監躉富豪硬拼工廈大王
2008-07-24 NextMagazine
話 說五十年前，一代富商曾紀華與「工廈大王」鍾明輝為聯誼而成立了「香港僑外俱樂部」。本來隨時間消逝，會員四散，這個風光一時的富豪會所已為人所淡忘。然 而上週三，頻頻與女星陸詩韻、周汶錡鬧緋聞，並曾坐監的曾紀華幼子曾文能，卻突然就該俱樂部事宜，入稟控告世叔伯鍾明輝，令這個富貴俱樂部，以及曾鍾兩家 的恩怨瓜葛被抖出來。曾文能背景
在父親去世後，與哥哥文豪繼承了近百億遺產，文能更曾控有惠揚控股及太平洋港口兩間上市公司，九七高峰時，公司市值高達八十二億元。然而○一年，曾文能因盜用公款被判監七年半，至○五年底才出獄。
身家：曾擔任董事的十一間公司，已全部解散，現時報住的大坑道花園大廈單位，屬母親擁有。近年他因纏上女星陸詩韻而成為娛樂版常客，近月又有傳他投資近千萬予名模周汶錡，推出個人首飾品牌。
鍾明輝背景
與已故兄長鍾江海於六、七十年代起發展地產，以旗下「怡華」、「益新」兩間公司，主力在觀塘、黃竹坑一帶興建大批工廈而被稱為「工廈大王」。
身家：持有中環萬邦行等物業的上市公司萬邦投資，是鍾家家族企業，持股四成八的鍾明輝是公司最大股東，單是股票市值已高達八億元。
今年已經八十八歲，左耳撞聾的鍾明輝，本週一向記者憶述「香港僑外俱樂部」的當年風光。原來早於五八年，鍾明輝與曾紀華聯同一班東南亞華僑，鑑於平日苦無聚腳點，於是合組香港僑外俱樂部，並以俱樂部名義，於五十年代中購入渣甸山軒德蓀道十一號大屋作會址。
該 屋買入價約二十多萬元，由五、六名會員夾錢購入。「當時嘅會員九成都係福建人，包括我同曾紀華，仲有菲律賓華僑吳道盛，同埋陳弼臣等等。」他所講的吳道 盛，就是菲律賓首家商業銀行建南銀行的創辦人。而陳弼臣則是泰國盤谷銀行創辦人，即立法會議員陳智思的爺爺，可見當時會員位位「非富則貴」。
愛打三人麻雀
該 會所佔地過萬呎，樓高兩層，有魚池、有花園，「一班朋友喺嗰度傾吓生意，初時日日放咗工都去玩。我哋最鍾意玩當時在新加坡很流行的三人麻雀；張麻雀枱係三 角形o架！」鍾明輝回憶道。有時玩得夜，一班富豪還會留下一同吃晚飯。「如果得幾個人，就叫工人煮，會裡面個大廚都係曾紀華請返嚟，不過味道一般。如果帶 埋外國朋友嚟玩，就叫到會。」
這個風光一時的俱樂部，在七、八十年代後期，隨着一班會員年紀老邁，移民的移民，過身的過身，開始變得冷清。 九七年曾紀華過身後，會址更進入「冬眠」狀態。「曾紀華去世後，啲員工同我哋傾，話會內只剩下鍾明輝及另一已移居加拿大的葉姓會員，於是想改章程吸納新會 員，維持個會嘅運作。」鍾明輝的私人助理陳朗說。
當時鍾明輝曾嘗試聯絡所有舊會員，但一直無回音，最後決定加入曾、鍾兩家的後人做董事兼新會員。現時鍾明輝的四名子女，曾紀華二太太馮婉琳、曾文豪及曾文能前妻黃玲翠都是俱樂部的董事。至於曾文能，在○一年盜用公款被判監七年，因而不便做公司董事，身份只是俱樂部會員。
但 加入新會員對俱樂部的「莫財」問題無大幫助。「間屋一直丟空喺度，一年嘅差餉都要十萬、八萬，屋後嘅斜坡又要維修，間屋執漏過幾次都使咗唔少錢，都係鍾生 （鍾明輝）同曾太（馮婉琳）夾錢搞掂。」陳朗補充道。根據俱樂部截至○六年底的賬目表，俱樂部每年只得二千元會費收入，扣除差餉、維修及保安等費用，年蝕 四十八萬元，多年累計之下，更欠下代支的鍾明輝及馮婉琳共五百六十萬元。
於是兩家人○四年左右，協議將大屋出售，最後於去年二月，以一億四千五百萬元，售予旁邊十二號屋的屋主，即平安保險大股東之一源信行投資的老闆鄭建源。
賣樓所得各有打算
鍾明輝與曾文能的爭拗，就在此時開始。在家鄉一直有捐錢行善的鍾明輝，一心想將賣屋所得捐出，所以○六年大屋招標時，已講明部分賣樓收益用作慈善。鍾明輝在過去一年已不斷跟慈善機構接觸，更早已草擬好一張捐款名單。
然而要捐錢，就得先修改俱樂部章程，皆因五八年的章程並無明確標明俱樂部解散後餘款捐予慈善機構，而是「給予或轉讓給其他機構，或跟俱樂部有相同宗旨的機構」。
於是在今年五月，俱樂部召開特別會議，通過修改組織章程及加入有關捐助慈善機構的條文。然而，當日原本代表曾家出席會議的曾文能，最終卻缺席會議。「佢遲到，嚟到已經開完會。」消息人士透露。
據熟悉鍾、曾兩家的人透露，曾文能對鍾明輝的做法持不同意見。「有人想成立一間機構，再將俱樂部嘅錢交由佢做決定。」曾文能更於上週三，入稟高院控告鍾明輝及其子女，要求頒令今年五月俱樂部開會通過的決議無效。
問到鍾明輝會否因此「嬲」了這個世姪，他強調不想傷和氣：「大家都係做事，只係意見唔同啫。」
而身處外國，現為變靚D主要股東的曾文豪，則在電話訪問中表示，贊成將俱樂部的錢拿去做善事，「呢個係爸爸嘅遺願，應該尊重。」其後就以自己已離港一個月，對弟弟入稟一事不了解為由匆匆收線。
中環在線： 《福布斯》女富豪張茵撐股價最落力 李華華
2008-08-20 AppleDaily
前女首富張茵再度出擊增持玖龍紙業（2689）。據噚日港交所（388）資料，玖紙主席張茵喺今個月15號以每股平均價4.316元，增持110.5萬股玖紙，涉及金額476.9萬銀，持股量由72.03%增至72.08%。增持當日，玖紙跌咗三個巴仙。
全 球熊市，玖紙股價每況愈下，今年3月公佈中期業績差過市場預期，股價當日急跌四成，張茵惟有不斷出手增持撐玖紙。計埋今次，張茵今年已經第13次增持玖 紙，總共花咗1.86億銀。不過，股價撐唔起，玖紙噚日收報4.01蚊，年初至今累跌八成。你話張茵見到點會唔眼寃，雖然係咁，家吓佢持有嘅玖紙價值仍然 高達125億銀。
楊惠妍一次過豪擲3億
講起女首富，除咗張茵出手，《福布斯》亞洲女首富、碧桂園（2007）大股東楊惠妍今 年亦曾經出手增持碧桂園，雖然只係出過一次手，但做得亞洲女首富，出手就梗唔會「陰啲陰啲」，4月21號豪擲3億銀買入5000萬股碧桂園，增持1次嘅資 金已經多過張茵近四成。不過，碧桂園亦都唔係幾生性，增持至今股價再跌四成，但佢持有嘅碧桂園市值仍達343億銀。女富豪榜仲包括SOHO中國（410） 張欣同華寶國際（336）朱林瑤，雖然公司股價年初至今分別跌54%同23%，但佢哋冇增持公司股權。雖然股價跌，但兩人嘅身家仍然過百億，佢哋持有嘅公 司股份市值分別達124億同116億銀。有錢啫，唔一定要拎嚟撐股價嘛！
女富豪增持情況
富豪：張茵玖龍紙業公司次數：13涉 及金額：1.86億元昨收報(年初至今變幅)：4.01元（-79.7%）持股市值：125億元富豪：楊惠妍碧桂園公司次數：1涉及金額：3.00億元昨 收報(年初至今變幅)：3.58元（-60.3%）持股市值：343億元富豪：張欣SOHO中國公司次數：0涉及金額：0億元昨收報(年初至今變 幅)：3.74元（-53.5%）持股市值：124億元富豪：朱林瑤華寶國際公司次數：0涉及金額：0億元昨收報(年初至今變幅)：6.00元 （-23.1%）持股市值：116億元資料來源：港交所電郵：
[email protected]
中環在線：Google多福布斯富豪 李華華
2008-09-10 AppleDaily
美 國財經雜誌《福布斯》公佈全球互聯網富豪榜，互聯網一哥Google兩位創辦人布林（Sergey Brin）同佩奇（Larry Page），包辦富豪榜頭兩位，身家分別高達1459億同1451億銀；而Google行政總裁施密特（Eric Schmidt）就排第五，身家515億。今次總共有34位富豪上榜，嚟自Google嘅就有7位，佔上榜名單21%。此外，中國人面孔亦佔唔少，其中巨 人網絡創辦人史玉柱仲打入頭10名，排第七，身家達218億。提起史玉柱，梗要講吓佢嘅傳奇創業經過，90年
(greatsoup按:應為1989年8月)，佢喺內地成立巨人集團，經營電腦同軟件 業務，93年已經入《福布斯》內地富豪榜第八位，後嚟公司出現財務危機，差啲破產，好在後尾靠保健產品「腦白金」東山再起，還清債務。舊年更喺全球大冧市 前，將巨人網絡喺美國上市，集資80幾億銀。
楊致遠未能躋身十大
至於大家熟識嘅仲有雅虎創辦人楊致遠，不過佢只係排11位， 唔能夠躋身十大，身家約179億銀。剛晉身為恒指成份股嘅騰訊（700），公司創辦人馬化騰就排22位，身家109億。內地搜尋器一哥百度嘅李彥宏緊隨其 後，至於阿里巴巴（1688）馬雲同網易丁磊，就分別排第32同33位。
福布斯互聯網富豪榜
第1位布林(Sergey Brin)公司：Google身家：1459億港元第2位佩奇(Larry Page)公司：Google身家：1451億港元第3位貝索斯(Jeff Bezos)公司：亞馬遜身家：640億港元第4位歐米達(Pierre Omidyar)公司：eBay身家：601億港元第5位施密特(Eric Schmidt)公司：Google身家：515億港元第7位史玉柱公司：巨人網絡身家：218億港元第11位楊致遠公司：雅虎身家：179億港元第22 位馬化騰公司：騰訊身家：109億港元第23位李彥宏公司：百度身家：109億港元第32位馬雲公司：阿里巴巴身家：86億港元第33位丁磊億港元公司： 網易身家：78億港元
中環在線：大陸富豪搞天價晚宴 李華華
2008-09-16 AppleDaily
如 果你係股神畢菲特，就有人不惜用200幾萬美金競投，要同你共晉午餐。大陸有位富豪，都要學股神搞個天價晚餐。據《重慶商報》報道，內地富豪嚴介和下個月 喺重慶設宴，同10位重慶老闆食飯交流生意經，每人入場費5800人仔。嚴介和係乜水？香港人唔多識，但喺大陸就有啲名氣。佢05年上過「胡潤百富榜」第 二，當年以中國太平洋建設集團主席身份，坐擁125億人仔身家，排黃光裕之後。不過06年就跌落16位，身家得番75億，07年頭50名都唔見影。
弱點是太優秀
學 股神呢一招，多少要有啲膽識，嚴介和有個綽號叫「商界狂人」，經常語出驚人，金句包括：「我的弱點就是我太優秀了。」家陣係華洋建設集團主席嘅嚴介和，去 年底搞小企業家管理培訓，經常四出演講，普通門票都要過千銀。呢餐晚宴據講會喺一家五星級酒店搞，食鮑魚同魚翅等。咪以為佢呢招唔得，據報道截至上個禮 拜，已有20幾個中小企老闆報名。