【摸底遊戲】女友繙譯機踢爆港女8大語言偽術
1 :
GS(14)@2016-10-02 13:35:32回答我可不可以，暫時讓我，講出感覺後，才直說你有男朋友……
成日有人話港女係口不對心嘅，搞到班宅毒巴打百戰百輸、冇啖好食。但查實女神心唔一定海底針嘅，有咗港女繙譯機，幾毒幾宅嘅巴打都可以食到肥呀！
你表白，女神話欣賞你嘅勇氣，即係皮已收。
女神話唔睇樣，即係唔靚仔嘅樣佢睇唔到
女神話唔再相信愛情，梗係啦，相信有錢嘅靚仔吖嘛。
當你約女神去街，佢話check吓schedule先喎，你咪信呀，其實即係唔想去咁解；郭富城讚你乖就話好啫，如果女神讚你乖，你大鑊了，即係話你悶呀！好喇忍唔住終於要表白喇，女神話欣賞你嘅勇氣，呢句都可謂最毒最hurt喇，意思即係你未夠班表白，但你竟然都咁大膽示愛喎，仲唔欣賞你勇氣咩！如果女神話想專心事業，唔想拍拖住，醒吓啦！實情係唔想同你拍咋！
你約女神去街佢話check吓schedule，恭喜你，可以返屋企打FIFA
女神rule#1，佢話考慮吓，即係唔考慮。
可憐嘅你可能會懷疑自己唔夠靚仔，女神話佢唔睇樣喎。ok，係唔睇樣，意思係唔靚仔嘅樣佢當睇唔到囉；如果你個女神話因為上一次戀愛而唔再相信愛情，so sad man，唔信愛情仲有乜好信？即係話佢以後只係信有錢嘅靚仔囉！兵，小編都做過，巴打，回頭是岸啦！主演：表妹、林春協力：仙攝：Kaman編導剪：Roy資料來源︰高登先01-回答我可不可以，暫時讓我，講出感覺後，才直說你有男朋友……02-你表白，女神話欣賞你嘅勇氣，即係皮已收。03-女神話唔睇樣，即係唔靚仔嘅樣佢睇唔到04-女神話唔再相信愛情，梗係啦，相信有錢嘅靚仔吖嘛。05-你約女神去街佢話check吓schedule，恭喜你，可以返屋企打FIFA06-女神rule#1，佢話考慮吓，即係唔考慮。
來源:
http://hk.apple.nextmedia.com/entertainment/art/20161002/19788331
【摸底遊戲‧下集】男友繙譯機之 港女語錄害死人？
1 :
GS(14)@2016-10-10 04:28:26當你搵男友去街，佢話好似要返工，唔好信。要就要，唔使就唔使，咩叫好似要返工？老細「好似」唔出糧畀你得唔得？
上個禮拜我哋話港女口不對心，查實男人一樣會呃呃氹氹。輪到男友繙譯機，幫天下絲打拆開男人嘅核心。當你搵男友去街，佢話好似要返工，唔好信。要就要，唔使就唔使，咩叫好似要返工？老細「好似」唔出糧畀你得唔得？亞視都執咗啦！
男友話唔使出去睇戲，其實，已經冇人阻止到佢唔想睇…
當男友豬豬話你諗多咗，更加要小心，諗多咗通常等於冇諗多咗！
男友話開緊會，你仲唔識做收線？
當男友豬豬話你諗多咗，更加要小心，諗多咗通常等於冇諗多咗，你嘅第六感好準繩呀！當男友開始扮嬲，要注意喇，有啲嘢可能估中咗，或者估得好近，佢可能開始扮嬲搏大霧喇。唯獨係男友叫你早啲瞓，呢句唔使繙譯，照字面解，佢真係想你早啲瞓。你唔瞓，佢又點出去蒲呢？港女語錄，小編啲同事睇唔少，卒之搞到活在虛幻中。女孩子們，睇少啲啦！
當男友開始扮嬲，要注意喇，有啲嘢可能估中咗，或者估得好近，佢可能開始扮嬲搏大霧喇。
唯獨係男友叫你早啲瞓，呢句唔使繙譯，照字面解，佢真係想你早啲瞓。你唔瞓，佢又點出去蒲呢？
上集重溫︰【摸底遊戲】女友繙譯機 踢爆港女8大語言偽術
http://bit.ly/2dywjGZ主演：表妹、林春聲演：畢傑攝影︰峰、Neo編導剪：Roy資料來源︰高登先、猛鳩語錄
來源:
http://hk.apple.nextmedia.com/entertainment/art/20161009/19795405
【大阪實測】用繙譯機吹水有難度 點解日本人都覺得正？
1 :
GS(14)@2018-01-22 05:59:55日本搞笑藝人組合成員木哥指繙譯機無法辨識一些常用字眼。
去旅行最怕雞同鴨講，最近日本 Source Next公司推出首部世界通用的繙譯機「POCKETALK」，支援世界50種語言，包括廣東話。只要說出單詞或句子，繙譯機便能轉換成當地語言，再以語音輸出繙譯結果。
今次記者來到大阪心齋橋，一於實試用它與當地日本人溝通，即刻看看繙譯機的表現如何。記者先從遊客級問題問起，設定問題為「你好，我很肚餓，可以推介一間附近的拉麵店給我嗎？」基本上受訪者都明白問題，可惜當他們同樣用繙譯機回答時，答案參差不齊，例如有次繙成「我舉薦嘅拉麵係幾號嘅附近有一丈六坐像食譜」，令人摸不着頭腦。記者再嘗試向受訪者提出「你們很搞笑，我們交換facebook好嗎？」挑戰閒聊識朋友，不過受訪者聽了幾次都一臉疑惑，可見繙譯機只能應付簡單溝通。
雖然繙譯機偶有失靈，但當地人覺得這是一個有用的工具。
繙譯機可以應付簡單的遊客級問題，但用來與日本人「吹水」就有點難度。
日本搞笑藝人組合木哥杏子亦為我們實測一些日常對話，發現繙譯機連「大阪燒」、「好味」等簡單字眼也無法辨識。記者再用繙譯機與店家溝通，不過它時常失靈，要重設才可以回復正常運作，有點不方便。
繙譯機譯成廣東話時較遜色，如以日文詢問「請問日本哪間餐廳的大阪燒最好吃」，結果繙譯機卻繙成「唔該講我呢個城市最靚嘅壽司店先生」。
整體來說，日本人對繙譯機抱正面評價，認為起碼可以應付基本溝通。
雖然繙譯機有失靈的時候，但日本人對的它評價頗正面，有受訪者稱讚：「它是一個很有用的工具，尤其對將來來說，雖然偶爾出錯，不過我覺得已經很好，因為我們不用再學英文了。」也有受訪者表示起碼可讓「不擅長語言的人簡單理解對方的意思」。記者就覺得如果到不是太多人會說英文的國家旅遊，如日本和韓國，用繙譯機可協助簡單溝通，不過日文譯成廣東話時文法就錯漏百出，略嫌遜色。記者：鄧天蔚攝影：劉永發全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180116/20275475
Next Page