王浩信靚仔又識影相幫老婆影靚靚三點式
1 :
GS(14)@2017-01-12 08:03:27一個女仔，身邊有一個識影相嘅男朋友，絕對係一種幸福，因為留住自己最靚一刻，好緊要㗎嘛！如果唔係刻意去認識啲攝影師，真係要幾幸運先可以做到，而以下呢幾位女士，就做到喇！陳自瑤老公王浩信，最近就人氣急升，雖然攞唔到視帝，不過就好多網民都覺得佢應該嘅，都叫做「民間視帝」。王浩信除咗好戲，仲係好老公，一年前佢同老婆去旅行，王浩信就幫老婆影咗輯靚相，已為人母嘅陳自瑤係以三點式上陣㗎！何佩瑜（Jeana）自從同翁子光公開戀情之後，成日都晒恩愛，之前佢哋兩個去咗馬爾代夫，翁子光就化身「私家」攝影師，幫Jeana影咗輯寫真，有水着，又有背心短褲造型，睇到心心眼。林峯堂妹林夏薇，同拍拖兩年嘅45歲才俊莫贊生(Jason)結婚後，早前兩公婆出海玩，莫贊生仲幫林夏薇影咗輯泳裝相，fit嘅程度拍得住未結婚嗰時。喺節目做司儀好叻嘅陸浩明（6號），女朋友就係專業模特兒Ayan，之前《蘋果》影到佢同埋個朋友一齊去街，6號仲攝影大師上身，教埋女朋友擺甫士，識影相又識教，仲係難得。
來源:
http://hk.apple.nextmedia.com/entertainment/art/20170111/19893373