中環在線：蔡東豪改食快餐 李華華
2008-11-12 AppleDaily
以前用原復生筆名喺報章寫財經專欄，論盡天下金融事嘅蔡東豪，後嚟走咗去做精電國際（710）CEO，佢曾經自嘲轉行做廠佬，活動範圍由中環轉到觀塘。咁幫襯嘅食肆係咪都會唔同呢呵，例如去唔到中環鏞記，咪轉去觀塘嘅快餐店囉！
任大快活獨立非執董
快 餐店之中，蔡東豪應該對大快活（052）情有獨鍾，因為大快活噚日發通告，委任咗蔡東豪做獨立非執董兼審核委員會成員，每年可以到董事酬金12萬銀。蔡 生以前係分析員出身，個人對投資亦好有興趣，咁家陣市道低迷，好多人睇好快餐業係未來增長股，佢今次到大快活幫手，係咪想親自體驗吓快餐業嘅未來動力有幾 強呢？