父親不喜歡 太古城買家輸百萬 業主殺定後 加價300萬重售
1 :
GS(14)@2016-09-30 08:06:40■太古城海景樓王錄撻定,買家料損失逾100萬元。 資料圖片
【本報訊】樓市癲,但癲唔過買樓王也撻定。有本地客上月2,100萬元買入鰂魚涌太古城今年樓價最貴海景戶,最終因「父親不喜歡」而撻定,連佣金料損失逾百萬。樓王業主旋即加價300萬元放售;同區康怡花園亦成首個升破去年高位市區藍籌屋苑,三房癲賣1,380萬元。記者:朱連峰
太古城美菊閣高層H室三房海景戶,實用1,114方呎,上月原以2,100萬元沽出,金額貴絕屋苑分層戶,但買家最終撻定。促成該交易的香港置業張國炳證實買家已撻定,未有如期簽定正式買賣合約,但撻定原因是「父親不喜歡,所以咪唔要,再搵過第二間」,與按揭上會無關。估計買家落定約3%,連同買賣雙方佣金損失約100萬元。美聯吳肇基表示,該單位撻定後,業主現將單位重新放盤,並加價300萬元至2,400萬元,呎價21,544元。若成功以此價沽出,連同殺定,業主賣多次樓料多賺約360萬元。
康怡花園誕分層樓王
太古城再錄新高成交,海棠閣中層A室海景戶,面積同為1,114方呎,原叫價2,150萬元,剛以2,090萬元連租約易手,本來只是今年屋苑第二貴分層戶,但美菊閣單位撻定後,此單位便由「二奶」變樓王。繼沙田第一城後,鰂魚涌康怡花園同樣升破去年高位。中原楊文傑表示,康怡花園J座中層16室,屬三房連套房間隔的「則王」,實用面積902方呎,放盤兩星期,原叫價1,400萬元,最後減價20萬元即以1,380萬元易手,打破上年1,350萬元高位,成康怡史上最貴分層戶。土地註冊處資料顯示,該樓王賣家於1986年1月僅以78.17萬元一手買入,再向東亞銀行承造按揭,按揭額62.54萬元,即當時只需15.6萬元首期上車,且於1997年9月已供甩層樓。該單位最終更揸到變樓王沽出,賬面賺逾1,300萬元。
年輕客300萬買兆禧苑
置安居鄭業基表示,屯門居屋兆禧苑兩日錄兩破頂,B座中層16室兩房戶,實用面積351方呎,於沒有議價之下,以300萬元連地價易手,呎價8,547元。買家是一名20多歲的女仔,買來準備結婚用,本來不是買這個單位,原本是想買同區居屋兆山苑B座一個中層546方呎兩房單位,「點知業主臨時反價40萬元,要378萬元先肯賣,嚇得個女仔死,追唔掂,於是先買這間」。另外,元朗YOHO Midtown5座高層B室售635萬元,呎價13,568元創兩房今年新高。
來源:
http://hk.apple.nextmedia.com/financeestate/art/20160930/19786192
70後衝動創業 搞美容輸百萬「以後我寧願打工」
1 :
GS(14)@2018-01-28 18:24:19■70後阿May投資美容生意損手,耗百萬元積蓄。黃耀興攝
【周末專題】70後阿May(化名)打工十多年,儲下100萬元,創業搞美容生意,開業半年聞燶味,想打退堂鼓卻又不得要領,最旺一個月才8個客人,人均消費400元,營業額僅3,200元,連每月3.3萬元租金都交不起。死捱兩年,最終百萬血汗錢付之流水,惟有重做秘書,「以後都唔創業,我寧願打工!」記者:陳家雄
70後阿May是一名秘書,年約四十,返朝九晚五,收工鋌而走險做無牌小販。「每日做到凌晨十二點、一點,一個女仔,擺晒啲衫出嚟賣。」坦言多年來已被食環署拉過好多次,每次罰幾百元,貨物被充公。計過度過,罰錢充公還有得做,周而復始十多年,儲落過百萬元積蓄。
■地台未盪平,不符合還原單位的要求。
■單位還原後,有一幅牆身仍凹凸不平。
最旺時月入僅$3,200
幾年前去日本旅行,「試過一張床,本身有靜脈弓脈,瞓完後,隻腳鬆啲,之前係行唔到路,企5分鐘已好辛苦。好大膽同店主講,可唔可以入貨嚟香港。佢痛症、美顏、頭髮護理都得,所以就算張床咁貴都入返嚟。」那張床便是日本近年興起的岩盤浴,岩床鋪石,稱有排毒、放鬆肌肉等作用。「投資額無諗過咁大,預60萬,諗住呢度(銅鑼灣)地點好,點知成幢嘢人流寥寥可數。裝修又超支,裝修師傅同你講咁多錢,但最終又係另一個價錢。生意額唔好,夜晚仲要繼續做小販,貼租貼人工!最好時,都係得一個月咋,試過有8個客,人均消費400元,營業額3,200元。」無生意想跳船,曾找中間人頂讓全盤生意,她說:「問過業主代表,佢話你唔使諗,點都要完成晒成個租約。」甩唔到身,惟有死頂,「賣廣告、整facebook、街邊擺易拉架、去豪宅禮頓山派傳單,但冇效果。後期幾乎冇經營,租約第2年幾乎全年白交租。」
■洗手間喉管外露,未能滿足業主要求。
■租客交回單位前,仍有垃圾須清理。
業主要求還原單位
回憶最惡劣時,她說:「我直情有跳樓自殺嘅衝動,舖頭曾經好worse、好worse,worse到自己都驚。」捱足兩年,租約結束,「點知業主要我還原單位,結果裝修用咗6萬蚊,但業主代表話唔接受。」根據她和業主簽訂的租約,當中列出單位還原要求,包括牆身及地板。記者現場睇過她花6萬元委聘裝修師傅進行工程後的情況,一幅牆身凹凸不平、地台沒有盪平、廁所有條去水喉無封,並不符合租約的要求。阿May稱:「地台不平,洗手間喉管外露,再整嘅話,裝修師傅話要多3萬元。唔整,又可能會被業主沒收按金,嗰度近10萬蚊。」單位已交回業主,截稿前,業主暫未回覆她會否沒收近10萬元按金。回想當初明明賣衫,卻經營從未接觸的美容行業,承認一時衝動,「今次輸咗100萬元,好心痛,當買咗個經驗。經過呢次,以後都唔會創業,我寧願打工!」
來源:
https://hk.finance.appledaily.co ... e/20180127/20287197