炒ELN勁輸七千萬：諗過恒生總行跳落嚟！
|
|
以往私人銀行是身份象徵，但近期卻如同箭靶，先有年逾七十歲的隱世富婆入稟控告瑞銀，接着有十名內地大客專程來港向金管局投訴銀行，指錯信銀行炒燶Accumulator，勁輸數億元。
有錢人除了玩Accumulator輸得甘外，炒股票掛鈎票據（ELN）亦隨時破產收場。本身有數千萬元資產的退休人士阿偉，貪私人銀行服務，結果經不起恒生私人銀行職員游說狂炒ELN，一鋪清袋蝕了七千萬元，兼被恒生追債二百萬元，瀕臨破產，更想過自殺。
「我諗過由恒生總行天台跳落嚟！」五十五歲的阿偉激動地說，在旁的太太補充：「朋友講個比喻，話我哋本來安安樂樂住喺山腳，但恒生話我知山上風景更好，我哋上到去後，原來係懸崖，我哋連人帶屋一齊碌落山，粉身碎骨。」
阿偉自小家貧，中二已輟學打工，「十幾歲就喺工廠打鈕門，當時三毫子一碗雲吞麵，我每個月得二十蚊人工。由細到大，我嘅積蓄都係一分一毫咁慢慢儲番嚟，連搭車都要諗清楚至搭。」
後來他轉行做高級影音器材，一做便三十多年，更由小職員做到行內出名的店鋪老闆，五十歲未夠已累積數千萬元財富。捱了多年世界的他，遂在七年前將公司賣盤，與太太居於早已供滿的大埔獨立屋聚豪天下歎世界，在家有工人服侍，三不五時約朋友飲茶、學跳舞、學瑜伽、去旅行。
覺得私人銀行好威
但 在○五年，阿偉人生起了變化，一直使用星展銀行的他，突然轉投恒生懷抱，「星展無咩服務，但恒生有私人銀行，唔係個個人都開到，最少要八百萬先可以開 戶。」轉去恒生後，阿偉頓感身份升級，不單有專人服侍，毋須再親自到銀行辦理手續，恒生每年更邀請他和太太到中環總行博愛堂晚宴，「我嗰刻覺得真係幾 威。」
「恒生有專人服侍我，佢叫林慶芬，態度好友善，成日打電話同我傾吓市況。」他遂不自覺向對方透露自己曾在星展買ELN，林慶芬即打蛇隨棍上，不斷向他推銷各式各樣的ELN。由掛鈎單一股票到掛鈎一籃子股票的，總之花樣百出。
阿偉以往在星展僅買年期較短的 ELN，林慶芬卻慫恿他改玩合約年期達兩三年的產品，「佢話長年期的折扣又多，利息又好啲，仲話叫我放心，會幫我睇實。」結果阿偉抵受不住年息三十釐的引誘，開始他的勁炒ELN生涯。
在○五至○八年，阿偉透過林慶芬買入了逾二百隻ELN，總金額達三億元。有業內人士表示，銀行職員每月若成功出售五百萬元ELN，便可獲兩萬元佣金，計落林慶芬單靠賣ELN給阿偉，便袋了過百萬元佣金。
借上借惹禍
事 實上，隨着股市上揚，阿偉最初炒ELN，幾乎有贏無輸：「收息都收咗成二千萬，就算偶爾要接貨，但啲貨後來都賺番！」結果阿偉被勝利衝昏頭腦，自以為是 ELN聖手，故就算林慶芬更進一步，罔顧他作為退休人士的風險承擔能力，建議他有風駛盡『巾里』亦應承，「佢話依家利息咁低，不如用埋貸款額嚟買ELN， 唔使嘥晒。」
繼後甚至教他把貸款買入的ELN再作抵押，從而加大貸款額再賭過。這就像他向恒生借一百萬元買入ELN後，再將這ELN合約抵押給恒生，再借錢買其他的ELN，藉此重複不斷。阿偉回憶道：「我相信用貸款簽咗三、四十次ELN單。」
結果，貸款雪球愈滾愈大，阿偉共貸款了四千多萬元，加上自己全副身家所買的ELN，合共近一億元。惟去年股市下挫，作為抵押品的ELN價格急跌，林慶芬遂很客氣請他從星展調些資金來補倉，「我開戶時，俾佢睇過我喺星展有幾多錢。」
阿偉遂分多次存了總值二千萬元的股票到恒生補倉，「其實我都有少少擔心，不過佢話大市只係調整啫。」
變臉斬倉追殺
直 到去年十月，股市跌勢加劇，林慶芬的追銀call變得愈來愈急。為了慳錢，阿偉辭退工人及變賣四輛私家車，甚至賣掉大埔的獨立屋，改為租住九龍灣的居屋麗 晶花園棲身。直到他將全數資金投入恒生，坦言自己已經「無晒現金」，一向有商有量的林慶芬迅即變臉：「佢打親電話嚟就追數，直接叫我補倉！」
恒 生見阿偉無力還錢，遂開始替他斬倉，但套現所得的，亦資不抵債，仍欠恒生近二百萬元。一生積蓄付諸東流，這個消息對阿偉來說，簡直晴天霹靂，「高峰期我戶 口的ELN加股票值一億一千幾萬，點諗到賣晒都唔夠四千幾萬。」而他最勞氣是恒生一直沒告訴他可以斬倉解決，「佢哋一味叫我補倉，無非係想我將所有錢搾乾 搾盡。如果早啲同我講有得斬，我依家都仲有啲身家旁身。」
阿偉身家敗盡後，現要家人接濟，精神變得極度緊張，「每日朝早五、六點就扎醒，好 擔心又係銀行打嚟追數。」他太太說：「件事發生後，我收起晒所有自殺嘅新聞，唔敢俾佢睇。」但她又何嘗不怨丈夫，「點會咁蠢將所有雞蛋，放晒喺同一個籃 度。」而註冊財務策劃師協會副會長范維綱更認為退休人士根本不應借錢炒ELN：「ELN本身已經係衍生產品，咁樣借錢買ELN，真係風險極大。」慶幸是阿 偉沒有兒女，否則負擔更重。
刻下阿偉只望搵工賺生活費，惟自知非易事，「依家真係好慘，我已經係退休年齡，又離開市場咁耐，真係好難搵工。」而恒生上月中更已發信，向他追討二百萬元，勒令他於二十一日內清還，否則便申請他破產。「我連隻錶都賣埋，仲可以點呀？到最後一步，唯有破產啦！」
由坐擁上億身家，變成瀕臨破產，阿偉嘆道：「第一大錯係我自己，居然無留意ELN咁高風險！跟住就係私人銀行，佢哋好似吸血魔鬼，完全罔顧客人承擔風險能力，為咗做生意，竟然可以不擇手段！」
解構ELN玩法
ELN即股票掛鈎票據，是投資者與發行商之間的對賭遊戲。投資者若睇好某隻股票，雙方便定下一個合約期限，以及該股的行使價。到期時，只要該股仍企穩行使價之上，投資者便可收取利息，反之若股價下跌，投資者便要以行使價購入股票。
此外，部分ELN設有贖回機制，若期內或於指定觀察日，正股價高於贖回價，ELN即自動贖回，投資者可提早收取本金和利息。
|
成龍自爆諗過離婚
1 :
GS(14)@2015-03-27 08:39:49
成龍下月將推出一本新自傳，這本書由籌備到出版用了三年時間，對於當年與吳綺莉誕下小龍女，成龍在書中自爆有意思與林鳳嬌離婚說：「我想要打電話給她，但又不知道該說甚麼。我沒有辦法解釋。這個錯誤不是我說對不起就能彌補的……後來我就想，不用解釋，就離婚好了。我犯了這麼大錯，一定是要離婚的了。」他亦寄語房祖名：「我年輕的時候也犯過錯，犯了錯，改了就好。接下來你要像個真正的男子漢，堅強的獨立的去面對應該面對的一切。」
吳綺莉
經常講多錯多的成龍，昨日在微博說：「有些往事，與其讓別人去說，不如我自己來講，希望大家能在這本書裏看到一個真的我。」撰文：張曦彤
來源:
http://hk.apple.nextmedia.com/entertainment/art/20150327/19091273
劉玉翠諗過轉行
1 :
GS(14)@2015-05-14 08:20:59劉玉翠昨日在大埔接受陳圖安主持的節目訪問，二人相識25年，陳圖安指玉翠多年來，無論健康，事業都屹立不倒，值得一讚，玉翠即眼淺，忍不住落淚。玉翠表示以前在無綫有穩定收入，但自己想有突破，才決意離開，她說：「好彩自己好慳儉，所以冇乜壓力，不過期間都有諗過轉行，但又諗唔到做乜嘢。」一向很少提感情事的劉玉翠，表示圈外男友做藝術工作，二人拍拖多年，她說：「佢而家北上發展，大家會就時間見面，好多朋友都想我有個歸宿，但唔會喇，開心就得，結咗婚唔代表唔會嗌交，我又唔在意名份，後生我諗過生12個仔女㖭，而家唔好玩喇。」採訪、攝影：溫敏芝
來源:
http://hk.apple.nextmedia.com/entertainment/art/20150513/19145122
大神都有低潮期劉在錫曾經諗過退出演藝圈
1 :
GS(14)@2017-02-05 10:55:42韓國「國民MC」劉在錫喺日前播出嘅《Happy Together3》中，大談昔日未走紅時嘅艱辛日子，劉在錫自爆出道時，因為太緊張關係會喺節目中出現失誤，更險些被製作人炒魷魚。劉在錫直認當時因為事業陷入困境，所以曾經想過唔撈，退出娛樂圈另謀發展，當時事業發展唔太順利，所以劉在錫就去咗酒吧打工，而佢那時只係剛剛加入電視台工作6個月。劉在錫慶幸當時有好友朴秀洪等支持，佢最後先度過難關。喺現場嘅朴秀洪就話當年嘅劉在錫面對鏡頭表現太緊張，所以先無法發揮佢嘅實力。同時仲係新人嘅劉在錫因為缺乏幽默，所以成日NG，嗰時連高層都叫劉在錫走人，費時0徒時間。劉在錫強調自己當年實力唔夠，所以佢從來冇埋怨過製作人，不過坦言呢件事亦令到佢陷入低潮。
來源:
http://hk.apple.nextmedia.com/entertainment/art/20170205/19918622
冇諗過再婚紅姑念亡夫：佢似我守護天使
1 :
GS(14)@2017-04-22 10:43:43鍾楚紅、關之琳、張智霖（Chilam）及中田英壽等昨晚現身尖沙嘴，出席LV旗艦店開幕活動。紅姑剛由台北回港，透露曾與台灣名製作人邱瓈寬飯敍，問到對方在facebook指郭富城結婚沒邀請她，叫他下次結婚再請一事，紅姑表示：「我唔覺得佢嬲，佢成日搞笑，唔係點會咁多粉絲。」
■紅姑昨晚直言亡夫仍在心中，是她的守護天使。
■中田英壽專程由日本來港出席活動。
■文詠珊昨晚穿短裙騷美腿赴會。
■朱家鼎已去世10年，紅姑坦言日日懷念他。
「愛情仲喺度」
提到有報道指她亡夫朱家鼎是天主教徒，紅姑更承諾一生不嫁，紅姑表示亡夫逝世10年：「我日日懷念佢，在心中，佢好似我守護天使，日日守護我，以前喺夢中都見到佢，計劃出trip而又未知去唔去，就會夢見佢，佢好似陪住我一齊去咁。」問到是否許下不再嫁誓言？紅姑更眼濕濕表示：「唔係話一個承諾，我哋嘅愛情仲喺度，唔會特登乜嘢承諾，係心裏面感覺，可能我係一個保守嘅人，我接受佢唔喺我身邊，佢精神影響仲喺度，因為佢令我知道世界咁，令我成長增長見識，冇佢就冇今日嘅我！我冇諗過，亦都冇咁打算，不過呢個係我嘅事，再唔再婚都唔關你事。」
送杯賀城城
此外，Chilam提到為郭富城結婚做兄弟好夢幻，見證雙方家長充滿幸福笑容。他表示送了一對香檳杯賀城城，寓意好事接踵而來，問他城城是否雙喜臨門？他笑言：「唔清楚，未收到通知。」Chilam亦笑言聽不到城城外父在台上提自小聽對方歌成長，提到方媛肚圓潤，他說：「嗰日被幸福包圍住，睇唔到半點蛛絲馬迹。」對於寬姐祝城城「下次結婚」一事，Chilam笑言留待城城於今日活動親自回應。採訪：羅慧敏攝影：陳俊強
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170421/19996117
【備年手冊】鹹蛋魚皮/髮菜蠔豉味曲奇 街坊：無諗過咁夾
1 :
GS(14)@2018-02-13 03:42:26鹹蛋魚皮熱潮，引發Alla做出口味獨特的曲奇，市面罕有。
一click免費下載《籽想去東京》旅遊指南：
http://bit.ly/2rSv4c4全新旅遊專頁，即like籽想旅行：
https://fb.com/travel.appleseed
坊間曲奇絕大部份都是甜的，想轉轉口味的話，鹹味曲奇可能是另一種新選擇。鹹蛋魚皮味、髮菜蠔豉味和雪菜三文魚鬆味的曲奇，應該夠創意啦。私房菜「issa u kitchen」由Alla兩夫婦經營，他們熱愛烹飪，一開始時是在家做私房菜，現在有了自己舖頭，更推出不同口味的曲奇餅。已經第六年做鹹味曲奇，Alla大膽嘗試了三款味道，「我們每年都會推出三款味道，盡量想給客人刺激及驚喜，今年有鹹蛋黃加魚皮，第二款是大地魚髮菜加蠔豉，第三款是雪菜三文魚鬆加脆米。」
髮菜蠔豉是新年必食餸菜，用來做曲奇有意想不到效果。
雪菜三文魚鬆脆米配搭得宜，焗過後脆米仍保持口感。
三款鹹曲奇都非常創新，Alla逐一說它們的由來，「因為鹹蛋黃和魚皮熱潮，所以想試試創作這口味；至於創作髮菜蠔豉和大地魚味，就因為中國人講意頭，所以就用髮菜蠔豉，但我又嫌味道未夠豐富，之後想起我丈夫是客家人，每逢過年他們都會用大地魚粉煮蠔豉，所以引發我加入大地魚粉；最後一個用了雪菜、三文魚鬆加脆米，因為我早餐喜歡食雪菜肉絲米，但肉絲很難加入，我想起今年是父親65歲生日，他很喜歡吃三文魚，於是我加入三文魚鬆，當是送給他的生日禮物。」雖然味道新奇，但未必人人啱食，街頭試食又有無人覺得中伏？同學KK試食髮菜蠔豉大地魚味曲奇，「鬆脆，有些類似小麥的東西，口感幾豐富，不像外面買到的那麼單調。」有沒有中伏感覺？「不會，因為蠔豉都幾好食，都幾夾，估不到，無想過可以咁夾。」
和風包裝賀年禮盒，一盒三包曲奇共200克，每盒$228。
店主Alla。
阿豪試食雪菜三文魚鬆脆米味曲奇，他試了一口後說：「幾脆，似杏仁味，我覺得不太甜，幾健康，還好似有些紫菜。」開估後，阿豪即說：「我開頭以為是紫菜，現在覺得有雪菜味了。」未試過鹹曲奇的他都讚：「幾好食。」最後鄧同學試食鹹蛋魚皮味曲奇，「有些肉鬆及果仁。」其後開估，鄧同學表示：「吃不出有魚皮，但鹹蛋我就應該食得出。」採訪：鄭紫珊攝影：劉永發
來源:
https://hk.lifestyle.appledaily. ... e/20180210/20300793
Next Page