彈香港電影落後嘉玲開戲 分紅誘偉仔
1 :
GS(14)@2017-03-05 09:34:48■劉嘉玲將斥資開電影公司，有意把自己經歷拍成電影。
劉嘉玲、佘詩曼及鄺美雲（Cally）昨日現身中環出席食肆開幕活動，一向生意瓣數多的嘉玲也曾投資飲食，她表示之前在The ONE的食肆已轉手：「做飲食生意好困身，所以鍾意做自己有興趣嘅嘢，?家做緊時裝，發覺最適合都係電影。」
■佘詩曼昨出席食肆開幕活動，自言偶爾會與母親及哥哥在家比拼廚藝。
■鄺美雲透露其膝頭軟骨問題正在康復中。
■偉仔（右）和王家衛成嘉玲邀合作拍戲的目標。資料圖片
阿佘開舖怕蝕
嘉玲透露會開電影公司做監製，她說：「今年會接三部戲，其中一部係《狄仁傑3》，一路都行山操弗緊。第一部做監製嘅電影已拍咗，係《以青春的名義愛你》，覺得香港電影落後咗少少。希望做電影投資，自己人生都有好多故事，特別好多女性勵志電影，同埋講吓人生樽頸位經歷，以自己生活為藍本。」問會否請老公梁朝偉拍戲，嘉玲笑言如有合適劇本的話，可能會請偉仔拍：「唔准唔拍，唔會叫佢收平啲，又唔要佢唔收錢，會計番酬勞，會畀多啲㖭，仲會分紅。」再問她會不會搵王家衛開戲，她即大笑：「會，有啱就會，要喺合約寫定要指定時間完成，唔係我唔畀錢，我冇咁多錢。」同場的阿佘表示與母親及哥哥廚藝不俗，曾有念頭想打本給母親開私房菜，不過卻被母親嫌工作量多，她自己則想開泰國菜餐廳：「不過都應該會蝕錢，成日請朋友食，唔好意思唔埋張單。」
Cally按摩紓緩
另外，Cally早前因膝頭軟骨退化，在家中要以樓梯輪椅上落，昨日出席活動她穿了4吋高的船踭鞋，但未有用枴杖，她說：「屋企有樓梯，仲有用輪椅，行就唔使，未開始做物理治療，做住按摩先，呢個時間休息都好。」採訪：盧妹攝影：沈健程
來源:
http://hk.apple.nextmedia.com/entertainment/art/20170305/19947809