大樹好遮蔭 人在中環
http://manincentral.blogspot.com/2011/09/blog-post_14.html
MC
今個星期有好朋友結婚。我又被「委派」做婚禮既MC。
講開做婚禮MC，過去幾年，真係做過好多好多次。我其實一直都唔明，點解會有咁多朋友選擇搵我去幫佢地手做司儀？我講野唔係特別叻，行出台前亦唔見得特別 有台型，不過自從好幾年前響半推半就既情況之下，幫人捱義氣頂過一次之後，我既「司儀」生涯就唔知點解開始左。往後既婚禮，逢親我有份做兄弟既，MC，必 然係我。
我其實係個怕羞仔，對住幾百人講野，雖然做過咁多次，但我都仲係有少少怯場。死充同扮野大概係生意佬既專長，所以做左咁多次，居然都冇人發現我響站台既時候其實係有些少腳軟。其實講野冇問題，最驚既，只係唔覺意「講錯野」，惹黎老人家唔開心。
聞說我既女MC Partner係個高妹，比我高成個頭。我估，時不時串我矮仔既老婆，響台下見到呢個畫面，肯定會忍唔住笑。
*****
大樹真係好遮蔭？
傳統智慧話，大樹好遮蔭，搵公要搵大機構，皆因樣樣都穩定，衰極有個普，唔似得小公司，一個浪冚埋黎，分分鐘執粒都執唔切。
我成日有個疑問，做打工仔，到底應該選擇去間大機構道做粒小螺絲好，還是留響間小公司道做大佬好呢？我有個老友話，呢個問題，最近最佳既演譯係剛轉左會去 巴塞既法比加斯。去到巴塞，即使正選都唔知有冇，但「trophy guaranteed」。響阿仙奴做大佬冇著數，你可以輸八粒俾曼聯，咁既大佬，唔做都罷啦。
5號仔呢單裁員新聞，唔知會唔會令我呢個老友改變佢既想法？做螺絲既本質係，冇事冇幹既時候可能運作暢順，但當機器既操作員發起神經要丟走一堆螺絲既時 候，架機器通常都係如常運作。所以做小螺絲既命運注定係被人呼之則來揮之則去。當然無可否認，響冇被人「丟棄」既情況之下，做螺絲既待遇可能分分鐘比起做 大佬來得要好。就算待遇相若，「大佬」同「小螺絲」一齊拎張咭片出黎，三姑六婆認得小螺絲咭片上面個公司Logo，可能會認為「小螺絲」叻仔過「大佬」十 萬八千倍而幫你唱通街。well，講明係三姑六婆嘛。
小螺絲可憐在，人人以為你夠叻仔搵到份好工，大樹好遮蔭既同時，你卻對自己既命運完全冇掌控既能力。上個星期三姑六婆拎左你張咭片之後，仲同班街坊講阿邊 個個仔幾咁叻仔，連「大機構」都請佢。轉個頭發現阿邊個個仔原來被列入三千壯士名單之內。師奶智慧話，被人炒既唔慌係叻仔，於是拿拿臨改口，話從冇話過阿 邊個個仔係醒目仔，實情係自細識佢就知佢係個蠢仔，如果唔係點會俾獅子行炒魷魚…
廢話講完，其實我想話，我不嬲都唔相信，商業社會裡面，有大樹好遮蔭呢回事。棵樹越大，通常越無情無義。大樹肯為你遮蔭，只因你響樹下不斷努力幫佢施肥灌溉，但係同你一齊灌溉既人太多啦，多你一個唔多。樹蔭底下其實已經好逼，逼下逼下，一不留神就會逼左你出去。
反而細樹之下人數唔多，唔駛爭位避雨，打風落雨之時，可能細樹底下會仲比較安全。
與大樹互相依附店主：好遮蔭嘛
1 :
GS(14)@2016-12-18 10:48:53【本報訊】不少石牆樹、天台樹被指影響大廈結構遭斬殺。但有回收店店東卻懂得「大樹好遮蔭」之美，無懼依附地舖而生的大榕樹是否影響牆身結構，大讚「佢高大威猛，10號風球都未驚過」。油麻地廟街23號天台樹亦獲團體給予「聖樹名木」封號，希望借民間力量保護被政府忽略的特色樹木。
團體為廟街天台樹封號
西環桂香街道中間多了一棵大樹「鄰居」，樹根依附地舖「B記廢紙五金店」而生。店東阿B（圖）租用地舖6、7年，與大樹為鄰，「大樹好遮蔭吖嘛，就算3、40℃，呢度都冇咁曬」，間中在樹下乘涼，有着與其他回收店不同的風光。雖然部份樹根生長至地舖內牆角，但阿B「冇有怕」，「10號風球都未驚過，千祈唔好郁佢㖭呀」，稱不擔心樹木影響地舖結構或在暴風雨時塌下。記者隨詹志勇視察，發現該樹是約30歲的細葉榕，身體壯健，但他認為政府在樹旁建公廁浪費，「如果起個公園畀市民乘涼幾好呢」。廟街23號天台樹亦曾掀起區內護樹熱潮，「廟街廿三號天台樹關注組」成員關海泓指2012年他和一批藝術工作者發現該樹。當時傳大廈被拆，故發起保育運動，去信康文署盼將它列為古樹名木，收集逾200街坊簽名支持。建議雖不被接納，但已喚起居民和環保團體關注，他們更自行為大樹頒授「聖樹名木」封號，以媲美康文署的「古樹名木」。■記者鍾雅宜
來源:
http://hk.apple.nextmedia.com/news/art/20161218/19869068
【小企鵝×果籽】大樹好遮蔭
1 :
GS(14)@2017-02-18 09:52:39記得在這欄目曾介紹過Demi創作的繪本《空盤子》（The Empty Pot），這是經典作品，借中國民間傳統故事教育年輕一代做人要誠實，不要弄虛作假，《空盤子》繪本構圖猶如畫在中國扇面上，非常吸引。今個星期再跟大家介紹Demi的新作《The Shady Tree》，這遮蔭大樹的風格與《空盤子》一脈相承，畫面具有中國特色，而故事主人翁還是Ping，今回他遇到了一個家住大屋的富孩子Tan Tan。Tan Tan的住處位於一條寬闊的路上，屋旁種有一棵大樹，樹蔭一直伸延至屋內的亭台樓閣，路上的小孩們都愛聚在這裏追逐嬉戲，富小孩從來不會加入大夥兒，只愛拿着心愛玩具獨自玩耍。一天Ping來到大樹下乘涼，Tan Tan見到他一臉寒酸相，感到非常厭惡，即怒吼命對方離開，他對窮小子說：「這樹幹、樹枝、樹葉、樹蔭都屬於我的！你給我滾。」窮小孩知道自己根本沒有能力與人家爭辯，發呆望着對方待上老半天才蹦出一句話：「您可否將樹蔭賣給我？」富小孩心想天底下怎會有這麼笨的人呢，心中暗喜，立時答應以兩枚銅板將樹蔭出售給對方。自此Ping每天都來到清涼的樹蔭下或坐或玩。
窮孩子Ping向富孩子Tan Tan買樹蔭與同伴分享，說明「獨樂樂不如眾樂樂」的道理。
與人分享 其樂無窮
樹木一天一天壯大，樹蔭茂盛起來，整棵樹更逐步向大屋內其他地方伸展，Ping便帶同雞及水牛到大宅庭院玩耍，日復一日，樹蔭已大得幾乎覆蓋整座房子，甚至遮蓋到Tan Tan的大床上面。眼見樹蔭的範圍越來越大，Ping招呼朋友和動物的次數越加頻密了，Ping讓一眾朋友享受樹下的地方，大夥兒吵吵鬧鬧圍在一起嬉戲。Tan Tan終究按捺不住，大聲驅趕他們離開。但是Ping隔天又如常回到樹蔭下，繼續享受他的「地方」，一天富小孩宴請朋友慶祝生日，窮小孩又帶着水牛到來，一人一牛高高興興的席地而坐，當朋友知道Tan Tan原來早將樹蔭賣掉，都紛紛嘲笑他實在愚蠢可笑。富小孩十分氣憤，決定搬往另一住處，那裏既沒有樹蔭，沒有大樹，路途遙遠亦沒有朋友前來探望。故事來到最後，Tan Tan因為敵不過孤獨的日子，最終選擇返回舊居跟大家結伴。故事寓意很簡單，說明了「獨樂樂不如眾樂樂」的道理，與人分享，其樂無窮。這是一個智慧的故事，教育孩子做人要分享的道理。「講道理」是很多家長喜歡採取的教育方式，一直以來被正面推崇。但人們也往往發現講道理多是徒勞無功，越喜歡講道理的家長，孩子就越不聽教。教育並不是一件「告知」和「被告知」的事情，《The Shady Tree》這種連大人也感興趣的故事，正是「小故事大意義」的不錯示範。
電郵：mailto:
[email protected]
撰文：鄺穎萱編輯：謝慧珊美術：楊永昌
來源:
http://hk.apple.nextmedia.com/su ... t/20170218/19931582
Next Page