二五中環 萬南 《同盟》易先生 末日輪喻人生
1 :
GS(14)@2017-09-18 04:00:19http://www.metrodaily.hk/metro_c ... 94%9F/?page562=3853
萬南周不時都會喺度同大家匯報吓老友、進軍金融娛樂跨媒體行業嘅徐燦傑(Prof J)有乜最新動向，知道佢作為《娛樂．經濟學》主理人，見個欄目搞得有聲有色，都相當戥佢高興！
有留意《娛樂．經濟學》嘅朋友，都知道Prof J會邀請「每周一星」暢談人生同理財規劃，萬南啱啱收到風，知道佢同咗近排人氣急升嘅《同盟》角色「易先生」，即係《愛回家》嘅KC、亦係《城寨英雄》嘅楊老闆：歐瑞偉做咗訪問！翻查紀錄，佢應該係第一位三色台電視藝員，接受Prof J喺《娛樂．經濟學》嘅訪問！
人紅，就自然多人訪問，呢個係市場學同經濟學不變嘅定律！而喺訪問入面，作為橫跨三個年代嘅資深演員，問吓佢點睇三位同佢合作過嘅不同年代男演員，就最適合不過！想知邊三位？大家星期五一定要留意《娛樂．經濟學》。
另外，瑞偉哥亦會分享自己離開咗電視台，喺馬來西亞發展事業嘅失敗經驗！佢亦都爆料，話自己嘅愛情世界都係由馬來西亞開始！而喺《娛樂．經濟學》入面，Prof J好鍾意用一種投資工具嚟形容嘉賓，咁到底瑞偉哥係乜呢？原來係一隻就快到期嘅「末日窩輪」！萬南聽咗Prof J解釋之後，都覺得非常之正，更加犀利嘅，係Prof J將末日輪套用落瑞偉哥嘅人生，簡直入型入格！想知更多詳情，記住星期五睇實《娛樂．經濟學》，你就會知道答案！