2011-9-29 NM
七年前訪問趙式和,當時她正在上海協助母親何琍琍搞飲食業,又要幫父親華光船務主席趙世光睇住其上海的地產 生意,忙得睡覺時間也沒有,笑容欠奉,「當時無晒自己生活,真係好矛盾,係咪要活在媽咪影子下?」
今日的她,在灣仔聖佛蘭士街開了間畫廊,全情搞藝術,閒來和結婚兩年多的製衣富商丈夫李承康一齊遊埠,生 活寫意,她瞇起雙眼說:「細個是一個尋找自己的過程,不斷有啲痛苦,現在知自己方向,自己做生意幾開心。」 藝術家庭
這間由趙式和(Jane)開設的六百呎畫廊,有油畫及雕塑品,她最近亦代理了英女皇、日皇夫婦、美國總統和教 宗都用的德國Nymphenburg(寧芬堡)瓷器,她說:「我收藏了十件以內,送了個花樽給媽媽,家姐亦買了很多,細 佬又買來送給朋友。」
她愛上這品牌的瓷器,緣於婚後她和丈夫去歐洲度蜜月,遊到德國時被它一個精緻的龍蝦湯盤吸引着,Jane說
:「Love at first sight,佢係一件藝術品,用人手畫,再燒,有少少裂紋也要重做,這湯盤做了三次才做到給我,佢哋要求百分百完美,我覺得咁靚嘅product,點解香港無呢?我想同大家分享。」Jane今年六月更在香港賽馬會跑馬地會所一餐廳舉辦了三日晚宴,當晚所用的餐具全是該品牌,一於邊食邊鑑賞。「每個course用不同的碟,全部德國運來for這dinner。佢啲嘢咁靚,你用過後更感受到。」
Jane愛藝術,自小學畫畫,又學鋼琴、芭蕾舞,她笑言:「全部都是靚嘢。」十三歲去了英國讀書,她亦繼續學 畫畫,「還學曬相、學陶瓷、做版畫,有畫人像,風景和抽象畫,素描和水彩也有。」
她們四兄弟姊妹也愛藝術,弟弟趙式慶愛攝影,孖生妹妹趙式平愛烹飪,大家姐趙式明有審美眼光,「佢著衫著 得靚。」她自己則喜歡買畫,「我鍾意買畫多過買衫,屋企沒位放,我也要放在貨倉,去歐洲就一定去博物館。」 她更想為丈夫李承康(Dominique)舉辦相展,「佢影隻狗影得幾好,我講笑幫佢做個相展。」
加強自信 買畫令她認識了不少藝術家,去年終於獨資開了畫廊。「○七年我認識了我先生,搬了返來香港,覺得自己唔再喺大陸,不適合再幫屋企打理國內生意,剛巧朋友問我想不想take over這個space,我初初諗住自己用來畫吓畫,藝術家朋友卻話地點不錯,點解不做畫廊?」做老闆責任重大,逼住她成熟。「幫父母時,唔識可以問佢哋,我現在代理了咁多藝術家,又有員工,我對佢哋要負責任,員工也要靠我俾方向,不可以員工問我我唔識。」她更要與時並進,不斷了解行情,「要知博物館正在做什麼展覽,要不斷認識新的藝術家。」工作雖忙,但她多了一份滿足感,「好多朋友想搵一幅畫放在屋企,搵咗好耐也找不到,他們過來搵到,我覺得多咗自信,滿足感更大。」
美滿婚姻
奶奶李顏玉秀是生意人,不時俾意見,當正自己女。「佢好支持我,會介紹朋友來畫廊。我弄傷手佢帶我睇跌打,帶我做facial,買衫給我。」她笑言丈夫的屋企以前四面白牆,婚後掛滿畫,她自豪說自己幫丈夫找到多一個嗜好。「佢以前對藝術無咁多認識,我幫佢打開了一個新世界,佢鍾意陪我見藝術家,佢覺得幾好玩。」Jane和李承康自幼已認識,後來Dominique去了紐約生活,她去了英國求學,小時候兩個就是沒緣分,她解釋話:「佢大我九年,細個唔會一齊玩。」直至○七年在他的生日會上擦出愛火花,○八年訂婚,翌年出嫁。眼前的Jane比以前開朗,婚姻生活的快樂全顯露在面上,她分享夫妻之間貴乎尊重,「有什麼不滿意要即時說出來,不好放在心。」
Jane記得有一次代丈夫應承和外父外母去旅行,結果丈夫詐型。「佢話我唔知佢有乜工作,怎可以代他答應?我當時有認錯,下次就無咁做。」還有就是,兩夫婦嗌交更切勿翻舊賬,「你完全不可以十次之後仲講番。」她更學會投其所好,「丈夫鍾意車,儘量了解、學佢鍾意嘅嘢。」她婚姻美滿,父母的婚姻就有着第三者,她卻肯
定告訴大家,說:「父母經過風雨,佢哋永遠將對方放在首位,有事會第一時間幫對方,佢哋愛係好深。」
2012-1-12 NM
華光船務主席趙世光和何琍琍有四個仔女,唯獨大女趙式明未婚,不過近日傳來趙式明終於同細自己十六年的邱德根孫兒、邱華瑋結婚,婚訊雖是流 料,但二人確是住埋一齊。但這一段情並未得到祝福,據知邱華瑋母親一直反對他們拍拖,畢竟邱母得呢粒仔,當然想只有廿三歲的兒子搵個年齡相若的太太繼後香 燈,而不是已經三十有九歲的趙式明。
愈叫愈走
趙式明(Sabrina)和邱華瑋(Andrew)這對姊弟戀,拍了拖 差不多兩年,Sabrina亦已融入邱家生活,不但經常孖邱華瑋家姐去玩,仲會孖男友和他的父母一齊去ball,兩家人表面相處融洽,但社交圈傳來邱達昌 太太吳惠平,私底下卻不想兒子跟Sabrina拍拖,知情者說:「邱太同個仔傾過,但講唔掂,個仔仲唔返嚟瞓,間唔中同Sabrina同居。」然而邱趙兩 家一直都好熟,邱太都不知從何入手,在公眾場合唯有扮若無其事,她的好友說:「兩家不嬲都係世交,趙家仲有頭有面,邱太二女出嫁時,佢都有請趙家飲,你就 知幾熟,你話普通人家唔鍾意就可以棒打鴛鴦啫,呢個點得?」
女友做靠山
邱太講唔掂愛兒,於是叫身邊朋友出手,知情者話:「邱太有叫佢啲朋友幫手勸吓佢哋,但點勸?」有人建議用 經濟封鎖,但趙式明身為華光船務副主席,加上趙世光早年買了山頂環翠園單位讓女兒自住,即使出入亦有車、有司機,上月Andrew亦坐趙式明的平治,同女 友一齊去養和探趙世光,而去年九月他們撞車上了新聞,Andrew當時揸住的五十萬平治跑車亦是用華光名義登記,所以就算截水截糧,Andrew都有女友 做靠山。 其實邱太的憂慮好易理解,當年她生了三個女,為想替邱家添男丁,甚至為此把三女改名為詠麒,結果被她追到個兒子,不過兒子在英國讀書不成,邱達昌遂叫兒子 回來幫手。初返港時,Andrew都好純,不過近幾年愈來愈反叛,仲好鍾意食煙,知情者說:「謝玲玲將個女林恬兒契咗俾邱太,Andrew就係謝玲玲契 仔,結果謝玲玲個仔(林孝賢)成日同Andrew去蒲咪搞成咁。」睇住邱華瑋大的世交式明,適逢此時與緋聞男友胡文新甩拖,就此與玩埋一齊的邱華瑋撻着愛 火花,愈愛愈痴纏。 就此事求證邱達昌太太,她顯得有口難言,支吾以對,無論問什麼都只說:「遲啲答你,多謝關心。」
猛料世家
廿三歲的邱華瑋,為遠東邱德根二子邱達昌幼子,上年九月邱德根正式將市值數十億的遠東發展(0035)交棒給邱達昌打理,加上近年遠東不斷於內地及馬來西亞發展房地產及酒店業,邱家資產總值逾百億元。
趙 式明則為一代船王趙從衍孫女,華光船務主席趙世光長女,家族公司華光海運於一九七三年上市,經歷多次私有化及變動,○八年Sabrina以公司副主席身份 再度上市,集資12.75億元,但因反應欠佳而擱置。其父亦不時投資房地產,近年以4.8億出售石澳道大宅,又於二千年出售上海地皮套現購入兩艘共值七千 萬美元貨船,現時身家估計約有十五億元。
|
||||||
趙世曾女兒趙式芝,上週四與從事 鐘錶貿易和豪華產品零售的冠亞商業(104)、波爾錶太子女楊如芯,在北京高調宣佈已在巴黎結婚,成為社交界首對公開的同性couple,但趙世曾竟在本 週一發聲明指「女兒趙式芝從未與任何人結婚」,面對父親的激動反應,趙式芝平靜地說:「喺適當時候會回應(即係幾時?)會祈禱問嚇個天。」父發聲明 雖然趙式芝(Gigi)飛巴黎結婚前已知會父母,但趙世曾顯然未能接受,當知道女兒與楊如芯(Sean)在北京公開關係,竟然話:「黐線,冇咁嘅事。」本 週一更發聲明到各傳媒澄清女兒未婚,「我問咗個女係謠傳,所以要澄清嚇。」那他有沒有見過Sean?「我唔知佢係邊個朋友。」他還說要為女兒招親,「當然 要搵個好女婿俾佢,Gigi有才華有智慧,大家幫嚇佢啦!」趙式芝得悉父親此舉體諒地說:「唔講啦,喺適當時候先回應。」至於與父親的關係會否因此決裂? 她肯定話:「我同爹哋感情好好噃。」Sean亦平和地說:「我尊重佢(趙世曾)個人意見,但唔代表我哋嘅立場,亦唔會影響我哋心情。」 其實Sean決定結婚,是想給伴侶肯定和名分,「我哋一齊七年,係要做啲嘢,我覺得係一種commitment,係一段長遠嘅關係。」於是Sean在去年 尾密謀驚喜結婚大計,「我請咗個wedding planner喺英國、法國同美國搵church正式行禮,巴黎嗰間church喺鐵塔附近十分鐘車程,我覺得喺嗰度行婚禮好浪漫。」Sean最愛趙式芝 為人善良,「佢呢個人諗嘢其實好簡單,心地又好。」Sean邀請神父主婚,趙式芝沒有穿婚紗,簡單地著了條米色裙,現場只有十多名親友見證這重要時刻, 「我細佬妹同幾個好朋友都有飛過去,爹哋媽咪都想嚟,但媽咪身體唔係咁方便。」問Sean會否正式去拜會趙世曾?「暫時唔會,順其自然,俾啲時間大家,最 緊要阿Gi開心。」趙式芝亦無奈說:「爹哋媽咪唔鍾意我特別講出嚟,不過我真係好開心,俾啲時間其他人,香港係保守啲。」 幸而Sean的父母完全支持她的決定,「屋企人覺得多咗個女,但佢哋最開心,係有個人會終生陪伴住我。」問Sean婚後生活、感受可有不同?她好肯定地 說:「真係唔同咗,結婚之後兩個人close咗,大家都覺得個心好定,100% settle down,願意為呢個家完全付出,阿Gi同我屋企真正變成一家人。」 已為人母 小朋友可令一個家庭更加圓滿,同性夫婦始終有所欠,會遺憾嗎?「唔會,最緊要我哋覺得充實,好多family結婚都唔要小朋友啦。」雖然二人已經舉行婚 禮,但同性通婚在法國仍未合法化,所以她們的婚禮未具法律效力,只有精神和形式上的意義,Sean說將來可能會在容許同性夫婦領養兒童的國家領養小朋友, 「但依家唔會諗住,呢啲係好長遠嘅事。」 查實Sean和趙式芝兩年前已為人母,她們共同養了兩隻約瑟犬狗仔、狗女——Bubbles和Beluga,待牠們有如子女般愛錫;但小狗女Beluga 兩個多月前意外逝世,Sean至今仍未能釋懷,「嗰陣我哋有一仔一女,一家四口覺得好圓滿,Beluga走咗我哋真係好傷心。」為了紀念細女,她們成立了 Beluga Spirit Society(魚子開心之家)慈善基金,以愛女的名義籌款助人,「今個禮拜六我同阿Gi就會以呢個基金名義,同美國會、基督教關懷無家者協會,喺深水埗 做義工派飯。」為免囝囝Bubbles寂寞,她們最近加入了新的家庭成員——約瑟狗女Bordeaux,再次湊成一個「好」字,「但Beluga永遠都會 留喺我哋心裡面。」 愛難認 近年愈來愈多名人藝人被發現同性戀事,但極少公開肯定對方。 何超瓊俞琤這對「難得的知己」於一○年始單獨約會吃飯過夜,今年初更首次被斷正拖手遊巴黎。 關菊英周偉利跟黎小田離婚多年的關菊英於○七年轉投已故「公仔麵大王」周文軒姪女周偉利(Willy)懷抱,今年五月傳二人在英國結婚,菊姐立即否認,但卻公開說:「視她(Willy)為終身伴侶。」 袁潔瑩阮嘉欣袁潔瑩○五年與榮文蔚姑仔阮嘉欣相識後,經常糖黐豆出席公開場合,但問到二人關係卻很避忌,表示:「唔介意,但最好唔好講。」 |
|
||||||
趙式芝高調宣佈和波爾錶太子女楊如芯巴黎結婚,令趙世曾使出一招五億招婿還擊,姚煒指責她們「愛有罪」,眼見雙親陷於痛苦,趙式芝說:「對於公開我同Sean嘅關係,我冇嘢後悔,但因為我倉促宣佈令父母受傷害,我要向佢哋道歉。」五億瘋狂 趙世曾決意棒打鴛鴦,上週一公開以五億招婿拗正阿女,引起國際傳媒如BBC、CNN、路透社、美聯社等爭相報導,姚煒嬲爆話:「成件事變成鬧劇,我唔想再 講嘢。」對於父母的過激反應,趙式芝坦認是她處理不當,「宣佈嗰刻係我有啲衝動,我對整件事要道歉,因為成件事太倉促,未得到父母嘅同意,令佢哋覺得突 然、難受。」趙式芝坦言與Sean的關係、性取向都光明正大,「傳媒對我哋嘅婚事、性取向有興趣,係來自兩位老人家多年嘅聲譽,我哋做嘅嘢令傳媒追訪佢哋 造成滋擾,令佢哋受傷害,我要向佢哋道歉。」Sean不想身邊人接受各國傳媒訪問,令事件變成國際的茶餘飯後話題,趙式芝卻另有看法,「傳媒覺得我會好嬲 爹哋,我唔想佢哋誤會,其實呢件事我覺得幾touch,呢啲係佢愛我嘅表達方法。」她在BBC訪問中大讚Sean,「我係因工作認識Sean,跟住我哋互 相瞭解,之後就係咁啦!Sean係個好重視家庭嘅人,所以佢好想我哋去教堂,戴上戒指。」 驚被綁架 趙式芝雖已表白心跡,趙世曾亦話:「一定要係中國人。」但五億招親經傳媒廣泛報導後,每日有上千個來自世界各地的「應徵者」,透過電話、電郵、 Facebook 等接觸女主角,累積至今已有近三萬追求者,令趙式芝不勝其煩,「秘書話有好多黐線人打嚟,搞到佢哋好煩,我根本做唔到嘢。」Sean接住話:「佢近日收埋 好多核突示愛email,外面又有咁多癲人,佢都驚俾人綁架,我已經幫Gigi搵緊保鏢。」不過趙世曾反而無有怕,「香港有五億嘅人大把,冇呢個擔憂。」 Sean除了擔心趙式芝的人身安全,最不滿是有傳她利用Gigi替波爾錶宣傳,「我知阿Gi媽咪好嬲,之後佢whatsapp我,話我利用Gi幫波爾錶做 宣傳,我知出面啲人都係咁睇,我覆番阿Gi媽咪話我哋每年用幾千萬做宣傳,唔需要咁做。」Sean更激氣是有傳媒盜用她的Facebook相,「當啲(結 婚)相登出嚟,我個人癲曬,個個都以為我周圍發相俾人,我已經出咗律師信追究。」事發後,姚煒只肯透過whatsapp與女兒通話,至上週六才肯相約午飯 和好。上月趙式芝與Sean代理的A.D.M.J.手袋,位於崇光和美麗華商場的門巿都已結業,有指Gigi要賣掉銅鑼灣四百多呎物業填數,她聞言笑說: 「Funny!」Sean代為解釋:「阿Gi層樓四年前已經賣咗,因為當時佢同我一齊住;我哋唔做A.D.M.J.係冇時間,加上Sogo要收番個位,美 麗華個場又太靜,我哋寧願蝕幾十萬訂唔做。」面對是是非非,趙式芝語重心長的說:「我係過來人,見過上一輩因傳媒挑撥離間,講咗啲有刺嘅說話造成家庭破 裂;我唔想我父母受傷害,因為我哋都好愛大家。」 |
|
||||||
趙式芝的同性婚姻不為老父趙世曾 接受,阿爸甚至出五億利誘招婿,務求棒打鴛鴦。同是趙氏姊妹,系出名門,華光船務主席趙世光和何琍琍大女趙式明,即使拖友是男人同樣不被睇好,事關對方是 邱德根孫兒邱華瑋(Andrew),年齡比現年已三十八歲,被視為剩女的趙式明細了十六年,肥仔配熟女的姊弟戀,在上流社會被當笑料,難得當事人一笑置 之:「最緊要開心!」 趙世光與何琍琍育有三女一子,孖女式和(中)率先在○九年三月結婚,年底到細孖式平(左三)在巴黎出嫁,大家姐式明(右一)一直作嫁衣裳充當伴娘,今年家中唯一男丁式慶(右二)再添第二胎。 講男友 由廿一歲至今,趙式明認定拍拖六年的廣告界男友王世德為結婚對象,可惜分手收場;○五年她與九巴後人Warren Louey蜜運一年,無疾而終。後來跟合和太子爺胡文新撻着半年後又告失敗,最爆算是目前已維持兩年的姊弟戀。雖然年紀相差太遠,但最重要兩個人夾,我好 開心呀,沒想結婚了,為何一定要有個名份?當然每個女仔都有憧憬,幻想三十一、二歲時著婚妙結婚,但我過晒那段時間,我三十八歲,不是雜誌寫的四十歲呀! 而這年紀影婚紗相效果不會好,我過晒了,以前出街不用化妝,依家?真是大不同,至少無以前咁靚。 講生仔 有傳男友母親一直反對他們拍拖,主因怕三十有八歲的趙式明無法為其獨子繼後香燈。你問我想不想生?我又不是趙家男丁,媽咪又不催無施壓力。心態真是變了,我見到朋友拍拖、結婚到生仔,他們的感情變了,不是話變壞,總之就是變質,我覺得目前最緊要開心。 講Ball場 Ball場名門靚女買少見少,青黃不接,曾是常客的趙式明因為老父趙世光與譚玉梅的婚外情被追訪嚇怕,加上自身感情易成為焦點,近年少見報為妙,偶然去 ball都是單人匹馬,見記者如見鬼。「以前去ball場,因為純粹想玩,但近年ball場面孔不同,有幾多個可以坐埋認識傾偈?即使跟記者朋友,都是問 完幾句,OK,輪到下一位名人,大多數是hi bye形式。我的朋友大部分都結咗婚,要留喺屋企湊仔啦,咁得我一個人去好悶嘅?」(說時靦覥,兩隻食指互相點點) |
||||||
| ||||||
香港愈來愈多人喜歡踩單車,甚至不惜花數萬元買戰車。但在公路踩單車未免危險,設計師鄧達智說香港其實有很多單車徑,趁住現在秋高氣爽,他一星期就會踩四天單車,每次踩足幾粒鐘。趙世曾女兒趙式芝,和波爾錶太子女楊如芯就喜歡在外國單車自由行,楊如芯說:「好彩我平時有做運動,不過都係Gigi踩得 快啲。」攞命長斜路 之前楊如芯(Sean)和趙式芝(Gigi)去了西班牙參加朋友的婚禮,在巴塞隆拿的三日行程,他們租了兩架單車代步,「平時我們去外地都會租車,今次去西班牙之前,我上網查資料,又問過人,都話踩單車好過揸車,因為西班牙的路都好窄、好細,揸車反而無咁方便。」要在外國踩單車自由行,時間又不充裕,最好事前詳細計劃好,這樣才能善用時間,「西班牙人好流行踩單車,周街都有單車租,我第一次去西班牙,出發前就先安排好曬每日要去的地方。」 行程首日,他們主要是去了西班牙國寶建築師高第的不同著名建築參觀,已經去過數次西班牙的Gigi,對聖家堂特別有感情,「這裡充滿我大學時期的回憶,教堂由其中一位我仰慕的建築師安東尼‧高第設計,也是我當年修讀建築設計的論文主題。」 但由一個景點去另一個景點,動輒便要大半小時,體力差啲都唔掂,Sean笑說:「好彩我平日也有做運動、打網球。」但去高第設計的奎爾公園那段路,Sean就大嗌救命,「我唔知有條好似花園道咁樣的長命斜,之前沒有心理準備,我們要落地推單車,搞到成身係汗。」 逛街街 蘭布拉大道有很多小店、露天茶座,又有藝人當街賣藝(左圖)。 遊景點 他們去了遊客必到的聖家大教堂和米拉之家(下圖),不過都只是在門口留影,未有進入建築物參觀。 買嘢要忍手 雖然巴塞隆拿有很多完善的單車徑,但要找地方泊車也很麻煩,所以參觀景點時,也只能走馬看花,「我哋多數在門口影相留念,未有入內參觀;其實踩車旅行,係enjoy當中的過程,欣賞周邊的風景。」此外,單車不能放太多東西,shopping自然免問,「一向Gigi買得多,但踩單車只能將買嘅嘢綁喺車後,或放喺車前的小籃,去到La Ramble(蘭布拉大道)有好多嘢想買都要忍手。」所以她們今次買得不多,只買了兩條火腿和三對鞋,Gigi在店內試鞋,Sean就在單車旁等了半小時,「我們第一日租嘅單車冇皮座墊,踩咗成日,坐到我好痛,第二日我就租架貴啲、靚啲嘅單車。」Gigi愛購物,Sean就好香檳、紅白酒,但今次西班牙之行,她亦相當節制,「因為要踩單車,除了champagne breakfast飲兩杯,之後成個下午都唔會飲酒。」之前他們去巴黎,都試過單車遊,反而香港就冇踩過,「有諗過喺香港踩返工o架,但香港不是單車friendly的地方,好危險,如果香港有啱踩單車的地方,我都會踩。」 鄧達智由細踩到大踩足四日 年過五十的鄧達智依然渾身是勁,腰板挺直,事關他一星期踩四日單車,每次獨自由元朗屏山家出發,踩至上水、屯門、荃灣、大埔等不同路線,短途兩小時,長路則大半日。他喜歡單車甚於汽車,因為坐在上面有一起共同進退的感覺,「小學二年級已開始踩兩輪單車,真係會build up感情,一齊上一齊落,變成身體的extension。以前玩越野單車,喺兩年前做了頸椎手術,唔敢再咁放肆,否則身形更fit。」這次記者跟他殺入南生圍,沿錦田河入新田公路,再直踩米埔旁的元朗楊氏烏頭漁場,「漁場是媽媽堂細佬開的,有時會攞條有機養殖的烏頭魚加餸。今次路線約廿五公里,踩一小時,你哋慢慢嚟,我在前面的橫水渡等你。」語畢,便一馬當先出發,踩住六萬多元的歐洲碳纖單車絕塵而去,十秒內輕易把記者KO。入到南生圍,鄧達智的螢光橙背心已濕透,幸好他早把腰包的手機用膠袋包住,「今日天氣係熱,但有風撞過來會好舒服。南生圍係香港最後一個淨土,有山有河有紅樹林,又有五百多種鳥,小學時我已踩單車帶功課來這裡做。」有時他還會踏入牛潭尾軍營或大欖湧水塘,貪人少車少,又或由大棠郊野公園入,深井或黃金海岸出,「上落山比較辛苦,好多障礙單車友嚟玩。」 單車障礙賽 香港以外,他在倫敦、法國的巴黎、普羅旺斯、奧地利的薩爾斯堡、西班牙的巴塞隆拿都喜歡用單車代步,「歐洲是單車王國好先進,巴黎好多人著西裝踩返工,好有型。反而倫敦的路仲窄過香港。」大陸呢?「北京上海可免則免,杭州西湖就真係靚,深圳福田的海濱路單車徑又寬闊,沿海的風景好值得推薦。」反之香港,他就忍不住發牢騷,「香港踩單車似障礙賽,好多師奶鍾意在單車徑散步,最乞人憎是中港貨櫃車司機,專登喺你旁邊加速,令人擺來擺去。屯門三聖邨之後無單車徑,要踩行人路,隨時被警察捉。」話口未完,在單車徑出入口又有架貨櫃車擋住去路,激到他忍不住叫記者拍下車牌,「都唔明點解無人抄佢哋牌?」 |