📖 ZKIZ Archives

四叔貓紙回歸 仲有好多嘢未爆！

1 : GS(14)@2012-06-13 01:21:03

http://hk.apple.nextmedia.com/financeestate/art/20120612/16418216

唔少人都知，人稱四叔嘅恒地（012）主席李兆基對傳媒講嘢一向都準備十足，以便應付記者千奇百怪嘅問題，所以只係得財經版頭條講四叔，有啲到喉唔到肺。作為《蘋果》財經版讀者嘅你，今次有福喇，我哋將噚日記者會上四叔未完嘅故事，呈獻畀大家！
話說四叔失蹤咗一排嘅貓紙，噚日喺股東會之後嘅記者會上再度重出江湖，醒目嘅攝記哥哥二話不說，即刻影低咗，有圖有真相，呢個證據令華華可以將四叔講唔晒嘅重點，攞出嚟同大家分享。不過分享之前，事先聲明，四叔嘅貓紙係用密碼寫，有解碼嘅需要。
論特首　希臘唔掂香港掂
攝記捕捉到嘅，相信係貓紙嘅第二頁，第一句係「舊樓重建，我多過市建局」，呢句記者會都有講。尚未曝光嘅內容，係雷曼事件，根據貓紙內容，「好多樣都是香港最好（歐美不如），假如在希臘做特首好唔掂，香港就好掂。（香港）環境特殊，得天獨厚，曆（歷）年都有盈餘。」四叔大概想講：經歷咁多風雨，香港仍然係最好，包括個特首囉！
貓紙另一個題目係新畢業大學生買樓，話「迫他做業主及勤於工作」。之不過家啲樓貴到無倫，想上車都唔易，呢條橋未必行得通。仲有一部份貓紙連華華都睇唔明，有相為證，大家可以自行參詳一下，或者等下次四叔自己解密啦！
李華華
PermaLink: https://articles.zkiz.com/?id=279851

澳門騷唱《月亮代表我的心》BIGBANG唔執輸　棄貓紙挑機IU

1 : GS(14)@2015-10-26 14:46:32

【澳門直擊】韓國男子天團BIGBANG一連三場世界巡迴演唱會《MADE》澳門站前晚在澳門威尼斯人金光綜藝館正式開鑼，未知BIGBANG是否受到日前來港開騷的IU演繹廣東歌《囍帖街》所影響，前晚也來獻技大唱國語歌，當中以太陽最厲害，獻唱鄧麗君的經典名曲《月亮代表我的心》，被指是向女友閔孝琳傳情，而勝利亦不執輸，用普通話唱了幾句《小蘋果》，贏得全場掌聲。



■BIGBANG昨晚在澳門舉行第二場世界巡迴演唱會。攝影：仇志德

■High爆的GD走到台下與粉絲作近距離接觸，即時惹起哄動。



上周三來港開騷的「國民妹妹」IU因在台上一字不漏兼不用看貓紙成功獻唱整首廣東歌《囍帖街》而掀起熱話，身為韓國天團的BIGBANG亦不執輸，前晚在澳門演唱會上也來湊熱鬧演繹國語歌，成員太陽獻唱前就先以英語賣關子，問粉絲：「很高興可以在澳門舉行演唱會，我不肯定能否再見大家，不過很期待下次再來澳門開騷，你們到時會和我們一齊？今次我為大家準備了特別禮物。」之後太陽就即場獻唱鄧麗君的經典名曲《月亮代表我的心》，其間他未有偷看貓紙，咬字亦十分清楚，他沒有演繹全首歌，但都唱足近1分鐘，全場拍爛手掌。勝利之後單挑太陽，又唱又跳幾句《小蘋果》，並指住自己自誇「很厲害」，十分搞笑。不過太陽揀選《月亮代表我的心》獻唱，網民就猜測他憑歌傳情達意，由於其女友閔孝琳曾自比月亮，暗示自己是「懷抱太陽的月亮」，所以前晚太陽就借歌回應女友。



■日前來港開騷的IU，獻唱《囍帖街》的片段在網上瘋傳。

■韓國天團BIGBANG開騷，現場座無虛席。



勝利爆T.O.P冇女友

而大成因為感冒失聲，所以前晚未有唱solo歌，但他笑指自己是超人，所以好快就會康復。據知前晚G-DRAGON（GD）有掟毛巾落台，更惹來兩名女粉絲掀起爭奪戰，險些大打出手。另外，昨晚BIGBANG繼續在澳門舉行第二場演唱會，本地藝人松岡李那、少爺占、許秋怡一家等都有捧場。BIGBANG比原定開騷時間遲了17分鐘才現身，一出場就以普通話叫粉絲一齊大喊，又叫粉絲全部跳起，T.O.P就識做除掉黑超，用電眼冧粉絲兼大派飛吻。而勝利繼續口花花，大讚台下粉絲漂亮，更爆料指T.O.P現時單身，邀請台下粉絲做隊友的女朋友，令粉絲瘋狂尖叫。採訪：梁婉霞





來源: http://hk.apple.nextmedia.com/entertainment/art/20151025/19346386
PermaLink: https://articles.zkiz.com/?id=293496

戶田睇貓紙冧港迷

1 : GS(14)@2016-12-11 14:12:54

日本女星戶田惠梨香前日抵港，出席假在奧海城The Sky舉行的電影《死亡筆記：照亮新世紀》首映禮，吸引大批粉絲捧場。戶田出動貓紙晒廣東話：「大家好，我係戶田惠梨香。」談到相隔10年再拍《死亡筆記》系列，戶田自言接拍前花了長時間去考慮，因為再演彌海砂一角有一定難度及壓力。談到聖誕禮物，戶田希望電影可以在香港大收旺場，最後她與cute版死神流克排排企合照。採訪：吳家偉　攝影：陳慧安




來源: http://hk.apple.nextmedia.com/entertainment/art/20161211/19861521
PermaLink: https://articles.zkiz.com/?id=319222
Next Page
ZKIZ Archives @ 2019