|
內地肉製品生產商雨潤 （1068）新聞多多。上個禮拜一，失驚無神發盈警，話第三季利潤下跌，第四季亦唔好得去邊。消息一出，股價即時插水三成，收報7.51元，創近三年新 低。
點解話佢失驚無神？八月公布中期業績前，雨潤先至發盈喜，指受惠於生豬價格上升，營業額及核心淨利潤都錄得明顯增幅，半年營業額164.56億元，按年增 長89.3%，而利潤多賺23%至16.09億元。點知三個月唔到，就發盈警啦，除咗賴俾傳媒「唱衰」，更指生豬價大幅上漲，打擊利潤。同一個理由，三個 月前製造盈喜三個月後則觸發盈警，生豬價格莫非萬能？港交所記錄顯示，雨潤三名執行董事原先各自持有250萬舊股，發盈警之先，佢哋唔聲唔聲沽清手貨，平 均價超過17元。呢批貨之期權行使價為7.46元，即每股淨袋十皮，故此佢哋每人骨水超過兩千萬矣。近排有二十間公司發盈警，學得雨潤啲執董咁沙膽者，只 有中國無線執董李斌一人，但亦只係骨水五百幾萬元而已，邊有呢班人咁大喉腩o架！
入董事長房鬧我
友報蔡東豪佔領區早前講善伯軼事，恒生舊臣睇過，如骨鯁之在喉，話有所補充。補充乜？佢話善伯有否同伙記講，老婆鬧得，但伙記唔鬧得，有待香港銀行史專家 考證。佢自己清楚記得，善伯同伙記講，發脾氣鬧人，就咁鬧佢啦，唔好鬧其他人。何也？善伯話，凡人嘅心情皆有起伏，喺外邊或者屋企有嘢唔開心，返工黑口黑 面，甚至搵下屬以至客人出氣，人之常情，可以理解。遇上咁嘅情形，諸位萬勿鬧下屬，更千祈唔好鬧人客；入嚟董事長房鬧我，鬧完我，你就會舒服晒o架啦。當 今之勢，有幾多老細會識得善伯呢個鬧董事長嘅道理呢？
本週圖片永無止境工作清單
宜家上年喺上海開咗個測試及培訓中心，啲員工一星期返足六日，每日八粒鐘，但佢哋話宜家嘅工作環境及氣氛好吸引，人工反而其次。中心貼出「永無止境」之工 作清單。工作永無止境，係咁都可以令員工做得開心。宜家成功，道理即在其中？
金牙大狀講嘢阿爺個契女？
外傭居港權有判決，民建聯食住上，發動千人上街抗議其事。做過保安局局長之葉劉食得唔好嘥，叫政府去北京釋法。釋法一詞理應為中性行為，然而按葉劉之口 氣，釋法即等同叫阿爺推翻高院林官文瀚嘅判決，咁搞法，今後使鬼喺特區審案乎？搵阿爺釋法算啦。講到尾，高院作之判決，係呢單官司嘅第一站而已，睇嚟仲有 排打。事實上政府已經話咗會上訴，即使上訴庭輸埋，都仲有終審庭。按照《基本法》規定，到其時如果終審庭覺得確實解決唔嚟啦，先至去北京釋法都未遲呀。現 今只不過輸咗第一堂即走去釋法，你估阿爺實要聽你支笛判班外傭輸乎？於此可見，呢個階段就釋法，係對阿爺嘅極大不敬，當正阿爺實要聽你老點咁嘅樣，你係阿 爺個契女呀？執正嚟做，阿爺釋你輸咁又點呢？
獅子委身相許沙膽彤
獅子錢莊宣告改廣告口號，棄「環球金融，地方智慧」（The World's Local Bank）唔用，換上「Part of The New World」。金融海嘯再興，新世界會是如何景象，冇人可知，獅子錢莊更加唔知；若然唔知，咁做乜要成為呢個新世界嘅一部分先？但一旦委身相許，咁咪即係 自認係沙膽彤間新世界嘅囊中之物？咁老襯嘅嘢都肯制，莫非獅子錢莊裡頭有奸細？唔通真係氣數已盡？
求劉大俠主持公道
如果大家以為深水埗鼠王芬‧梁美芬同全國政協劉夢熊冇乜嘢，咁閣下就大錯特錯矣。前個禮拜六，佢兩個喺又一城COVA撐枱腳，（如果冇嘢，你話會唔會撐枱 腳啦？）唔淨止撐枱腳，更加係全程咬晒耳仔。雖則係喁喁細語，但可以聽得好清楚鼠王芬鬧緊友報《蘋果》，話俾佢哋欺負。鬧完友報，鼠王芬即提高腔調向劉全 國政協詐嬌：「我哋個個叫你做劉大俠，你真係要幫我主持公道呀！」只差冇捉住劉大俠雙手揈兩揈而已。俾鼠王芬咁詐嬌法，你估劉大俠又坐唔坐得穩呢，又？
奧巴馬要除牌
香港人冇嘢叻，至叻係看風駛
利民•錢跳船快而準 宗菁華
2011-10-13 NM
近期好多二打六公司嘅董事，一見勢色唔對，即刻跳船；即使恒生銀行、港鐵主席利民•錢果豐都唔例外，而佢跳船時間之準，顯見一切都有計劃、有部署也。話說利民•錢十年前科網股年代入股創業板中華網兼夾做埋主席，過去呢十年雖然業績乏善可陳，佢老哥對公司則不離不棄，更同時做埋中華網母公司CRC嘅主席兼非執董，直情關係一條龍。不幸年來CRC生意唔掂，佢哋喺美國納斯達克上市，故此依足花旗規矩，上個禮拜向美國法院申請破產法第十一章保護令。咁大件事利民•錢又豈會唔知？於是喺CRC申請破產前一日，佢就同CRC割席，辭任主席兼非執董矣。唔做一間公司主席啫，仲有港鐵同恒生主席做吖。但經此一役，利民個快勞有冇刮花到呢，又？
北京搞校慶
辛亥革命百年亦係上海聖約翰大學百年校慶。時逢大節，揀咗喺北京慶祝，其士之周奕卿老闆、《信報》前老總沈鑑治等聖約翰大學舊生皆北上參與其事。何以揀北京而唔喺上海慶祝？無他，有個舊生叫魯平，佢長居北京；近年佢行動唔多方便，乃有北上慶祝之舉。移磡就船，此乃國情所需。聖約翰及其他十二間基督教大學（從燕京到嶺南）對中國現代化貢獻良多，可惜解放後阿爺驅逐佢哋出境，其餘一切不必細表。雖有百年慶祝活動，但似乎唔見有人多謝當年出錢出力為中國作育英才之美帝噃。五千年文化，莫非就只剩低「忘本」二字？悲乎？
本週圖片中國人主宰牛熊
全球金融市場為歐元震散，但咁顯然冇影響到中國鄉里之遊興。呢，喺德國法蘭克福股市外邊，就有兩個鄉里，一個出盡吃奶之力撐起隻牛，另一個靠自己之噸位壓低隻熊。此番努力，鎮唔鎮到場㗎？
金牙大狀講嘢當香港人死嘅
將軍澳出現神經刀，十二粒鐘連環斬傷四個人，而成個特區猶懵然不知，皆因警方既以數碼封鎖消息，令報館聽唔到999台，而警察公共關係科又當香港人完全冇到，唔發布消息，以致冇人知道有狂徒出沒，提高危機意識，加強防備。警方封鎖消息嘅伎倆令人不油然想起○三年沙士之慘痛經驗。當時疫症已由廣東傳到上北京，家家戶戶都喺度煲緊醋，但成個特區則被蒙在鼓裡。直至廣東有個染咗病嘅醫生落嚟睇病，住喺窩打老道之京華國際酒店，將病毒周圍散播，傳到威爾斯醫院、淘大花園以至加拿大多倫多，病毒偵探用超級電腦追踪方知道病毒源頭喺廣東。但到呢個時候，香港以至全世界已經死得人多矣。今趟香港警方隱瞞事實、封鎖消息，學足大陸。經過沙士一役，連中國影帝業都曉得向全世界承諾，痛定思痛，今後會第一時間發布疫情消息。香港警方封鎖神經刀一案消息，至今粒聲唔出，莫非當香港人通通死嘅？
本週快閃黨
理文造紙二公子李文思娶老婆，喺洲際酒店筵開五十席，大場面也。以李家之江湖地位，官紳世族……齊齊到賀，自不待言。當中梗係唔少得兩大疑似特首候選人啦。可能因為有「感情缺失」，費事同婚禮相沖，唐唐自己冇嚟，而由唐媽媽頂上。另一疑似候選人CY早已表白，從來冇過「感情缺失」，故此佢非但現身，更加同太座孖咇而至。第一個回合交鋒，大勝一比○。此外另一個揚言即使翻頭嫁都要選特首之葉劉亦有到場。但以閃得快論，則冇一個及得CY矣。佢由抵埗到離開總共停留咗七分零三十九秒，比國家領導人長駐特區代表（非公開）詩姑•梁愛詩早走三分二十九秒正。犀利。
寓運動於工作
宜家（IKEA）喺上海開設「宜家中國測試和培訓中心」，致力強化產品安全及品質。佢哋測試嘅辦法既掟嘢又放火，一張床褥要用一百四十公斤嘅重物碌足五萬次，保養期仲長達廿五年，包保安全又襟用啦。即使蠟燭，都會經專人抽樣量度火光長度，以免時大時細燒親周圍物件。喺測試中心隔籬有個「宜家亞太區物流配送中心」，佔地達六千平方米，足足成三十四米高，出貨全自動。員工仲同我哋講，貨倉內地下畫嘅線，唔係方便擺貨，而係得閒嗰陣等員工可以打羽毛波。寓運動於工作，難怪佢哋咁開心。
本週高姓大名最坦白財經評論員
特區財經演員無數，各有地盤擁躉，無論係乜叔物哥以至紅黃藍白黑姐，睇怕佢哋冇一個及得呢位北京財經評論員咁坦白矣。何以見得？佢個大號叫水皮，連水皮都上得CCTV講財經，唔怪之得股市近排大上大落啦！此之為水鬼升城隍乎？還請小說名家李碧華小姐發落。
中環人語迷你版
遲遲唔辭職，等黃袍加身。估中邊個中環人講呢句說話， 送你JWATCH j-36-尊貴版手錶一隻 有意參加者，請於十月十七日24:00前將答案電郵mailto:[email protected] 小宗只接受電郵，郵寄免問。
上週人語揭曉
答案虛心聆聽。林瑞麟得獎者：C. K. Wong 中獎時間： 1:00pm 5/10/11 本刊員工及直系親屬不得參加。為求公平及杜絕偷步搶答起見，請於星期三下午一時後來電郵競猜答案；在此之前發出之電郵作廢。超過一位讀者估中，先到先得，恕不接受上訴。答案及中獎者姓名將於一一年十月二十日本欄揭曉。 ####
有趣的跳船 上哲
http://shangzhe2.blogspot.hk/2014/07/blog-post_25.html
傳聞諾奇(1353)董事長丁輝捲款潛逃、股價大瀉五六成等成為了這幾天的財經娛樂新聞。不過，我覺得更有趣的是CFO因「健康理由」而辭去執董一職，但仍然繼續CFO和公司秘書的職能。
如果因為董事長「走佬」而引致健康有問題，應該同時辭去CFO和執董一職。因為我的經驗告訴我，同時兼任CFO和執董，跟「齋做」CFO, 工作量上無兩樣！
如果因為害怕老闆捲款潛逃而可能引發的刑事檢控，辭掉執董一職無補於事。有問題時，一樣會被告，無論是實權CFO還是紙牌CFO,數簿上有問題一定入你數。
所以如果要走，又或者真的「唔舒服」，全身而退吧！
上哲
有趣的跳船
傳聞諾奇(1353)董事長丁輝捲款潛逃、股價大瀉五六成等成為了這幾天的財經娛樂新聞。不過，我覺得更有趣的是CFO因「健康理由」而辭去執董一職，但仍然繼續CFO和公司秘書的職能。
如果因為董事長「走佬」而引致健康有問題，應該同時辭去CFO和執董一職。因為我的經驗告訴我，同時兼任CFO和執董，跟「齋做」CFO, 工作量上無兩樣！
如果因為害怕老闆捲款潛逃而可能引發的刑事檢控，辭掉執董一職無補於事。有問題時，一樣會被告，無論是實權CFO還是紙牌CFO, 數簿上有問題一定入你數。
所以如果要走，又或者真的「唔舒服」，全身而退吧！
上哲 www.facebook.com/shangzhe2
夏日求驗客：伯明翰走剩十幾件 馮奇跳船
1 : GS(14)@2012-07-10 00:38:16http://hk.apple.nextmedia.com/sports/art/20120709/16495653
由港商楊家誠做主席嘅英冠球會伯明翰，上季響英冠升班附加賽準決賽輸咗畀黑池，爭取重返英超夢碎後，領隊曉頓暑期宣佈走人；而球隊前排由新任領隊李爾奇勒帶隊開操，但只得十幾位 A隊球員出席。我求大俠早輪收到消息，話球隊財務總監馮嘉奇已經向球會呈辭，稍後返英國處理埋球會嘅手尾就會正式同球會 say goodbye。
前季勇奪聯賽盃嘅伯明翰，最終護級失敗而降班，即刻冇咗成億鎊收入，惟有放走隊內大部份高薪球員；而球隊就搵咗曉頓領軍，仲後上攞到第4位，可惜響附加賽準決賽輸畀黑池，爭取重返英超功虧一簣。原先嘅球隊運動裝備贊助商特步，亦決定唔同伯明翰續約；好在佢哋已經搵咗意大利品牌 diadora贊助，仲簽咗3年合約㖭。
由楊家誠親自搵過去英國睇住球隊盤數嘅馮嘉奇，早排返咗香港，之後有傳佢準備辭職；我求大俠搵佢求證，佢話已經同楊生講咗，稍後返英正式同球會董事局遞信。至於點解要辭職，佢就唔多想講，而佢同有線仲有合約，所以多數返去講波。
[港商楊家誠（前排中）任主席的伯明翰，一隊成員只剩下十多人。資料圖片] 港商楊家誠（前排中）任主席的伯明翰，一隊成員只剩下十多人。
未計掂盤數或被扣分
求大俠睇番正停牌嘅伯明翰環球（2309）近排公告同球會新聞，原來呢間香港上市公司一再推遲公佈上年下半年嘅業績，最新話下個月尾先至出到；而除咗麥馬拿文已辭任執行董事外，執行董事兼首席執行官許浩略亦已辭職，佢離開前亦攞番借畀公司嗰500幾萬港元。
由於球隊財政狀況不明，如果下月尾個業績公佈冇辦法證明球隊財政正常，維持球會營運，分分鐘會被英聯賽會扣分；即係有可能重蹈樸茨茅夫因「莫財」被不斷扣分，輾轉搞到新季再降一級落英甲嘅覆轍。
伯明翰球會執行主席彭彼得早排公開話，唔會放售隊內兩個值錢新星中場列特文同門將畢蘭特；但伯明翰球迷依然好唔滿意，佢哋仲發聲明話，好懷疑伯明翰環球仲有好多嘢隱瞞。唯一好消息係，英聯賽會上周啱啱解除咗對間球會嘅轉會買賣禁令；希望新任領隊奇勒快啲借又好買又好，班多啲兵，喺8.18嘅英冠首輪戰，主場對查爾頓，有個好開始。
求驗客
2 : dcdc(1215)@2012-07-10 09:57:52樣衰. 原班主會唔會心痛呢?
3 : lam(884)@2012-07-10 11:55:06搵恆大個老細買起佢啦
4 : dennis001(8614)@2012-07-10 13:08:36究竟馮奇一年拎幾多人工....CFO喎...
5 : dcdc(1215)@2012-07-10 13:22:414樓提及
究竟馮奇一年拎幾多人工....CFO喎...
幾多錢都冇用, 佢算有義氣, 換轉是其他人一早跳船, 阿公比人話洗黑錢, 佢坐 CFO 而一個位, 你係佢你驚唔驚?
6 : GS(14)@2012-07-10 21:40:355樓提及
4樓提及
究竟馮奇一年拎幾多人工....CFO喎...
幾多錢都冇用, 佢算有義氣, 換轉是其他人一早跳船, 阿公比人話洗黑錢, 佢坐 CFO 而一個位, 你係佢你驚唔驚?
他無可能走到?
Groupon股價殘員工紛跳船
1 : GS(14)@2012-08-14 14:14:44http://hk.apple.nextmedia.com/financeestate/art/20120814/16602279
收緊佣金發放 挫士氣
美國《華爾街日報》報導，團購網站 Groupon爆銷售員離職潮，因公司要求收緊佣金計算及欠缺晉陞機會令員工無心戀戰，紛紛離巢。加拿大一間教育軟件公司 Top Hat連月來收到逾百名 Groupon銷售員的應徵信，該公司旗下有25名銷售員，其中8名是由 Groupon跳槽過來的。
Groupon員工達1.2萬多人，銷售員佔總人手近45%，報導指前 Groupon員工稱，早期銷售員平均年薪達六位數，銷售額達標者更可提早放工。不過， Groupon去年11月掛牌前，盈利增長已見放緩，遂改革發放佣金制度。銷售員不能像過往在每宗交易中，賺取相約該季 Groupon毛利數個百份點的佣金。銷售員須跟隨透明度欠奉的新佣金計算制度，並要每月超越特定的銷售目標才可獲得，估計每月收入被削數千美元。
另外，雖然 Groupon員工持股量不多，但見公司股價插水，由招股價20美元急挫近七成，月初更低見每股6.38美元，員工士氣亦受挫。 Groupon為鞏固銷售團體軍心，今年5月挖走亞馬遜前高層拉曼管理美國業務，上週更獲晉陞為全球銷售及營運主管。
事實上， Groupon商業模式簡單但難持久。 Groupon兩大營運特色是用戶網絡廣及產品需求量大。
然而， Groupon出售的是其他公司產品，議價能力被降低。同時， Groupon要跟擁有強大用戶網的 Google、亞馬遜及雅虎等科網巨擘直接競爭。
此外， Groupon銷售的產品或服務多數不是用戶必需品，如會籍或郵輪觀光套票， Groupon需要投放資源為旗下推銷產品賣廣告，對公司利潤構成壓力。
2 : GS(14)@2012-08-14 14:15:52http://online.wsj.com/article/SB ... _business_whatsNews
相關文章
3 : hang417(31322)@2012-08-15 00:53:30我覺得團購很多是搵苯實的
4 : GS(14)@2012-08-15 08:47:15今日即講
林煥光跳船先兆？ 胡詠言
1 : GS(14)@2013-11-12 00:42:06http://www.skypost.com.hk/column ... %86%EF%BC%9F/116461
行政會議召集人林煥光認為，免費電視發牌風波，源於特首會同行政會議的決策，與廣大市民的普遍期望有過大落差，冀特首可盡快就發牌事件及過程作深切檢討，以免政府日後的決策再與市民期望有大落差。
較早前，林煥光曾表示，行會只是「顧問」角色，給予意見後最終由特首拍板。事後他被指在發牌事件上，與特首劃清界綫。未幾，他又澄清「不可能」與特首割席，又指行會要為決定集體負責。
林煥光的言論，引起外間不同解讀。有人認為，林煥光藉此與CY劃清界綫；亦有人認為，他是為CY及行會補鑊。
政務官出身的林煥光，按理在同一議題，不應短時間內，重複犯下說話模稜兩可，惹人猜疑的錯誤。現實中，他真的做了，究意是詞不達意？還是另有所圖？真正目的，只有林煥光自己最清楚。
姑勿論林煥光的動機，但他昨日這番話，實際上起到在傷口上灑鹽，及火上加油的效果。究竟是卸責、割席，還是跳船先兆？不妨拭目以待。作為行政會議召集人，林煥光的言行，對行會構成的傷害難以估量。
如今的政局，如同《三國演義》中的兩個故事，先是「趙子龍百萬軍中藏阿斗」，繼而是「扶不起的阿斗」。
跳船轉投now筱靖同亞視提早解約
1 : GS(14)@2014-12-24 02:22:00
■獲亞視答應解約的筱靖飲紅酒慶祝，並揚言將有喜事公佈。微博圖片
【亞視風雲之恢復自由】亞視近日「問題天天都多」，一方面續牌未知能否成功，另方面又拖欠員工薪酬，至昨日員工仍未獲發放上月薪金；至於月前因為自爆7000元人工而遭亞視雪藏的筱靖，本跟亞視還有大半年合約，日前她表示向亞視提出提前解約，據悉，亞視已答應跟筱靖解約，而筱靖離開亞視後將轉投now TV主持綜藝節目，上周五筱靖在微博表示即將有喜事公佈，估計與此有關。記者前晚向筱靖求證跟亞視解約一事，她身在外地並透過WhatsApp承認說：「亞視已經口頭通知我，高層都接受咗我解約，我等埋書面信簽好，就正式回復自由身㗎啦。」問到是否過檔now TV，她說：「暫時唔方便住。」
■鄭伊娜（左）前晚偕友人到油麻地向露宿者派飯盒。
■筱靖已獲亞視高層放生，讓她提前解約。資料圖片
■（左起）劉錫賢、黃集鋒和蔡國威今日將向勞工處登記，追討亞視欠薪。資料圖片
戥同事擔心
亞視員工向勞工處求助追討亞視欠薪，而勞工處今日冬至將派員到亞視向員工講解僱員權益及申請破產欠薪保障基金程序，對此筱靖說：「當然戥啲同事擔心，
財經八一八: 中國安芯董事輪流跳船
1 : GS(14)@2015-10-13 02:27:50https://hk.finance.yahoo.com/new ... 9%9B-220000919.html
自從今年四月停牌至今，中國安芯（01149）近日再出現董事跳船事件。上月二十三日，原財務總監楊淑顏才請辭，理由是包括公司實際存款訊息與部分銀行資料可能有重大偏差；公司資產可能有所流失；以及對部分公司高級管理層的誠信有所懷疑等。
至本月二日，公司公布謝柏堂及李安國已於二○一五年十月一日辭任為公司之獨立非執行董事。換言之，公司僅餘一名非執董為Adiv Baruch，不符合上市條例要求上市公司最少有三名非執董的要求。幾天後，連董事會主席兼總裁劉中奎都辭任，由十月六日起生效。
此外，公司於上月二十九日更被一間名為溢域有限公司向高院提出清盤呈請，法庭已於本月二日委任羅申美企業顧問有限公司的馬德民、黎穎麟、黃國強為臨時清盤人。 由臨時清盤人代表公司發出的公告中指出，已向若干銀行取得確認函，並發現公司管理賬戶的餘額與銀行確認函之間出現重大差異，臨時清盤人已獲授權對安芯及附屬公司進行評估，適當時候另作公布。
換言之，該公司的復牌機會愈來愈細。今年二月曾發盈警的中國安芯，是智能安防領域的整體方案提供商、運營服務商及設備製造商，因未能於三月底死線前公布年度業績，致從四月起「拉閘」，至五月聯交所曾向公司提出復牌條件，當中一項要求是要回應核數師意見，集團在六月底宣布聘用羅申美進行獨立法證會計調查，亦即是今次的臨時清盤人所在公司，至九月羅申美辭任，並表明對中國安芯提供的資料及公司管理層一位或多於一位成員誠信有很大保留。
Next Page
ZKIZ Archives @ 2019
| 