咁好喇。前日大年初三，高登瓊姐就好罕有地打咗篇影評：「初三赤口，大家估下我會同邊個開年？無錯，就係《衝上雲霄》呢套垃圾。無錯，係垃圾！係我近年睇過最垃圾嘅戲，沒有之一！」瓊姐一爆seed，真係撳都撳唔住。要數《衝上》問題？包括：
1.睇咗3套MV？
「我係咪睇咗3套MV定音樂特輯？幾條愛情線完全無交集，求其炒埋一碟。
2.同劇集毫無關連
「做乜要加鄭秀文同古天樂落去，你加唔緊要，加新角色你都要交代下啦？再唔係仲衰，個角色一樣但同電視版果個完全無關連，嘩電影版個Sam哥同電視版果個都唔同嘅X你！好驚呀！而家你叫觀眾點投入先？」「我好少寫影評，但睇完呢套垃圾，一踏出UA門口我已經決定要寫篇文。我在此呼籲大家要珍惜光陰，唔想浪費生命既，決定睇呢套戲之前絕對要三思。」而導演鄒凱光都有回應到瓊姐嘅負評，佢就話：「好！但部片我真係唔覺得爛，或者咩人睇咩戲啦。」除咗瓊姐之外，仲有資深影評人皮亞，都打咗篇影評勁插《衝上雲霄》，評彈部戲不合理地方包括:
1.演員無發揮，觀眾難投入
「《衝上雲霄》的航機的確起飛了，但要載觀眾到哪裡，又想飛到哪裡呢？真的令人難以投入。絕對不是叫幾個演員走出來扭扭腰擺擺甫士搞搞笑，便可以算數。
2.三段關係剪來剪去，冇劇情
「故事分成三條主線發展，客機飛機師吳鎮宇想追搖滾歌手鄭秀文，航空公司老闆古天樂一直等事業有成娶空姐佘詩曼，私人飛機師張智霖被台灣小妹郭采潔纏上，三段關係剪來剪去，但故事發展出什麼來呢？
3.似MV故事片，故事零碎情感空洞
「《衝上雲霄》其實是一部MV故事片，大部份時間都當是MV去拍，一開場就是《歲月如歌》的MV，封閉的空間，超現實的場境，零碎的故事，空洞的情感，過度調校的畫面顏色，賀歲片也應該要有一個好故事，感動人的故事，發人深省的故事，才不枉新一年新正頭賀歲檔。」仲有好多網民都狂負評，大致鬧嘅上面都講過晒。有忠實fans更留言:「睇過電視劇入場的觀眾會好失望，電影劇情鬆散及與飛機師無咩關係，電視劇中的Captian Cool，Captian Tong形象特出，電影中卻無咩形象可言，而且人物太多，電影不能詳細交代，只覺鬆散凌亂。」不過都有觀眾係讚嘅，大致上都係讚拍得好靚、好似MV、靚人靚景咁。呢套戲嘅導演鄒凱光都見到呀，仲留言話：「好，但部片我真係唔覺得爛，或者咩人睇咩戲啦！」講完冇耐，又刪咗個留言。不過已經太遲了，因為已被高登瓊姐cap咗圖，仲將留言設置為facebook封面相，同網友分享呀。
來源:
http://hk.apple.nextmedia.com/entertainment/art/20150223/19051911
卓韻芝遇車禍缺席ViuTV記招鄒凱光教小學生蒲老蘭
1 :
GS(14)@2016-05-21 18:29:52【ViuTV風雲】女子組合Robynn& Kendy（R&K）與導演鄒凱光昨日下午，出席ViuTV在觀塘舉行新節目《同2047特首上學去》的記者會。原先答應出席的卓韻芝，因發生交通意外而缺席，可幸她沒有受傷。原來卓韻芝在銅鑼灣禮頓道遇上交通意外，有貨車司機差點鏟上行人路，倒後鏡險撞倒她的化妝師，卓韻芝昨在電話中說：「好彩我一手拉住化妝師，佢事後都話心寒。」雖然冇人受傷，但卓韻芝被司機控告撞毀其車門，卓韻芝無奈說：「架車鏟埋嚟，我隻手好自然掂到佢車門，係對方要求報警，話我毀壞佢架車。我都有打畀ViuTV道歉，話晒自己係主角，唔能夠出席。」鄒凱光及R&K均穿着校服現身，配合早前他們以學生身份返學，體驗現今學童苦與樂。會上鄒凱光獲頒「最喊得大獎」，Robynn跟拍檔Kendy獲發「堅離地大獎」。鄒凱光接受訪問時透露，在節目中要跟一名跨境學童返學校上堂，同時住在該學童位於深圳的家，他說：「嗰個學生讀小三，每朝返學都要搭校車，一朝早5點幾就要起身去天水圍。」他表示幸而學生不覺有壓力，自己更教班小朋友去玩，還帶他們到蘭桂坊識女孩子，他說：「喊係因為拍完之後，班學生逐個同我擁抱，仲喺我耳邊叫我『畀心機做嘢』、『快啲攞金像獎』，個心即時軟一軟就忍唔住喊，最後仲要停機。證明自己仲係有血有肉有衝勁嘅人，仲有童真。」
■卓韻芝事後獲頒「最好勝大獎」，以表揚她「唔輸得」性格。
■Robynn（右）和Kendy笑言拍攝時，將自己調整至10歲心智融入同學中。
「男同學好早熟」
R&K表示跟足一班小五學生返學一星期，Kendy說：「真係同佢哋做咗朋友，仲開咗群組交談。我哋任務係講兩性，青春期小朋友好多鹹濕笑話，發覺有男同學好早熟。」採訪、攝影：王連連、嵐山
來源:
http://hk.apple.nextmedia.com/entertainment/art/20160520/19619434
ViuTV新節目寸CY欠六大潛能鄒凱光入小學搵未來特首
1 :
GS(14)@2016-05-24 10:44:28■鄒凱光為ViuTV節目《同2047特首上學去》做超齡插班生，發掘未來特首。電視圖片
港視老闆王維基擬參加9月立法會選舉，政綱是要「換特首」。ViuTV新節目亦食正話題，前日播出首集《同2047特首上學去》，五位「小學雞」馬浚偉、卓韻芝、鄒凱光及Robynn& Kendy各被分配到不同小學做五年級插班生，直踩校園尋找2047年的未來特首。馬浚偉等五位插班生除要準備返學的校服、書包、文具等必需品外，還一起討論特首應有的六項潛質，包括個人修養、領導能力、兩性關係（溝通技巧）、金錢觀念、防禦能力及主觀性。獲分配到天水圍返學的鄒凱光，被問到現任特首梁振英具備哪方面條件，他昨日在電話中哈哈大笑幾聲之後再說：「如果有就天下太平，咁就歌頌呢六個潛質，要學習呢六個啦。我本來都想講兩性關係，但諗一諗，佢兩性關係都好似唔係處理得好好，完全一下都冇喎。」
【領導能力】■幾位主持分別訓練六項才能，鄒凱光更帶男同學「夜蒲」老蘭教溝通技巧。電視圖片
【個人修養】
【溝通技巧】
坤哥30年後有份選
可會覺特首辦事主觀？鄒凱光說：「佢嗰種主觀性，唔係強嗰個主觀性，係固執喎，如果你覺得固執都係主觀性就係主觀性啦。」今次接觸的小朋友，又有沒有做未來特首的潛質呢？鄒凱光說：「可喜係佢哋仲好天真，有份赤子之心，但世界變得好快，唔知過多2、30年係咪興坤哥（吳業坤）做特首呢！」節目中，鄒凱光接觸很多跨境學童，還跟一位住在深圳的小朋友一起返、放學，他說：「小朋友每日五點起身，屋企人揸車送去火車站，然後再坐火車，過關又唔係暢通無阻，返學都用咗兩個鐘。對我嚟講梗係辛苦啦，但小朋友就唔覺，佢話每周六或日，有一個鐘頭時間睇Running Man（內地版《奔跑吧！兄弟》），主要睇Angelababy啦。但大人角度，就梗係覺得『使唔使呀』，但呢個年代就係咁，所以決定唔生囉。」採訪：嵐山
來源:
http://hk.apple.nextmedia.com/entertainment/art/20160523/19623182
Next Page