消失的麒麟臂范冰冰執相失手變一粗一幼
1 :
GS(14)@2016-11-21 00:05:07玩P圖玩到出神入化嘅大陸女星范冰冰，就算做嘢忙，佢一定會自拍，之後仲會擺嘅微博，唔少網民見到佢哋眼大大、面尖尖兼同白膚雪雪嘅相，個個都留言讚佢keep得好好，唔多唔都要歸功嗰啲美圖App。不過玩得幾叻都有失手嘅時候，范冰冰試過喺微博晒自拍相，試過好多次俾人發現P完圖之後，個鼻好似歪歪哋，仲試過啲手指都搞到變晒形。范冰冰日前喺北京出席《我不是潘金蓮》嘅首映，嗰晚佢著住一件斜膊長裙，同李晨好恩愛咁出席活動，本來係一件好平常嘅事，點知昨日有網民話，唔知係咪嗰件斜膊長裙唔好啱冰冰，太突顯佢嗰對麒麟臂，冰冰出手p圖整番靚佢喇，點知只係P咗右手手臂，但係冇P到左手手臂，所以出嚟嘅效果一粗一幼。
來源:
http://hk.apple.nextmedia.com/entertainment/art/20161120/19839933
【旅遊着數】airbnb擬推訂機票服務 變一站式旅遊apps
1 :
GS(14)@2016-12-25 13:44:12去旅行住airbnb是大勢所趨，最近彭博社更指，airbnb計劃開展航班預訂服務，機票住宿一次過訂晒。記者看過官網暫時未有進一步的宣佈，不過早前airbnb總裁Brian Chesky在公開場合透露，希望把airbnb變成一站式的旅遊應用程式，而實際上現時的airbnb官網除了尋找房源之外，亦加添了行程、特式體驗、景點的資料和預訂，看來訂機票服務都指日可待了。記者：劉芷晞
來源:
http://hk.apple.nextmedia.com/su ... t/20161225/19876326
財經評論 ：三哥米線變一哥？
1 :
GS(14)@2017-05-19 05:40:01近幾日全香港人的熱話，應該離不開「譚仔」兩個大字，一個值10億的名字。願意以十位數收購譚仔的，是日式烏冬連鎖店丸龜製麵的母公司Toridoll Holdings。個人觀感而言，丸龜製麵其實在香港唔算好出名，成為譚仔的新老闆前，可能譚仔的員工都唔太知佢哋個品牌，丸龜在港分店約11間，與譚仔近50間分店相比，明顯差一大截。收購消息一出後，即時令全香港人都識丸龜製麵，呢十億，已經成功收返多少人氣成本。不少「譚粉」都熱議之餘，連記者到譚仔用餐時，都聽到三幾位員工，即係譚仔阿姐討論緊新老闆。不過，Toridoll就話，未來為加強競爭力，會將為「譚仔雲南米線」品牌重新定位，重塑品牌。其實呢吓嘢都幾高風險，因為譚仔已經深入民心，個名最值錢，客路又極為廣闊，基層、學生哥、白領，當想不到吃甚麼時，就會好自然行入譚仔進貢，拍得住麥當勞。如果轉型，有關成本隨時轉嫁消費者，食品會因此加價，偏離街坊價，市場未必接受到，基層同學生哥隨時say bye bye。至於受益者，高登仔推斷，三哥好快就雄霸米線界，此推測並非無道理。重點是，三哥講明不打算與其他餐飲集團合作，梗係喇，如果譚仔轉型一出亂子，可能香港就得三哥有土匪雞翼等招牌菜，三哥隨時將譚仔原本的客源都吸納埋，隨時盡收天下「譚粉」，呢個時候，絕對一動不如一靜。譚仔三哥米線，隨時變一哥米線。記者：黃嘉銘
來源:
http://hk.apple.nextmedia.com/financeestate/art/20170519/20025892
Next Page