中環在線：許淇安下周告別嘉華 李華華
|
|
嘉 華國際（173）噚日公佈，效力公司有5個年頭嘅前警隊一哥許淇安，佢份合約將會喺下月5日到期，之後唔會續約，即係仲有一個禮拜就say goodbye。除咗辭任執行董事外，佢「署理」咗兩年幾嘅董事總經理個位，將會交番畀主席呂志和兼任。事實上，許淇安今年喺嘉華已經轉趨低調，兩次業績 記者會唔覺佢有蒲頭，最近呂博士捐錢畀理大，同埋嘉華系周年晚會，管理層大晒冷嘅時候，亦都唔見佢蹤影。
反而今年3月先加盟嘉華嘅前民航處處長林光宇，就 成為呂博士「新歡」，經常傍住老闆出席大小場合，風頭一時無兩。嘉華一路有鋪請退休高官癮，林光宇更加係由老闆喺業績記者會上，親自宣佈加入做營運總裁， 唔夠3個月已經升做執董，真係快過坐直升機，話唔定再過幾個月，有機會做埋董事總經理都唔出奇。
|
Next Page