中環在線：東華總理平買九建豪宅 李華華
|
|
九龍建業（034）喺西半山嘅單幢豪宅羅便臣道31號，最近躍升為明星新貴窩，唔少富豪名人先後做咗呢個豪宅盤業主。呢個盤頂樓個山景複式，有成3253呎，仲有個1583呎天台，最近就由東華三院總理兼湖南省港區政協委員馮丹藜，豪花6000萬元買入，每呎盛惠一萬八。
傳許智明買高層單位
土 地註冊處資料顯示，呢個單位由光榮（亞洲）有限公司登記購入，公司董事就係馮丹藜同馮鳳華等有關人士。聽講，樓市未跌之前，呢類單位呎價兩萬銀都未必買得 到，o依家唔使兩萬蚊一呎，就好似啲名牌減價，識貨兼有米之人會瞄準入市。市場人士話，中聯石化（346）主席許智明都買咗個高層單位，而著名藝人經理人 陳淑芬亦有入市咁話。
|
Next Page